خسوف ( بقلم آية العربي )

الجزء الحادى عشر

    بسم الله ولا حول ولا قوة الا بالله العلي العظيم

وَلَقَدْ نَعْلَمَ أنّكَ يَضِيقُ صَدْرَكَ بِمَا يَقُولُون فَسَبّحْ بِحَمْدِ رَبُكَ وكُن مِنَ السَاجِدِينْ واِعْبُد رَبُكَ حَتّى يَأْتِيَكَ اليَقِينْ .

البارت الحادي عشر من رواية 🌑🌙 خسوف 🌙🌑

    بقلم آية العربي

  قراءة ممتعة

لقد وعدتنى ان تكون انت شفائي
ولكنك خلفت الوعد واستبدلت الفاء بالقاف

&&&&&&&&

فى تلك الاثناء

نزلت مى الدرج قاصدة شقة ياسر لترى ماذا تفعل قمر ولتحاول استفزازها كعادتها فمنذ ان جاءت قمر وعلمت مى بوجودها وهى تريد مجاكرتها بأي طريقة   .

طرقت الباب وهى تضع كف يدها على بطنها فمؤخراً يراودها تقلصات مستمرة ولكن هذا لن يعيقها في فعل ما تريد .

زفرت وطرقت الباب مرة آخرى عندما لم يفتح .

بعد دقائق فتحت قمر التى كانت تجلس بمفردها بعدما غادر والدها الى مطعمه .

نظرت لها قمر بترقب مردفة بهدوء _ ازيك يا مي .

ابتسمت مي بغرور واردفت _ ازيك يا قمر ... والله زمان ... انا قولت انزل اسلم عليكي .

اومأت قمر فاسحة لها المجال لتمر ..

دلفت مي وجلست على احدى الارائك تطالع قمر بحقد ثم ابتسمت بخبث واردفت _ اتغيرتى خالص يا قمر ... شكلك كبر كأن عندك ٥٠ سنة .

زفرت قمر واغمضت عيناها تستغفر ثم نظرت لمى مردفة _ ٥٠ ولا ٦٠ يا مى هو انتى هتسننيني !! .

ضحكت مي بخبث ثم اردفت _ لا تسنين ايه بقى ... دانتى ماشاء الله عديتي ... بصراحة يا قمر انا اتفاجئت باللي عملتيه ... انا عارفة انك جريئة اه بس مش لدرجة ان تروحى مع حبيبك بيته من ورا اهلك .

اغمضت قمر عيناها تستدعى الصبر ولكنها لم تحصل عليه فأردفت بهدوء _ بقولك ايه يا مي ... ماتفورى على نفسك وعليا حرقة الدم و تقومى تطلعي شقتك احسن !.

لوت مي شفتيها واردفت بغرور _ هو احسن طبعا ... لان بصراحة نادر منعنى اعد معاكى ... قالي بلاش تختلطى بيها بعد اللى عملته ... بس انا مهانش عليا انك تفضلي قاعدة لوحدك  كدة ... اكيد زهقتى خصوصاً انك بطلتى تروحى الجامعة .

وقفت قمر على حالها واتجهت تفتح الباب ثم اردفت بحدة _ لا كتر خيرك ياختى ... اسمعى كلام جوزك هو معاه حق ... ومتنزليش هنا تانى .

وقفت مى على حالها تردف بحدة _ تانى !!! .. تانى هتطرديني ؟! ... بس انا هستنى ايه من واحدة زيك ... حتى جوزها متحملهاش وطلقها بعد شهرين .