احداث الرواية مش موجودة فى واقعنا الحالي بس ده تمنى مني للواقع اللى حابة انها تبقى عليه .
١ :- كنت اتمنى يبقى فيه رجال في حياتنا زى بدر ... شهامة ونخوة وضميره سابق قلبه بيعرف يتعامل مع الانثى صح وفاهم القوامة اللى ربنا خصه بيها صح .
حب بنت شاف فيها المرح وروح الحياة اللى هو افتقدها بسبب حروب ودمار وغربة ... اتجبر يتجوز بنت عمه اللى كان بيعتبرها اخته لانهم اتربوا سوا بس ولا مرة هانها او جرحها بكلمة ولما اتعتقد انها اتوفت مع اهله عاش على حزنهم عشر سنين ... يعنى مش انسان شهوانى ولا بيدوفيلي ( مرض نفسي يعنى الاشتهاء الجنسي للاطفال ) زي ما اتقال عنه لان قمر مش طلفة قمر عندها ٢١ سنة لما تم جوازه منها وهو عنده ٣٨ سنة يعنى مش كبير .
٢ :- كنت اتمنى يبقى فيه رجال في حياتتا زى محمود بيشوف في زوى الاعاقة جمال روحهم والجزء المكتمل فيهم مش العكس لان حقهم يعيشوا ويحبوا ويتحبوا ومش ذنبهم ابدااا ان حصل معاهم حادثة لان ده وارد مع اي حد جدا فلازم يعيشوا حياتهم صح محدش اتخلق مكتمل كلنا ناقصنا شئ يمكن اللى عندنا جسم متكامل لكن هما عندهم عقل ناضج ورضا وكرامة بتميزهم .
٣ :- كنت اتمنى تكون فى ست زى ريحانة عندها رضا وقناعة وعزة نفس جعلت الكل يحبها دون استثناء ... انثى متفهمة ومقدرة لمشاعر الغير مش انانية ومتصارحة ومتسالمة مع نفسها جدااا .
٤ :- كنت اتمنى تكون في صبية زى قمر ... مهما ارتكتب اخطاء بتبعد وبترجع للصح ... بتحب بكل قوة بس حنينة على الغير ... بتتجنن وشقية بس جدعة ويتقف ... جواها الخير والحب والحيوية حتى لو متملكة ...
الكل يحقله يعيش فرصة تانية لربما الاولي كانت خطأ
الكبير والصغير والارمل والمطلقة والتائب كلهم من حقهم الحب .
احنا بشر مش ملايكة ... بس بردو مش شياطين ... جوانا الخير والشر بس الاجمل اننا ننمى الخير ونقضي ع الشر لان الجنة عظيمة مش محتاجة عبادة بس لاااء
العبادة عمود اساسي بيسنده المعاملة الطيبة ومراعاة مشاعر الغير وعدم الايذاء النفسي حتى لو بكلمة
واقعنا بقى مريب وبنواجه اشباه رجال واشباه نساء وجرايم كتير فلازم نحاول نظهر الامل من خلال الروايات للحصول على واقع افضل .
شكراً لمتابعتكم الرواية شارفت على الانتهاء باقي جزء وخاتمة
وممتنة جدااا لكل اللى دعمنى وفهمنى وفهم الاحداث والاشخاص صح .
DU LIEST GERADE
خسوف ( بقلم آية العربي )
Romantikظننتُ ان جمالي سيكون سِر سَعادتى وبتُ اتباهى بالغالي والثمين ولهوتُ ونسيتُ ان بريقي يختفي رويداً رويداً حتى خُسِفتُ . فهل تمحى عتمة قلبي ويتحول خسوف قمري الى بدر منير ! تابعونى ( بدر & قمر ) الرواية مسجلة بأسمي آية العربي واي نقل بدون علمى او سرقة...
