بسم الله ولا حول ولا قوة الا بالله العلي العظيم
وَلَقَدْ نَعْلَمَ أنّكَ يَضِيقُ صَدْرَكَ بِمَا يَقُولُون فَسَبّحْ بِحَمْدِ رَبُكَ وكُن مِنَ السَاجِدِينْ واِعْبُد رَبُكَ حَتّى يَأْتِيَكَ اليَقِينْ .
الجزء الواحد والعشرون من رواية 🌑🌙 خسوف 🌙🌑
بقلم آية العربي
آية العربي
ادركتُ ان سعادتى ثمينةٌ جداً ... وادركتُ انّى الى الأن لا استطيع الشراء .
&&&&&&&&&&
توقف ياسر يتطلع على تلك السيدات وهن يدلفنَ هذا البيت المصطف على جانب الطريق الزراعي .
اردفت بذهول وتعجب مردفاً _ مي ! .
اردفت سلوى متسائلة بترقب _ فيه حاجة يا استاذ ياسر .
ابتلع لعابه واردف وهو يخرج هاتفه _ ثوانى يا ست سلوى هنفهم دلوقتى .
هاتف ابنه نادر واردف بترقب _ ايوة يا نادر ... هي مي فين !
تعجب نادر من سؤال والده واردف _ مي خرجت يا بابا مع مامتها يشتروا حاجة من السوق ... خير يا بابا حصل حاجة !.
اردف ياسر بترقب _ ايوة يا نادر ... مراتك قدامى دلوقتى داخلة بيت غريب مع امها وواحدة تانية معرفهاش في قرية **** ... شفتها وانا راجع من عند فوزى عم ناهد .
تصنم جسد نادر لثوانى قبل ان يردف متسائلاً _ انت متأكد يا بابا ! ... مي اي اللى هيوديها قرية زى دي ! .
تنهد ياسر بضيق واردف بحزن _ هو انا هتوه عن مي يا نادر ... تعالى انا هستناك ... اركب اي مواصلة وتعالي على الطريق الزراعى اللى بيوصلك على **** .
اغلق نادر مع والده وتحرك بجسد مهزوز ونفسٍ مثقلة لما هو اتٍ .
اما ياسر فأردف بحزن وترقب امام من معه _ معلش يا جماعة انا هنزل استنى نادر ابنى هنا ... انت خد العربية يا زياد وارجعوا انتوا .
نظر زياد له بترقب ثم نظر للخلف حيث ناهد التى تنام بتعب في حضن والدتها بينما الآخرى اومأت مردفة _ طيب يا استاذ ياسر خلينا معاك لحد ما ييجي !.
اردف ياسر معترضاً _ لاء ارجعوا انتوا مع زياد علشان ناهد .
اومأ زياد يردف بترقب _ طيب خلي حضرتك في العربية وانا هنزل اوقف مواصلة .
اعترض ياسر وهو يترجل من سيارته _ لاء يا زياد اسمع الكلام يالا .
اطاعه زياد بسبب حالة ناهد التى لا تسمح له بالانتظار وبالفعل ترجل يبدل مكانه وغادر بعدما ودعهم ياسر الذى وقف على جانب الطريق ينتظر ابنه نادر حتى يأتى .
اما داخل ذلك البيت فما يحدث لا يمتّ للدين بصلة ... هو عبارة عن امورٍ محرمة من الدجل والشعوذة بحجة الدين والقرآن ليسحبوا الغافلات الحمقاوات الى طريقهم للحصول على اموالٍ طائلة .
YOU ARE READING
خسوف ( بقلم آية العربي )
Romanceظننتُ ان جمالي سيكون سِر سَعادتى وبتُ اتباهى بالغالي والثمين ولهوتُ ونسيتُ ان بريقي يختفي رويداً رويداً حتى خُسِفتُ . فهل تمحى عتمة قلبي ويتحول خسوف قمري الى بدر منير ! تابعونى ( بدر & قمر ) الرواية مسجلة بأسمي آية العربي واي نقل بدون علمى او سرقة...
