[MUS4] The Bachelor's Desires|✔

CHAPTER 7

Chapter 7

Colt Pov

"Sino ang batang dala mo, Lita?" salubong sa amin ni Mommy ng isang babae na matanda na at kahit na ano man ang gawing suot nito at kolorete sa mukha ay napaghahalataan na talaga ang katandaan nito.

Humigpit ang pagkakahawak ni Mommy sa maliit kong kamay at umabante kami doon sa matandang babae.

"M-mama."

Tumingala ako kay Mommy.

"Mama anak ko po ito. Apo niyo po siya." Hinila ni Mommy ng konti ang kamay ko at pinalapit doon sa matandang babae na siyang lola ko pala.

Simula noong nagkaroon na ako ng isip ay ngayon ko lang nakilala ang aking lola. Samantalang hindi ko naman nakilala ang mga magulang ni Daddy dahil patay na ang mga ito.

Lumapit ako doon sa lola ko at kukunin ko na sana ang kamay niya upang magmano nang itulak ako nito. Mabuti at nasalo ako ni Mommy na nasa likuran ko.

"M-mama bakit n'yo naman po--"

"I cannot accept that child, Carlita! I cannot accept the son of that poor man!"

Uminit ang mga mata ko sa sinabi ng aking lola. Sabik ako sa kanya. Noon pa man ay gusto ko na talaga na makilala ang aking mga lola at lolo dahil nakikita ko iyon sa aking mga ka-edaran na may mga lola at lolo sila. Pero bakit ganito ang lola ko? Bakit hindi siya masaya na nakilala ako?

Galit nitong tiningnan si Mommy.

"Alam mo na sa oras na umuwi ka dito Carlita ay wala kang pagpipilian kung hindi ang sundin ang lahat ng gusto namin ng ama mo."

Tumingin ako kay Mommy na umiiyak.

"A-alam ko mama p-pero huwag niyo namang ganyanin ang anak ko. Apo niyo po siya mama--"

"Apo? I told you, Carlita, that I could not accept that child. The blood of that poor man is running into his veins!"

Akala ko kapag nakilala ko ang lola ko ay sasaya ako kasi madadag-dagdagan ang pamilya ko kaso nagkakamali ako doon. Ayaw sa akin ng lola ko dahil mahirap ang ama ko.

Kahit na ayaw sa akin ng lola ko ay nanatili ako doon sa bahay nila. Walang nagawa si mommy nang sinabi ni lola na sa maids' quarter ako tutuloy. Kasama ko ang mga kasambahay at nakita ko ang mga mata nila na naawa sa akin.

Nagpatuloy ang buhay ko sa ganoon. Kumilos ako sa bahay ng sarili kong magulang na parang isang kasambahay. Natuto akong maglinis ng bahay, natuto akong magdamo, ang magtanim, paglilinis ng kotse at iba pa. Malimit lamang akong kumilos sa bahay namin dati kasi si mommy naman ang kumikilos sa bahay kahit puro siya angal. Pero dito sa bahay nila ay araw-araw na akong kumikilos para hindi ako mapagalitan ng lola ko. Minsan na akong nahuli nito na natutulog sa sala dahil sa pagod ko pero napagbuhatan lang ako ng kamay dahil wala raw akong ginagawa.

Saka iyong si lola Carmin, ang pangalan ng ina ni mommy, ay araw-araw pinapamukha sa akin na hindi ako tanggap sa bahay na ito. Kapag nakatsyempo sa akin ay lagi niyang pinapamukha sa akin na para bang sampid ako dito sa bahay nila. Wala namang nagagawa doon si mommy kasi napaka-under ni mommy kay Lola Carmin. Saka kapag kumakampi sa akin si mommy ay si mommy na naman ang pinapagalitan nito at laging sinusumbat kay mommy na mali ang desisyon nito na sumama sa daddy ko, na mali na sinuway niya ang mga ito.