....*آزر: والإشارة جاية من القصر سي صقر ....*صقر: إيه مالا هي في. القصر ....حط عينيه ....*آزر: اما المدام مارجعتش سي صقر ...نزل حواجبو كأنو بدى يفهم ودخل للقصر ضام حواجبو سقسى الخدم مافماش ريحها حتى تلفونها مخلياتو ...ماعندها مكان غير اهلو هو تروح ليه لوج مالقاهاش بدى يتوتر مش من طبيعتها تغيب بالطريقة هاذي حتى صاحبتها لجين وصل ليها وماإستفادش وزع رجالو كامل يلوجو عليها في كل انحاء المدينة مشى للمحل متاع الحلوى بقى يغزر للكاميرا شافها كيف طلعت من الباب الوراني ...يديها على وجهها باين بلي تبكي كبس على قبضاتو وغمض عينو لين غابت على انظارو خذى التسجيل وبدى يعاود فيه في تلفونو برا بلاكشي يتوصل لشي بلاصة اما شي نفس التفاصيل نفس لي جاست ونفس الملاحظات ضرب التلفون على الحيط بقوة جهدو وضرب الطوموبيل برجلو رجالو تهزو وتنفضو ماوصلو حتى لنتيجة هوما زادا ...رجع للقصر طلع لغرفتو تاعب تحمم وبدل دبشو وجا يسكر اما وقف على الورقة لي لاصقة على الباب بالرغم مايستاهلش. في نظرها اما تنازلت وكتبتلو ورقة نحاها وقلبو تغيرت وتيرتو للسرعة .........*📩 انت اختاريت ماضيك وباش تبقى واحل فيه وخليت الحاضر متاعك ..وانا شفت لي يناسبني وخليتك براحتك .. كنت باش نخسر صغيري جرتك مش باش نسامحك صقر على الوجيعة لي سببتهالي مش باش ننسى زادا لي انت فضلت رفيقة قديمة عليا ..ههه رهام ومنعرفش شنية ..اختاريت فرشها وبيتها وكلامها عليا إختاريت تصبح على وجهها بدل وجهي ... انا كل ذنبي الي انا حبيتك حبيت انسان بالغالط مش عارف حقيقة مشاعرو اكبر غلطة ليا لي انا حبيت راجل اختيى وباش يبقى ذنب كبير ليا لين آخر عمري ماتلوجش عليا ونساني وان شاء الله تكون ارتاحيت توا ....غيابي مش باش يشكل فارق خاطرك تعودت عليه في الشهر هذا صرت نشوفك دقايق في النهار كهو متجاهلني ومتجاهل وجودي حتى مواعيد الكلينيك مش هاماتك ومامشيتش معايا ماسمعتش دقاتو وكيف قاعد يكبر نسيت صغيرك .او الأصح صغيري خاطرك ماتستاهلش تكون بوه وماعندك حتى حق فيه حتى كيف كان يموت لبارح ماكنتش معاه ماكنتش معايا انت نسيتني وانا باش ننساك ونحيك من بالي ونكمل طريقي وحدي...****#حياة****........حس الدنيا دارت بيه كبس على الورقة وصاح......*صقر: حياااااااااااااة.....
#الحاضر..
يوسف: بابا توحشت ماما جميلة وجدو اسماعيل وقتاش نرجعو .......*صقر: وقت نخلص للخدمة ..كمل غداك وبعدها اطلع العب سبورك .......*يوسف: باهي ........مسح فمو وقام شد التلفون وربط الإتصال مع جماعتو في تونس بوجه عابس .......*صقر: احكي ......*.......... مع كل كلمة ينطقها يزيد يكبس على التلفون بدنو يتكبس من العصب وعروقو تبان ودمو يغلي ...من 4 شهور نفس الكلام نفس النتائج نفس الأحداث مافماش ريحها مافما حتى اثر عليها قلب كل الأوتالة في تونس لوج حتى في بيوت لي قراو معاها لوج في البيوت لي مكتوبة بالآجار ..حتى البيوت لي تشرات من جديد ....حتى اهلها لي حاطهم آخر توقع مشى ليهم وهددهم كان هوما مخبيينها عليه اما مكاش ريحها ...لوج عليها وماملش ولا كره 3شهور وهو يلوج والرابع قضاه في باريس بسباب الخدمة وخلى رجالو يلوجو في تونس ....مع كل خبر الي مافماش ريحها يكسر تلفون دراهمو مشات في التلفونات كهو .......هو عاد في نص الإتصال وجاه اتصال وحدوخر ....رد .......*مراد: سييي صققققر البشاراااى .....نزل حواجبو .....*صقر: تكلم!!!!.ً.....*مراد: لقيتها للمدام حياة وخطفتها كانت تتمشى في شوارع باريس وتوا معايا .....تنفض من محلو كل عضو فيه تكبس ....*صقر: شنيية!!!!!!!!!!!!!!!!!!!!!!!!...............................................
أنت تقرأ
أحببت أخت زوجتي الجزء الثالث 3
Romanceهي رواية للكاتبة الجزائرية الشابة سعاد عامري ، كتبت باللهجتين الجزائرية و التونسية ، تحكي عن قصة حب تتوج في الأخير بالسعادة ، و نشرت لها قبلا جزأين و هذا هو الجزء الثالث و الأخير ، إن شاء الله تعجبكم ، تحياتي .
