هي رواية للكاتبة الجزائرية الشابة سعاد عامري ، كتبت باللهجتين الجزائرية و التونسية ، تحكي عن قصة حب تتوج في الأخير بالسعادة ، و نشرت لها قبلا جزأين و هذا هو الجزء الثالث و الأخير ، إن شاء الله تعجبكم ، تحياتي .
...*اسمر: اهددددى مروة قااعد تخوف فيييه .....*مروة: اااااااااع باش نووووووقع اهئ ...... بقى يحاول باش يحكم حبل السرج ..وقبل مايشدو جات طول واقعة من فوقو وصاحت .....دار طول جهتها نص دورة وشدها بالزربة وكبس عليها .......شدت فيه ومازالها تصيح ومغمضة عينيها ......غزرلها ...*اسمر: خلاص يزي ......*مروى: بااااااش نوووووقع ااااااع ......طلع حاجب وهبط لاخر ..جيست حست روحها ثابتة حلت عينيها لقات روحها فحملتو وفمها محلول واجد للصياح ....وجهها حمار باش يترشق ....حطها بهدوء حكم شعرها المخبل ثبتوهولها على خدودها ...بقاو يديه على خدودها وحكى ....*اسمر: لاباس توا؟!....بلعت ريقها ...*مروى: لا.با..س تبسملها وقربلها باس جبينها ....بقات باهتة فيه .....*اسمر: تكون عملت شي فازا غالط خوفتو بيها ..خلينا نمشو توا ......*مروى: .ااه؟؟!......*اسمر: باش نمشو مروى وين مخك؟!؟......*مروى: ااا اييه سمعت.ك وتعدات من قدامو مزروبة ....................حبس الطاكسي في وسط المدينة ....*حياة: شفما!!؟؟ عيشك علاش وقفت ؟؟؟؟؟............ #الحاضر *طارق: كمل علاش وقفت؟؟......غمزاتو وردت على التلفون ً.....*حياة: الو .....*........*حياة: اااه باهي درج ونكون ثما....*.......*حياة؛ باهي اتهنى .وسكرت .......*طارق: الوكالة؟!؟.....*حياة: ممم.....*طارق: نسيت جملة حفلتنا والله .....*حياة: توا وقت الخدمة سي طارق ......*طارق: هههه ياعيني على الغناية متاعنا .....*حياة: على اساس نتا ماتغنيش الإسبانيول متاعنا .....*طارق: بالطبيعة اما ماتلفنيش لازمنا قعدة طويلة مازال ماعرفت شي وغمزها ..تبسمت وتنهدت في نفس الوقت خذات نظرة اخيرة جامدة من مواج البحر ولفت... يديها في جيوبها وماشية للطوموبيل .....بقى يغزرلها منزل حواجبو ولحقها ركب وديمارا بيها للوكالة ..جيست دخلو تعدات للأستوديو حطو سماعات الأذن ويتدربو قبل مايطلعو للحفل.....*طارق: حياة ركز مع النغمة قاعدة تخرج على النوتة ...غزرتلو ....*حياة: ااه ايه سرحت شوي ......*طارق: اسرح فعينيا شووف هوني قداش يهبلو ......ضحكت بالصوت .......*حياة: خذني معك بالجووو الحلو خليني معك اسرح يااحلو .....*طارق: ايييوا ههههه بوزينوو الصوت هاذاكا............... الحلقة 71:
#الحاضر
*حياة: شبيك تغزرلي هاكا؟؟؟؟!!!!...ً..طلع حواجبو وحكى.....*طارق: حيرتني .وانت تحكي بالبرود هذا .....تبسمت بلامبالاة ......*حياة: ماتستغربش برشا ...وقت تجيك الضربات من كل جهات تتعود على كلش ..حاجات تكون هابل عليها تصير تشوفها شي عادي مع الوقت ...وقتها يصير الوجع والهموم كيف الفطور والغدا والعشا .يوميات بالنسبة ليك باش تكون صعيبة في لول اما وقت تكون كرامتك في النص تتلز تختار طريق ثانية وتبني روحك .... اكثر حاجة مزيانة توا في حياتي هي صغاري ..صغاري هوما قوتي هوما لي عايشة فخاطرهم ومش مستخايلة حياتي بلاما نحس فيهم كل صباح ونسمع نبضهم كل وقت نهار يجو للدنيا هاذي صدقني باش نعيشهم افضل عيشة باش نحقق كل احلامهم باش يكونو اول حاجة وآخر حاجة نخمم فيها هوما اولوياتي .....تسمع بواش يقول المثل طارق الي فاقد الشيئ لايعطيه ...اما انا عندي العكس الحنان والأمان لي ماعشتوش صدقني باش يعيشوه معايا اضعاف مش باش نخليهم يحتاجو شي ..*طارق: موضوع عايلتك فهمتو وحتى حكاية حبك فهمت كي بدات اما مازال لتوا ماقتليش شنية لي خلاك تسمح فيه وتجي لفرنسا شنية عملك حياة ....شنية الشي لي يخليك تحرمو من ولادو ......*حياة: ولااااادي وحدييي طارق فهمت؟؟؟ وحدي ...تنهد .....*طارق: باهي كمل شنية لي صار بعدها..شصار الصباح هاذاكا وقت رجع للبيت ؟؟؟؟؟؟؟ ...غزرت لمواج البحر نظرة متعمقة رجع بيها الوقت شهور للتالي
.......................................
#الماضي
طلعت فوق السرير ودخلت بين رجليه وتحت يديه حطت راسها على صدرو وحضنت نصو ........*حياة: خوفتني عليك علاش مافيقتنيش وقت جيت ........حط اكا الورقة على جهة وغزرلها....*صقر: ماحبيتش نقلقك .....*حياة: اما كنت مقلقة حتى في نومي اصلا مانمتش حتى للفجر وين مشيت صقر وين نمت ماجيتش حتى للصباح ..شاعملت. ....مسح على شعرو .....*صقر: تعبان حياة وبلاش الأسئلة هاذي .......قامت قابلاتو ...*حياة: باهي اما ماعادش تروح بلاما تقولي وين مشيت خفت برشا.......ورجعت تكات عليه .....حط يدو على شعرها ورجع ورا براسو يخمم ً...تفكر يوسف ......*صقر: باش نشوف يوسف. ........جبدت شويا عليه قام مشى للدرسينغ تحت انظارها باش يبدل ....لبس قدامها بالساكت ...عينو تركزت على صندوق لحياة كان يشوفو من قبل فتحو وهز تصويرة ياسمين لي مخبيتها حياة وطلع من الغرفة شافتو شنية عمل نفسها بدى يطلع ويهبط وكبست على صباع يديها ماتحبش مخها وڨلبها يوصلو لفكرة ولي هي الغيرة من اختها الميتة ..فكرة محال المنطق يتقبلها هزت راسها تلعن في الشيطان من الفكرة الساذجة ومشات تفتح في الغرفة من كل شيرة وتهوي فيها ...ً..........................اسمر بعدما فاق عمل دوش علاقتو بمرة يومين هاذو سطحية لأبعد الحدود من الليلة هاذيكا ماعادش قرب عليها واصلا وينما تشوفو وتنفرد معاه تتفجع ويبان القلق عليها حاول يعودها عليه بأي طريقة ومايضغطش عليها حتى توالفو وتبادلو الشعور .....دخل لغرفتها بلا صوت قاعد يمشي حبة حبة مايحبهاش تشوفو عندها خاطر صارت غرفتها منطقة محظورة بالنسبة ليه ....وصل حتى لعندها لابسة بجامة ونايمة وجهها هادي وشعرها داخل بعض وشفايفها مفتوخين شطر .....تبسم لي يشوفها هاك محال يتوقع الي هي نفسها بالجرأة هاذيها ليلة لي كانت شاربة ..تبسم وقرب صباعو ببطىء لشعرها ردو ورا وذنها ومسح بإبهامو على خدها بلطف.ًً..تململت شويا جبد في ساع....بدات تتحرك مشى زرب خارج طول..ً...حلت عينيها تغزر مسحت شعرها وفاقت ..اندق الباب تكبست عرفتو هو .....حل الباب وطل عليها ......*اسمر: صباح نور .....بقات تغزرلو ....*مروة: صباح نور شف.ما؟؟.....*اسمر: حضر روحك طالعين ولم دبشك ......*مروة: كيفاش؟؟،وين؟؟؟......*اسمر: باش نفطرو برا زادا ....*مروة: ماعينيش والفت البيت ومش باش نطلع ... .....غزر لساعتو ..........*اسمر: عندك عشرين دقيقة تحضر روحك فيها هاني تحت في الطوموبيل نستناك وردخ الباب وراه بلامت يستنى رد ........عقدت حواجبها وتقحر للباب ....طفاتو ورجعت رقدت شي 5 دقايق ..النوم هجرها نفخت ومشات للدوش تتحمم براحتها ..............وليد وامو مقابلين اسماعيل لي يضيق في عينيه ويعاود وجميلة تتبسم مع امو لوليد ويحكو ........ميس في الكوزينة عملتلها فاطمة كلش وهي حضرت قهوة كهو متوترة للحد تفرك فيديها وتعض في شفايفها .....*فاطمة: شدد بنتي خوذ باش تبات هوني .....*ميس: خالتي فاطمة بالحق انا باهية باللبس ذا؟؟؟ ......*فاطمة: هههه كي الوردة يالله روح كهو .....تبسمتلها هزت للبلا ومشات للصالون قلبها يدق................صقر مشى لغرفة يوسف لقاهو مازال راڤد قرب ليه قعد حدو يمسح على شعرو نزل باسو ...تنهد ورجع خرج هابط للصالون ......*نجية: تحب شي سي صقر؟؟؟؟!!.....عمللها اشارة تروح وقعد غمض عينيه بالقاوي وفتحهم جا نظرو طول على الفوطو لي محطوطة فوق طابل مقابلاتو ...صورتوو مع يوسف وحياة ....قام هزها نحاها من الكادر وحط فوطو ياسمين بلاصتها وفي مخو مازال كلامها يتردد: احكي ليوسف عليا بالمليحة وخليه يتذكرني ديما ....ركبها وبقى يغزرلها مدة ........ #الماضي.......
آدم طالع من الشركة بعدما كمل خدمتو ....*آدم: سكر عمران .....*عمران: باهي في لامان سي آدم .....تعدى عليه منزل حواجبو يديه في مكاتبو طلع طوموبيلو وباش يديماري تلفت يغزر في عمران خارج ...ضم حواجبو وهو يغزرلها قاعدة على جنب وراسها فوق ركابيها. ..رجع نزل ومشالها وصوتها يعلى كل مايقرب عرفها قاعدة تبكي ........حست بحركة قدامها طلعت راسها .....بهت جيست شاف حالتها .. دورت وجهها في ساع ..وقفت وتعدات عليه منزلة حواجبها ..موقفها ماتتحسدش عليه نزلت بقيمتها وفي نفس الوقت ماإستفادتش ...حكم ذراعها قبل ماتمشي ....*آدم: شنية تحب تعمل بالفلوس هاذي الكل ....قحرتلو ونترت يديها ومشات .......*آدم: عفاف!!......ماسمعتلوش وكملت ...مسح على لحيتو حس روحو بالغ في تعاملو معاها ليوم حكاية بوه والزهايمر لي جاه عليه هو خصوصي اثر عليه برشا وخلطلو مخو وماعادش عندو ريق يداري حتى حد ولا يتعامل معاه ....خلط وراها عاود شدها من ذراعها ...دورها .صاحت فوجهو .....*عفاف: شااااتحببب توا...شااااتحب ...يعني انا ماقبلتش نخدم عندك من لول توا خلفتها وطردتني وذليتني نهنيك ..ارتححت توا؟! فرحان توا؟! علااش توا لاحق.....قص عليها ...*آدم: اسسسسسكت!!!¡!!!.......قفزت وغمضت عينيها بغش وحلتهم ......*آدم: تنجم تجي غدوا على 8:00 ...باش تاخذ محل البنت لي مشات .ووقتها نحكو على المبلغ ..ودار ماشي لطوموبيلو ......حلت عينيها فيه وفمها يتعامل معاها كأنو ماصار شي ...حل الباب وباش يركب وقف لثواني وحكى .....*آدم: سامحني.....وركب وديمارا ......بقات تغزر للطوموبيل لين مشات قعدت على طرف الطريق كابسة على دبشها طردها وبعدها يعتذر علاش اصلا تصرف معاها هاكاك غمضت عينيها ومشات باش تاخذ طاكسي ..................صقر متكي على الكانابي مغمض عينيه ومخو فيه برشا مواقف وكلام وحكايات ...مقابلاتو في الكانابي الثانية وتغزرلو ........*رهام: مافهمتش صقر يعني نتا عرست بأختها حب ولا غش !!؟؟!.....حل عينيه على سؤالها بقى يغزرلها ورجع غمض عينو .....*صقر: ماخانتنيش هي ماخانتنيش ......*رهام: كفاش!!؟...تقصد ياسمين؟؟!!..................حياة: عيشك خويا شبيك ياللله باش نتوخر......*هاك تشوف اختي برشا زحمة .....نفخت ......بعد قريب ساعة عاد تحلت الطريق واخيرا وصلت للكلينيك ومن سوء حظها مالقاتش الطبيبة لي تفاهمو هوما وياها ..خرجت ....مشات تلوج على طبية باش تشوف ولدها يديها على بطنها وتتبسم متحمسة تسمع نبضاتو خذات موعد ثم ثم قاعدة وتغزر لزوج مقابلينها راجل ومرتو من كرشها باين في السابع سرحت معاهم ومع كلامهم خطر في بالها صقر تنهدت ....قصت عليها فرملية......*تفضل مدام ....*حياة: عيشك ......جيست دخلت لقات طبيب عضت. شفتها وكان يعرف صقر باش ياخذ موقف ...تنهدت وضمت شفايفها همها توا تتطمن على صغيرها كهو .......الطبيب: تفضل!!!.......تمدت كشف على بطنها حطلها الجال وبقى يتبع .....*حياة: عيشك قولي صغيري لاباس؟؟؟!.....*الطبيب: لاباس.. معطياتو مليحة اسمع نبضو....قرب الجهاز تسمعت نبضاتو ....عينيها غزلو وضمت يديها لصدرها تتبسم مدلها تصاور الإيكو وعطاها ورقة ...*الطبيب: تفضل الدوا هذا داوم عليه .. باش يفيدك ..*حياة: عيشك برشا وطلعت تغزر للساعة تعدات الستة نفخت ...*حياة: اووف تأخرت على البيت .....شافت صيدلية شرات واش تحتاج ومشات....وصلت للقصر عاضة شفايفها الليل بدا ينزل ....خايفة يكون صقر راح من وراها للجامعة ومالقاهاش وزيد حتى تلفونهغ طفى جيست خرجت من الكلينيك .....دخلت القصر القصر هادي عادي ضمت شفايفها تسال في مخها وين صقر ويوسف ....*حياة: نجيي...جات باش تعيط للخدامات تفكرت لي صقر عطاهم الكل عطلة تنهدت .......طلعت لغرفتها دزت الباب بالشويا خايفة منو اما جيست خلطت مالقات حد مشات لغرفة يوسف زادا مافماش...بعد دقايقةاستوعبت لي القصر فارغ ...قعدت وسط الصالون تغزر للفراغ منزلة حواجبها ضمت روحها وتكات على الكانابي قلبها وجعها ..راجعة قريب الليل في بالها باش تلقى صقر قالب الدنيا عليها والغش ماكلو ..الغش لي تحبو فيه اما لقات روحها وحدها كأنو مافما شي حتى موعدها بالطبيبة ماذكرهاش بيها ..هي مالفة تنسى وهو يذكرها اما المرة ذي ماتفكرش جملة .....*حياة: وينك صقر وين ..تنهدت ومشات للمطبخ عملت عشا خفيف حضراتو في الصالون وقعدت.في راس الطابلة تستنى فيه وشي تطلب فيه مايردش زادا مسحت على جبينها ...عملت سنويتش خفيف وكلات شطرو بالسيف باش تشرب دواها مهما صار ماهيش باش تضيع اي شي يخص صحة صغيرها لمت الطابلة وطلعت لغرفتها تكات على سريرها تغزر لشوميزو مقابلتها شدتها وقربتها لخشمها تشم فيها غمضت عينيها مخذرة من ريحتو ..خذات نفس طويل كانت في حضنو وتتوحشو وهو بعيد كيفاش باش تتصرف تهبل خصوصي وهي تتوحم .....خذات تلفونها من الشاحن وتطلب فيه مرة اخرى .....................................رهام: وتفرقنا يعني ماصار شي بينا حبيتو الصراحة اما عايلتو كانت العائق الكبير بسبتو تراجعت برشا في حياتي الفترة هاذيكا اثرت عليا برشا خاطر هو اختار اهلو وسيبني مانجمتش نلومو اما لمت روحي لي تعلقت بحد منعرش نسبة حبو ليا وين توقف ...انت ممكن بنيت زوج عايلات وانا لتوا لا عرست ههه وغزرتلو لقاتو راڤد عوجت فمها ....*رهام: اااخ وانا لي نقول قاعد تسمع فيا كيما سمعتلك ...غزرت جنبو لقات تلفونو يضوي ..هزتو لقات اسم ..حياتي يطلب ...غزرتلو ورجعع حطتو جابت غطا وغطاتو وبقات تثبت فيه .....*رهام: وضعك صعيب برشا اما إن شاء الله ماتظلمش ناس معاك .........
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
