أحببت أخت زوجتي الجزء الثالث 3

73

الحلقة73: طلع الصباح بداية من غرفة حياة لي تلفونها يصوني تنهدت لي ليوم عطلة ماعينهاش اصلا في الخروج .....فاقت مالقاتش صقر حدها ووبلاصتو كيفما هي عرفتو ماجاش جملة غمضت عينيها وتنهدت ....هزت تلفونها شافت الساعة قريب ال10:00 وميس تطلب .....*حياة: اااخ تأخرت برشا في النوم كيف مافقتش ......ردت ....*حياة: اهلا ميس .....*ميس: اهلين وسهلين ماتقولش نايمة لتوا ؟!....*حياة: ااه والله ماحسيتش على روحي .......*ميس: ههه الصغرون عامل رايو ..تبسمت ....*ميس: خممي شنية جديدي؟!....*حياة: شنية؟؟!.......*ميس: تحددددد موووعد عرررررسي ههه .....حلت فمها ....*حياة: شنييية !!!!!!؟؟.؟؟ عرس شنية وموعد شنية بايتة تحلم ولا شنية مش حتى يكون العريس موجود قبل؟!؟.......*ميس: مافيبالكش؟!!؟......*حياة: حل فمك ياخي بشنية علابالي!!؟.....*ميس: ياخي صقر ماقالكش ؟؟ انا تخطبت لوليد.........*حياة: شنبيييييية؟؟؟ تفذلك!؟ ....*ميس: والله ......*حياة: وقتاش؟!؟.....*ميس: يامس وليوم تحدد الموعد مش باش نطولو باش نعرس شي سمانتين اصلا هو مزروب والأهم ...صق.اااه ييووسف عزيزي نحكي راهو الو!!.....*حياة: يوسف عندكم؟!!....*ميس: إيه جابو صقر يامس عشية اما !!!!!!!!؟؟؟،اما انتي كيفاش تسال ونتي مع صقر ....*حياة: ااه ل..لا قصدي يوسف عندك في غرفتك ...*ميس: ااه باهي ...إيه قتلك والأهم صقر مووافق على وليييد ......بقات مصدومة وباهتة كيفاش صقر قبل نورمال بوليد برغم علاقتهم مش مليحة برشا شكت الي يمكن يكون مش هو .......*حياة: ياخي نفسو وليد الأستاذ مش غالطة ؟!؟....*ميس: ففف علاش شعندنا غيرو......*حياة: اااه ياالفرخة من وقتاش بديتو تعشقو ...وماتحكيليش زادا .....*ميس: هههههه والله كلشي صار بالزربة ......*حياة: باهي باهي نتفاهمو فيها يالله باش نسكر باش نمشي للحمام من بعد نطلبك .....*ميس: باهي هههه....سكرت ومشات للدوش مزروبة ردت طول وكبست على بطنها وجعتها شويا .....تنهدت وهي تغزر للمرايا ..بعدها دخلت للدوش تحممت ونزلت صونا باب برا بالوقت ....*حياة: صقررر!¡!!!! مشات تزرب باش تحل .......
#الحاضر
*حياااة...حياااااااة .....جيست جات باش تحل عينيها وتجيها ضربة بالمخدة للظهر ......كبست على الفرش وحكات بين سنيها .....*حياة: طاااااا.ررق.......*طارق: قوم الالا تأخرت برشا ........*حياة: سيناريو كل يوم خليني نام شوي حبلى راني ياهمي اعمللهم حساب......*طارق: والله مضطر نعاود السيناريو هذا كل يوم خاطرك كيس كبير متاع نوم والصغار ماعندهم ذنب هاي طبيعتك وقاعدة تحط في اللوم عليهم ...قووووم وشدها من ذراعها نوضها وقفت مغمضة عينيها ..جرها للحمام عين محلولة وعين مغلوقة ....*طارق: اغسلي حالتك مليح وإيجا نفطرو......*حياة: باهي سي طارق فما اوامر ثانية.......حط يدو تحت ذقنو ويغزرلها ....*طارق: الصراحة كاين ...طلعت حاجب وهبطت لاخر تستنى فيه يحكي ........*طارق: ماعادش تنام بالشورت والبيستي هاذو خاطر تعرفني نخلط عليك الصباح وغمزها ومشى .......وجهها مشى اشكال الوان وضربت جبينها توا عاد استوعبت واش لابسة .غزرت للمرايا شبشبت شعرها نفخت ودخلت الدوش تتحمم .......كملت وطلعت.....*حياة: لبست سيرفاتمو نوار نايك بالبيل متاعها ولفت الفاست على نصها عملت شعرها تومات لبست سبادري بيضة وهبطت لقات الفيلا هادية غير طارق لي في ااصالون قدام طابلة تاع فطور مشات قعدت طول مقابلاتو وبدات تفطر ......*حياة: وين الكل ؟؟!!....*طارق: في عرسها .....غزرتلو وحطت كاس الجي مشبكة يديها في بعض ......*حياة: عرسها؟،؟!!!!!!........*طارق: مايهمش افطر باش نعملو سبور وطول للأستوديو .....*حياة: والله مش نتا لي توريلي شنية نعمل ..قوم ليوم عطلة ....*طارق: عطلة شنية انتي زادا .......*حياة: ورانا عرس ليوم سي طارق ومشات جيهتو ...*حياة: قوووم قتلك.....نوضاتو بالسيف وطلعاتو لغرفتو دزتو قعد على كرسي وهو باهت جابت صبون وكل حوايج الحلاقة والسيشوار وكلش وبدات فيه تعذيب بالرغم هو زلة اما تفننت فيه طراساتلو اللحية ووسرحتلو شعرو كلشي حلت الدرسينغ متاعو تلوج اما مالقات كان سراول الجين ولبس ستيل الروك لي مالف بيه حطت يدها تحت ذقنها وتخمم ........*طارق: تعب في روحك باطل لي في مخك محال يصير ..... .*حياة: إستنى!!!.....مشات للغرفة الثانية وين غرفة بوه هزت افخم كوستوم تقريبا هوما بنفس المقاس غير طارق اعرض شوي ..خذاتولو ومعاه صباط جيست شافهم طلع حواجبو ......*طارق: تفذلك تحب نلبس كوستوم هبلت . ومتاع بويا زادا ههه.. *حياة: في خاطر لبنة وسنان عيشك وبينت سنيها .......ضرب جبينو وغمض عينيه ..... *طارق: والله انتي كل ماتحب توحلني تدخل الصغار في الحكاية .....مداتولو وتدز فيه للحمام وتضحك ........*حياة: باش نحضر روحي انا توا استناني تحت وقت تخلص ........،ومشات لغرفتها اول حاجىة خممت فيها لبس لوحدة حبلى وكرشها طالعة .....اختارت روب مفرودة الكل هاكا باش ماتبانش بطنها مزيج بين كل الألوان لبست ساندال عالي بلونش وجبدت شعرها حطت ماكياج سامبل تعطرت وهبطت بعدما خذات قريب ساعة ونص وهي تحضر فروحها ........خرجت للجنينة اما مالقاتوش نفخت مشات لبرا تشوف طوموبيلو إذا مشات ولا لا مالقات شي ....*حياة: اووف طارق اوووف تعبي مشى في الريح ....هي عاد تفكر وصوت فران قوي حبس عندها حلت عينيها في الطوموبيل الكلاص السودا لي قباالها وفيمي ومش شايفتها خاطر متاع طارق حمرا ومعرية من فوق ........نزل الفوناتر وغزرلها.........سرقتلكم شويا وقت توقعاتكم في حلقات الليلة والتعليق في الرد
#الماضي
زربت حلت الباب وفي فمها كلمة صقر ........*حياة: صق.... وقصت كي شافت رامي ونادية ......*نادية: حياة.....*حياة: نااادية رامي ..تفضلووو وتبسمت ....سلمت على نادية وزادارامي ودخلتهم الصالون .....*نادية: لاباس عزيزتي نظن ماكنتش تتوقع مجيتنا .....*حياة: ماكنتش متوقعة اما فرحتوني قاعدة وحدي فديت .....*رامي: وصقر وينو حياة!! ماو ليوم عطلة ....حطت شعرها ورا وذنها ...*حياة: قال عندو حاجة صغيرة طلع الصباح .....*رامي: ممممم ....*حياة: شنية تحبو تشربو. باش نحضرلكم شي .....*نادية: أقعد عزيزتي مانحبو شي ووينو يوسف زادا توحشتو ....*حياة: عند خالتي جميلة ....*نادية: ممم خسارة.....*حياة: علاش ؟؟ ياخي خلوني نقوم نحضرلكم شي من مدة ماشفتكمش ....*رامي: مايسالش ..جينا نودعوكم اما الظاهر سي صقر مش هوني .....*حياة: توديع شنية ؟!.....*نادية: باش نمشو للندن انا ورامي ....*حياة: اااه بالحق خدمة ولا شنية .....*نادية: مش خدمة ريق كهو باش نغيرو.....*حياة: ممم ههه باهي باهي بصحتكم مالا ......*نادية: يالله عزيزتي بوسني باش نمشو ....حلت فمها وعينيها .....*حياة: ياخيييي توا ماشييين؟؟؟؟؟؟؟؟؟!!!!!!!....*نادية: إيه طيارتنا على 11:00 .....*حياة: اووف عيب عليكم والله علاش ماقلتوش من قبل كنا عملنا لمة ....*رامي: اصلا قررنا بالزربة ماكناش مخططين وقت نرجعو كان راد ربي نعملو لمة مافماش كيفها ....تبسمت بحزن ....*حياة: ان شاء الله ..وحضنت نادية ...*حياة: تلحقو بالسلامة ان شاء الله واطلبوني وقت توصلو ...*رامي: باهي حياة سلملي على صقر طلبتو توا ومش قاعد يرد .. ضمت شفايفها وتنهدت ...*حياة: يوصل .....*نادية: وانت بوسلي يوسف وقت يرجع .....*حياة: باهي ...وقامو مشاو سلمو عليها وطلعو .......سكرت الباب وتكات عليه تتنهد ................خذات تلفونها وطلبت صقر للمرة التالية مايردش عاودت وعاودت لقاتو تسكر .....كبست على شعرها بغش ورمات التلفون على باب برا .....*حياة: ويييييينو علاش قاعد يبعددد عللااااش يعمل فيا هاكا علااش كل يوم برا اهييئ اهييييئ شنييية ذنبيي انا شنيييية لي عملتو باش نتحمل كل هاذ علاش مخليني وحدي عللاااااش راحت للصالون رايحة جاية باش تترشق دموعها على خدها مهدودة جات عينها طول على صورة اختها لأول مرة في حياتها تشوف فيها بنظرة جامدة نظرة خالية من المشاعر خالية من حبها حكمتها ونزلتها على وجهها ماتحبش تغزرلها قعدت فوق الكانابي وضمت ركابيها عند صدرها تخمم ....تفكرت دواها نساتو جملة من حالتها مشات للمطبخ كلات شوي فاكهة بالسيف تاكل وتبكي من وجيعتها من صقر ومن وحمها زادا شربت دواها كامل وقعدت لحقت قريب 12:00 تسمع في حس الباب تحل طلعت راسها تستنى فيه يخلط مكاش غيرو يحل بالمفتاح ماخلطش خرجت من الصالون وخذات جهة غرفتها دخلت لقاتو يبدل ....بقات تغزرلو منزلة حواجبها صار يجي للقصر يبدل كهو ومش حاسبها حتى ماحسش عليها كي دخلت .......*حياة: صقر!!.........تلفت فيها .......قربتلو بقى يغزرلها.......*صقر: لاباس شبيك؟؟......حست سؤالو اغبى سؤال وضحكت بإستهزاء .....*حياة: شبيني؟!؟؟!......*صقر: شبيك إيه كنت تبكي؟؟؟...ً...*حياة: الحمد الله لي لاحظت اقل شي .......*صقر: شفما حياة!!؟........*حياة: شفما؟!؟؟ تساال فيا شفما؟؟؟!! ياخي بجدك ثلث ايام ماتباتش في القصر ثلث ايام نبات وحدي نطلب فيك ماتهزش عليا حتى عند الطبيبة مشيت وحدي قتلي نجي ناخذك من الجامعة ماجيتش ومخليني وحدي في قصر فارغ ياخي مش مرتك راني؟؟!؟؟!! مش محتاجتك؟؟! مش عامل قيمة لصغيرك؟؟؟ حبلى راني صقر حبلى ونزلو دموعها قربلها شدها من حزامها وحط جبينو على جبينها وغمض عينو ........*صقر: حياة افهمني ...الفترة هاذي اصعب فترة تتعدى عليا تعبان راني ..ونسيت كامل خاطر مخي تاعب ..فما تفاصيل برشا ماتعرفهاش ومانجمش نحكيهالك ماتلومنيش .....*حياة: وانا شنعمل ؟؟؟!!......حل عينيه يغزرلها .....*حياة: كيف تحبني نتقبل تبعد عليا كيفاش نتحمل نام وحدي كل يوم ومانشمش ريحتك كل صباح وانا في حضنك وتبوسني .......بقى يغزر لعينيها وشفايفها لي يرعشو ......*حياة: صقر ماعاد.....وقص كلامها كيف نزل مص شفتها رعشت من راسها لصبع ساقها تخذرت كليا متوحشااتو لأقصى حد كبست على شوميزو المفتوحة بالقاوي ......بدى ببوسات متفرقين خفاف طيروها قلبها قريب يخرج من محلو في ساع ما قوات لمساتو ..مانجمتش تتحمل رغبتها فيه غالبة على كل حاجة توا.....لفت يديها على رقبتو وتبوس فيه حتى هي ..لف رجليها عليه ومازال غاطس فيها هزها وحطها على السرير وفرغ فيها كل شهوتو قد قوتو لي سيبها فيها قدما خبشت كل بدنو تفنن فيها وتفننت فيه كانت رغبة متبادلة ........جيست جبد عليها دارت على جهة تحاول قد لي تنجم تكبح دموعها في اللحظة هاذي لأول مرة تحس وهي في علاقة معاه بكمية البرود الكبيرة لي حست بيها توا .. برغم كان قوي عليها.. حستو حاضر جسد بلاش مخ وقلب ....كذبت إحساسها وتستنى فيه يحضنها كيما مالف اما تلقات كف قوي كي قام وماتلفتلهاش حتى ..ومشى للحمام ...كبست على الدرا بالقاوي والغصة في قلبها وحلت