أحببت أخت زوجتي الجزء الثالث 3

74

الحلقة 74: بعد اسبوعين ..حياة في المول وحدها تشري في روب لعرس ميس لي بعد سوايع خاطر صارت العشية وهي قضات ليوم في الجامعة خاطر إيڨزاما النهائية مانجمتش تراطي جيست خرجت تعدات طول للمول تشري وجهها صفر وكرشها تنقز فيها نفخت صونا تلفونها ردت .....*حياة: اهلا ......*زمرد: اهلا بنتي لاباس كيف حوالك لاباس ....*حياة: اهلا امي زمرد كيف ما شفتني من يومين ......تبسمت بفرحة على كلمة امي اول مرة تقولهالها من لي بداو يتلاقو ويشوفو بعض .....*زمرد: سايس روحك بنتي وماتضغطش برشا على صحتك .....*حياة: هاني نحاول نلهى بروحي قد لي نجم اما وجيعة غريبة صايرة تجيني ديما .......*زمرد: هاك من الوحم كهو ماتقلقش روحك كيف حوال ابني صقر ؟!؟ .....جيست انذكر اسمو وهي سرحت لبعيد وعبست .. تبنات برشا حواجز بيناتهم صار لاهي بالخدمة برشا وقليل وين تشوفو في القصر خاطر يرجع متأخر ويوم لي يظل في البيت يبقى في بيروه وتتخلف يمشي في الليل ماتعرفش وين.... تعب وتعبها معاه متحملة فوق الحد ..حاطة آخر كلام ليه قالوهولها في مخها الي هو تاعب ولازم تفهمو اما لوقتاش الشي لي باقي في مخها ...فاقت على صوت زمرد ينادي من التلفون .....*حياة: هاني معاك ....*زمرد: وقت تخلص إيجا نشوفك بنتي صايرة نتوحشك بنتي ..ً...تبسمت على كلامها برغم تعرفت عليها من مدة قليلة اما والفتها تحسها اطيب قلب تشم فيها ريحة الحنان والأمان لي حرموها منو .....*حياة: مممم توحشتني انا ولا خاطر نشبه لعمتي كهو ...*زمرد: ااا عيب راهو يابنتي تعرفني نحبك وحاطاتك كي خواتاتك حتى وعرفتك من يامس كهو ً..ربي شاهد الي عزيتك يابنتي و...قصت عليها ....*حياة: نفذلك نفذلك راهووو امي زمرد ....*زمرد: ريحتني يابنتي ....تبسمت ...*حياة: يالله اتلهى بروحك باش نسكر ......*زمرد: وانت زادا بنتي في امان الله....جيست سكرت تمحات تبسيمتها وتنهدت من عروش قلبها طلعت راسها تاخذ في النفس يدها على بطنها جات عينها على روب بعدت نظرها وخطات خطوة باش تلوج وعادت رجعت نظرها لفوق تغزر لنفس الروب ..روب المعري كثر من المغطي ..روب نوار سيري فوق الركابي امتار مفتوحة على شكل دائرة في الصرة وزادا على جنابها الزوج وبشكل v عند للصدر ستيلها متاع ماتلبسش سوتيان ......مخها بدى يهز ويجيب ......*حياة: ياأنا يا نتا ليوم صقر ...........
..........
#الحاضر
غزرتلو بلينات كحل نزل قدامها ونحى لينات بتبسيمة ........*طارق: تفضل مدام حياة .....كتفت يديها بتبسيمة وتغزرلو بالستيل الجديد الكوستوم واتاه افضل من الستيل الروك الإعتيادي وحتى للطوموبيل ....*حياة: مممم بدلت الطوموبيل......*طارق: نظن هاذي مناسبة للي عملتيه فيا .....*حياة: هاك بديت تفهم صحيتك ......ضحك ......*طارق: اركب ....*حياة: ڨراسياس مونشيغي .....وطلعت .ضحك وسكر الباب وطلع هو زادا ...ردت شعرها ورا .....غزر لمنظرها ميل شفايفو بإنبهار ......*طارق: هاك عرفت تخبي الڤبة لي في كرشك ابهرتني ....قحرتلو .....*حياة: هاهاها ضحكتني والله امشي توا احسن مانتبلى فيك خلينا نلحقو للعرس .....تبسم ومشى ........وصلو نزلت ببطئ تتلفت على جنابها عارفة المكان هذا مليح وحتى الأوتال زادا تلفتت غزرت لبرج إيفل حدهم ورجعت عينيها لباب الأوتال رعشة سرات في بدنها .....*حياة: ياخي العرس هوني؟؟؟؟!.....*طارق: وي ...وثبت معاها وجهها انقلب .....*طارق: ياخي لاباس حياة؟؟؟!! يوجع فيك شي ....غزرتلو حالة عينيها ...*حياة؛ اا.لا طارق عادي ..عجبني الأوتال كهو خلينا ندخلو .....حط يدو على كتفها ودخلو ..كل خطوة تخطيها وتقرب تحس النفس تسكر عليها جات باش تقوي طارق يحضر لعرس البنت لي خلاتو .اما الظاهر هي توا تحتاج شكون يقويها...بالرغم عارفة الي ماعندو حتى وجود في المكان ذا وفي باريس كلها اما الذكرى متاعها معاه في الأوتال هذا تكفي وحدها باش تفتحلها جروحها ......................
....
*مهدي: ياخي من نيتك تكون غالط حبس ماتصور فيهم
*آزر : محال نغلط في المدام حياة هي بنفسها ...سي صقر باش يفرح صارلو اكثر من 4 شهور قالب عليها تونس ..هو هوني وحتى هي ومش عارف الي هي هوني قريبالو للدرجة هاذي ....
*مهدي: اطلبو توا ...ً....*آزر: لا اما باش نطلب سي اسمر بالنهاية هو نازل هنا في الأوتال وهو يتصرف ...حط النيميرو ويطلب فيه .....*آزر: سي اسمر !؟؟.....*اسمر: شفما آزر؟!؟؟؟.......*آزر: لقينا مدام حياة ....حواجبو انضمو بصدمة وتعابيرو تغيرت للدهشة تنفض من محلو .....*اسمر: شنييية؟!!؟!!!؟؟......*آزر: كيما سمعت وحاليا موجودة هوني في الأوتال ......*اسمر: رددو بااالكم ردووو بالكم تعلموه حتى نتأكد وابقاو عند الباب بالاكشي تطلع ......*آزر: باهي ......سكر اسمر ومشى للدرسينغ يلبس في ساع حواجبو نازلة وتخمامو في الشي لي قالو آزر اذا صح ولا توهمو كهو .....تلفت لقاها وراه تحك في عينيها ......*مروى: اسمر!! ......قربلها حط يدو على خدودها باس شفايفها ......*اسمر: ابقى هوني عندي خدمة مهمة برشا باش نرجع .....تبسمت ....*مروى: باهي ما طولش عليا وحضنتو .....باس جبينها وخرج في ساع.......................