أحببت أخت زوجتي الجزء الثالث 3

51

الحلقة 51: لحقت العشية قريب تظلام .....حياة فرحانة وتضحك وجايبة ماعندها هي وميس خذاو كل وقتهم باش يكونو كيف الأميرات رجعو يفتقو ...حياة لبست الروب لي شاريهالها صقر وحطها في الحجامة روب ڨرونة من اختيارو (الصورة) وروب لميس زادا بلو بفوالها وبكلشي لبسو ومشطو وتمكيجو ....عيطت حياة لصقر بالوقت جا خرجو من الحجامة ومشاولو .....جيست شافهم تبسم قربت ميس لعندو حضنتو تشكر فيه على الدبش .....تبسم ...وباس جبينها .....حياة تنفخ ...*حياة: بعد على راجلي شبيك لاصقة فيه ماتكرهش نهار ونتي تحضن فيه اففف......حلو فامهم يغزرولها .....ميس مصدومة ضمت شفايفها جاتها الضحكة ومسكتها .....*ميس: خويا انتي شدخلك ؟!!؟!!.......حياة حمار وجهها وكبست على يديها ....*حياة: ميس باش نضربك ....*ميس: بلاهي ههه إيجا مالا وحضنت صقر قدامها ..تغزل فيها ...لزت على سنيها وتعداتهم ركبت الطوموبيل وحدها باش تترشق وميس غمزت صقر ...ضربها على خدها على هبالها وتبسم .......ركب بالساكت حد حياة لي مكتفة يديها وتغزر للطريق وميس ركبت من ورا مشى بيهم طول للصالة ......*ميس: صقر وامي والباقي ...ً*صقر: امي تاعبة ماتحبش تروح ويوسف يبقى معاها احسن ......*ميس: إيه باهي ......تلفت لحياة لقى وجهها مايتفسرش تبسم في سرو يعرف دواها .........نادية خلصت كلشي ومازالت محتارة من قبيل تطلب فيه سالتو على نوع العرض وقاللها لي متاع اعراس وكلشي طبيعي طلعت برا بعدما بعثلها شوفار خاص زادت حارت كانت متوقعة تلقاه هو من وين طلع هذا .....*اتفضل مادموزال نادية .....طلعت معاه وطول للصالة .......................................اسمر قاعد في الشومبر متاعو في البلوك الخاص بيه جاتو مكالمة من رجالو .......*اسمر: نعم!؟.......*سي اسمر البنت لي قلتلنا نتبعوها من قبيل قاعدة عند الجبانة ونظن رڨدت ......نزل حواجبو مستغرب توقع تروح لعند شي اقارب وهي رجعت للجبانة وفي ذي البرد .....*اسمر: خليكم ثم جاي...............صقر وصل للصالة ميس غزرت لحياة عضت شفتها تتبسم قربت لكرسيها القدام وباست خدها على غفلة ونزلت تزرب للصالة متحمسة وغمزت صقر ........بقات حياة تغزرلها باهتة وترمش في عيونها حتى دخلت ودارت لصقر طلعلها حواجبو قحرتلو حلت الباب ونزلت ......تبسم ونزل وراها شدها من ذراعها ورجعها عندو بالغصب وحط شفايفو فوق شفايفها ..حلت عينيها فيه تدز فيه بالشويا لين استسلمت ..كبس على حزامها وياكل في شفايفها لين تخنقت جبد عليها خلاها تنهج ....*صقر: بوزينها صغرونتي المغيارة.......*حياة: مش مغ..يا.رة .....*صقر: وشاتسمي لي صار قبل شوي ...تغير من ميس؟؟؟ اختي راهي ياروحي .......حياة: مأه..ضحك ....*صقر: شنية مأه متاعك....*حياة: احضني انا كهو وبوسني انا كهو وانا كهو لي صغرونتك ....شاخ في مخو ......كبس على حزامها .....*صقر: ممم بلاهي علاش؟!؟؟.....*حياة: اكاكا ...*صقر: لا قولي علاش ....*حياة: اووف .....*صقر: مغيارة .....*حياة: مممم مغيارة ونص باهي هاكا وانت متاعي انا وكهو وحطت صبعها على صدرو تأكدلو في كلامها .....عض شفتو وكبس على رقبتها وباس شفايفها بوسة مرصووصة ...*صقر: وانت كلك متاعي .....روهجها تبسمتلو مذبالة شدها من يدها ودخل بيها يتبسم .........................نادية حبست عند الصالة إڤزاكت نزلت وبقات تثبت عاضة شفايفها ....خذات التلفون وتطلب في رامي .....*نادية: رامي وييينك؟!؟.....*رامي: وراك.....نزل من الطوموبيل الخاصة بيه خاطر كان برا الصالة ....تلفتت فيه كي نزل ....خزرتلو من صباطو لي بان من طوموبيلو وطالعة حتى بدنو وصدرو وكتافو واستوات في وجهو وعينيه بقات تبحلق فيه كيف لابس ومتشيك فوق اللازم بلعت ريقها من المنظر .....*نادية: را.مي ......ماكانش اقل منها منظرها بلاغوب روهجو قلبو دق وعينيه زغلو عض شفتو بالقاوي وقربلها ......كل خطوة يخطيها جيهتها تزيد تدخل في حيط تقول اول مرة تشوفو قلبها يدق لين صار قدامها ...حط يديه على خدودها وباس جبينها .......*رامي: محلاك ياروحي هبلتني .....تبسمتلو .....*نادية: وانت زادا .......آدم لحق بالوقت نزل ويغزرلهم قرب يحرم طول ......*آدم: سلام ياعرايس مبروك عليكم ....تلفتت فيه وانصدمت من كلامو رجعت غزرت لرامي باهتة .....قحرلو رامي ...*رامي: فسدتها قلع منا .....*آدم: ههههه السماح هاني داخل الناس تستنى ماطولوش برشا الليل ليكم كامل .....ومشى ......*نادية: رااامي شيحكي آدم؟!؟؟!!!!!¡!!!! ....ً...*رامي: عرسنا ياروحي .....عينيها تحلو ولمعة تخللتهم ......*رامي: نعرف لي زربتك اما مانحبش يخلط عليا نهار ثاني وانتي مش مرتي نحب تكون مرتي ضيعت برشا وقت نحب تكون ملكي ليوم والليلة قبل غدوا قربلها وهمس في وذنها ...*رامي: وليلة تجر ليلة ومش باش نسيبك جملة باش نقوم على عينيك ونرڨد على عينيك وتجيبلي برشا صغار .....دموعها نزلو في ساع وشهقت بالبكية ...حضنتو وكبست عليه ......*نادية: نحبك رامي نحبك برشا ......*رامي: اششش ياروحي مانحبش نرى دموعك....الليلة فرحتنا كهو ....*نادية: وانا فرحانة ...محتال ضحكت عليا قتلي عرض عرايس....*رامي: وحبيبتي صدقت .....*نادية: إيه والحق تغششت زاداخاطرك تخمم في الخدمة ....شاخ بالضحك ....*رامي: في بالك مافقتش بيك لي تغششت ...تبسمت .ً......رامي: طولنا ياروحي....*نادية: باهي ندخلو ً...تبسمت ودخلو مع بعض جيست خلطو بدا التصفيق من الظيوف بقات تغزر للجو يفتق رامي في نهار سوا كلشي فرحانة علاخر تحس روحها باش تطير ......حياة غير شافتها مشات حضنتها وتبوس فيها ....كبست عليها وتتبسم سلمو على صقر والظيوف ومشاو قعدو على طابلة مقابلهم الكاتب ....قعد صقر وكمال رفيقهم في الشركة باش يشهدو
أسمر وصل للجبانة مقابلها لابس قفازات ومونطو يغزرلها منزل حواجبو علاش رجعت هنا بالضبط بقى يغزر للقبر من تصرفاتها عرفها كانت متعلقة بخوها فوق الحد ......نزل على ركبة ونص بعد شعرها على وجهها مش عارف علاش خرجت البنت هاذي في طريقو في الوقت هذا بالضبط ومستغرب زادا كيف اهلها تخلاو عليها بالسهولة هاذي ....حس روحو تسرع بتصرفو لي هو سبب في لي هي فيه .......حط يديه تحت فخاضها وهزها لطوموبيلو ركب من ورا وعمل اشارة للشوفار يديماري ورجالو لحقوه كانو يراقبو فيها بقى يغزر لوجهها في حضنو وصل للبلوك متاعو نزل وخذاها وين غرفتو حطها على سريرو نحى القفازات وحط يدو على جبينها باردة برشا غطاها وخرج من غرفتو مشى للمطبخ يعمل في تاي الحاجة الوحيدة لي يعرفلها غير السلاح ...عمل كوب كبير وخذاهولها..........حطو على طابل دونوي وقربلها باش يقومها ....*اسمر: اششش !!، انتي!!! قوم!!!!.....مايعرفش حتى اسمها ......قربلها كثر حط يدو على خدها وبدى يضرب فيه بالشويا .......جيست سخن بدنها من الغرفة بدات تتململ وتحسست يد على خدها ً.....*مروة: ب.ابا ....حلت عينيها ترمش لين صحات كليا قابلها مطبس عليها يغزرلها ويدو على خدها .....صاحت ....*مروة: اااااااااااااااااااااااااا.....فجعاتو جبد عليها وقام ......*اسمر: شبييييك تصييييح هبلت؟!!...... ...مروة: شنية نعمل هوني خطفتني زادا ؟؟؟؟......*اسمر: شنية يفيدك وانتي قاعدة طول الوقت عند الجبانة وحط يديه في جيابو ....قامت وتحكي بغش....*مروة: شدخخخلك شدخخخلك فيا شاتحب بعد لي عملتو ؟؟!!....بسبتك بابا ماعادش يحب عليا وين عندي نروح غير الجبانة ...اصلا مانحبش نعيش نحب نروح عند خويا هو لي يفهمني هو لي يحبني كهو لا بابا ولا حتى امي يجو كيفو وحكتها غصة كبست روحها باش ماتبكيش وغزرتلو بعصب ...*مروة: ماعادش نحب نراك ولا نشوفك في طريقي .....من وقت بدات تحكي وهو مش معاها جملة يغزر في شوميزها المفتوحة كهو وصدرها الواضح قدامو عينيه انحارفو عليه وباقي يغزرلها طلع حواجبو ورجع غزر لعينيها ....*اسمر: نظن هذا كلام انا لازم نقولو .....*مروة: باش نمشي وجات باش تقيس خطوة سبقها وقربلها ....تكبست ورجعت خطوة ....زاد قدملها بدى الخوف يظهر عليها حالة فيه عينيها ...غزرت حدها لمحت سلاحو محطوط على طابل دونوي......