أحببت أخت زوجتي الجزء الثالث 3

63

الحلقة63: تعدى الليل في ساع اما اثقل ليل على مروة لي انقلبت حياتها بين ليلة واختها وطلع عليها النهار وهي ماغمضتلها عين ..لبست وطلعت مع اسمر خذاها مش عارفة وين لين حبس عند الحجامة ..ضحكت بوجيعة المكان لي كانت تحلم تدخلو وهي ميتة بالفرحة توا داخلالو كأنو لقبر .........*اسمر: كلشي حاضر داخل ..نزلت بلاما حتى تخليه يزيد كلمة ..بقى يراقب فيها لين دخلت ......جيست دخلت عرفوها قربولها يرحبو وخذاوها باش يتلهو بيها وهو ديمارا للصالة بعدما خبر صحابو ومعارفو واهمهم اهلها على المكان وزادا صقر لي تفاجأ بالدرجة الأولى من السرعة الغريبة متاع العرس واستغرب اكثر وقت عرف شكون ماحبش يزيد معاه ويسال على سبب الإختيار وعلاش هي بالضبط تكفى يعلم حياة الي فما حفلة كهو خذاها للحجامة هي زادا نص النهار ومشى طول لأسمر باش يتلهى معاه في التحضيرات ........تعدى النهار في ساع صارت العشية ....تغزر لروحها في المرايا كي الملاك طالعة بلاغوب اما تحس فروحها لابسة كفن دموعها مسحتهم في ساع ودارت ماتحبش تشوف روحها اكثر زينها لي ياما تمنات يكون للشخص لي تحبو توا مشى في زواج وراق ومع بنادم تكرهو وماتطيقوش حياتها الكل وحياة عايلتها انقلبت بسبابو ........قص على افكارها كيف يد تحطت على كتافها تلفتت جيست شافتو قحرتلو وجبدت عليه ..البنات لي معاها استغربو .ً....تلفتلهم وضيق عينيه بلعو ريوقهم وانساحبو ......*مروة: خليك بعيد والأحسن ماتعملش دور العريس وتصدق روحك خاطر كل واحد عندو مصلحة من الشي هذا فهمت وجات طالعة كبس ذراعها قدامو ......*اسمر: وقت تحكي معايا رد بالك على صوتك والمصلحة نظن نحكو هنا على مصلحتك انت اناماعندي حتى شي عندك ....بقات تغزرلو بغش ونترت يدها وطلعت ...حط يدو في جيابو ومشى وراها مطلع حواجبو يخمم في كلامو بالحق ماعندو حتى مصلحة مش عارف علاش دخل روحو في لعبة هاكا كان منجم يسحب روحو ويخليها ركب حدها وديمارا للصالة لي وصللها صقر نزل ونزل حياة لي طالونها اول شي بان فيها طالون ذهبي مع غوب برينسيس جون ذهبي شعر بوكلي ماكياج سامبل ..يغزرلها ويتبسم اصلا من لي سمعت الي ماشية لعرس تفرهدت جات فوقتها تنسى موضوع اهلها ولو لدقايق قربتلو باس جبينها .....*صقر: صغرونتي .....*حياة: ممم...*صقر: في بالك لي ليوم ناكلك ....ضحكت وحضناتو...عضها من رقبتها عضت شفتها ..اصلا ليام ذي صاير تتوحشو وهو قدامها من الوحم ...غزرتلو ....*حياة: شكونو لي عرس صقر ...*صقر: واحد كيف خويا ....شفتو من قبل اسمر ....*حياة: اااه باهي خلينا ندخلو نحب نشوف العروس ...ضم شفايفو وعبس جيست سمع سيرتها اصلا من وقت صرات مشاكل لحياة بسباب خوها صار مايطيقش عايلتها الكل ..وجودو في خاطر اسمر كهو ....دخل ساكت ماحبش يبينلها اكثر....وصل وراه اسمر بالوقت نزلت قدامو زرب وشدها من يدها ....*مروة: سييبنييي.......*اسمر: سكككر فممممك....تنفضت .....*مروة: شاتحب زادا؟!!......*اسمر: شانحب !!؟ شنية ..قاعدين نلعبو !!!؟؟عروسة داخلة وحدها؟؟؟؟..ماش تفاهمنا في الموضوع هذا!!؟؟.......*مروة: انت لي تفاهمت مع اهلي انا ماقلت حتى شي ماتفاهمت مع حتى حد انت لي قررت وقاعد تطبق منعرش وين حاب توصل وشنية في مخك كان تستخايل باش نشكرك ونصيرو راجل ومرتو تحلم فهمت!!؟....ماقتلكش اعمل مزية معايا وماقتلكش عاونني .....بقى يغزرلها عاقد حواجبو ..جبدها من يدها وكبس على صباعها لين توجعت نحى الخاتم لي ركبوهولها بالسيف في الطوموبيل وقريب نحى صبعها معاه .......*اسمر: مالا اتفضل روح عرس ورجع لطوموبيلو ركب وديمارا ماخلى كان العجاج وراه ..وجها صفار وهي تغزرلو كي مشى تلفتت للصالة مصدومة وعادت غزرت للطريق لي مشى منها قلبها بدى يدق بالقاوي من الموقف لي لي تحطت فيه قعدت على الرصيف والليل نازل عليها تخمم شنية تعمل وشنية تتصرف طلعت يديها تغزرلهم مازالو بالشاش وقت ضربتهم بالموس علاش نقضها علاش خلاها تعيش علاش رجعها للمعاناة علاش وعلاش اسئلة في مخها بلا اجوبة قامت وقاطعة الطريق مش عارفة رجليها وين ماخذينها الضو سطع فيها تزمير على ...تغزر لكاميون جايتها طول ماحاولتش تبعد غمضت عينيها دموعها نزلو بالوقت كبست يديها وشريط حياتها الكل تعدى في مخها
حلت عينيها وقت حست بيد حكمتها من نصها بالقاوي وسحبتها بالزربة لين تضربت في لرض فوق جهامة من ريحة برفانتو عرفاتو حلت عينيها غزرتلو جات باش تقوم كبس عليها لين توجعت من نصها وقام بيها بغش ضربها بكف حطت يدها على الضربة وقوات في البكا تغزرلو بنقمة دزتو وتضرب فيه بجهدها ....*مروة: شاتتتحب منيييييي شاااتحب شدخخخخلك كل مرة تنقضني نحب نموت ماتفهمممش انت ماتفهمممش سيبنيييي برووووحي سيبببني ماعادش طايقة روووحي ومش طايقاتك كان ماممتش باش نقتتتلك انت فهممت نقتتتلك خلييني .....تجاهل كلامها الكل وجرها للداخل من يدها للحمام تاع الصالة دخلها وسكر الباب ....جبد التلفون حكى زوج كلمات جابولو بدلة جديدة بدل في الحمام قدامها وهي مصدومة دارت بكلها خاطر سكر عليها الباب من فوق وجهها قريب يترشق من الدموع وزيد كيف بدل هو ....دورها بالقاوي خذى ساكوشتها حلها جبد لانجات ويمسحلها في وجها من الدموع ....*مروة: شنية تعمل سيبني ......*اسمر: اششششش ..كلمة زيادة بعد لي صار الكل باش نتصرف تصرف خايب باقي عرق واحد ماترشقش خليني راكح ولا باش نحرڨك ....قحرتلو ..جبد فوندوتا ويحطلها وهي باهتة وحالة فمها ..وصل لشفايفها زادا جبد الغوج وباش يحطلها جبدت وجهها غزرلها غزرة موت .....حطلها على شفايفها شويا ويغزرلهم ومرة على مرة يغزر لعينيها وزينها ....حط الروج في الصاك ويثبت فيهاا مغمضة عيونها والتعب والوجيعة باينة على وجهها برغم هذا زينها وانوثتها طاغيين وجهو بدى يحمار من منظرها قدامو هاك شعور ماكان يحسو غير لما يكون واقف قدام جنة قلبو بدى يدق ماحلت عينيها غير لما حست بنفسو السخون يضرب في شفايفها .....جيست حلتهم وشفايفو تحطو فوق شفايفها عينيها وساعو وبدات تدز فيه ..حط يدو ورا رقبتها ونازل لظهرها العريان ..بدنها رعش ..كبس على نصها عندو وشفايفو كلاو شفايفها لين داخت من الإحساس لي حتى هي اول مرة تعيشو والتغير لي نزل على بدنها لي تجاوب معاه خلى قلبها يدق بالقاوي وقوايمها يفشلو ...ً..جبد عليها مروهج يدها الخفيفة طلعت ونزل عليه كف من فشلتها ماجاه شي كأنو مسحت على خدو .دزتو وبعدت مصدومة في تصرفو وفي روحها اكثر والإحساس لي في بدنها .....*مروة: ق..تلي ع.لى الوراق تح.ب تستغلني تحب تعرسسس بيااا في خاطر مصلحتك ماعااادش نحببب نعرررس فهمت حللو للباب ...حس بخروجها على السيطرة قربلها ...صاحت ....*مروة: ابببببعدنيي ماتقربببش .....كبس على يدها ويحكي....*اسمر: كان خممت تنتاحر مرة اخرى ولا تعمل شي خايب اقسسسم بالله باش نعمل كثر ....غزرتلو ...*مروة: شق.صدك!!؟؟.....*اسمر: كيما سمعت انت ماينفع معاك كان التهديد جرب اعمل حاجة بروحك مرة اخرى ولا تصرف تصرف خايب ..باش تلقاني في طريقك اما باش تتعاقب وصدقني عقاب مش باش تحبو جملة وغمزها ...نترت يدها وبقات تغزرلو بقحرة وطلع في النفس وتهبط طلع يدو فوق راسها وحل الباب ومشى خارج بيها شاد يدها ..بقات تبع فيه ساكتة وتخمامها في كلامو دخلو للصالة بدى التصفيق والتصفير ....حط يدو على حزامها ويتبسم من لفوق كهو سلم على معارفو منهم صقر لي منزل حواجبو هنى اسمر لي قالو جات هاك كهو وحبها ومافسرلوش برشا .....*صقر: ممم مبروك وحضنو ويغزر بطرف عين في العروسة اما ماحكاش معاها....حياة قربت للعروسة تتبسم ...*حياة: مبروك اختي ...طلعت راسها فيها تغزرلها ..جيست شافتها ضيقت عينيها باهتة شبهتها لسوسن برشا وزادا شايفتها في مكان قعدت تتفكر وين لين رجعتلها ذاكرتها صورتها كانت عند خوها سفيان في التلفون ..ربطت الأحداث واستنتجت لي هاذي البنت لي خطفها خوها وبسبتها صرا الشي هذا كامل ...دزتها قبل ماتحضنها .....*مروة: بععد عليا مش طايقاااتتك ...صقر كبس على قبضاتو صار بركان من الفازا وحياة مصدومة واسمر وجهو ظلام كبس على نصها بالقاوي لين حلت شفايفها تتوجع .وحكى بالهمس وبغش في نفس الوقت ..*اسمر: مرررررروة!!!!.....*مروة: شبيكم نحضنها بالسيف¡؟؟؟!!!... مانحبهاش هي المسؤولة على لي خويا سفيان مات ..حياة مش هاكا ؟؟ في بالك لي انت كابوسي ؟! في بالك الي بسبتك ماتت روح ؟؟ وتيتمت بنت ؟! وانا هي البنت اذيكا؟! كلشي صار من تحت راسك بسبتك مات خويا سفيان كل لي صار انو هو حبك وعشقك وانتوم رميتوه في المصح لين شنق روحو وانتي السبة ومش باش تعيش هانية برحمتو ورحمة والديا لي كرهوني باش تظل تعاني لين تمووت وماتلقاش الراحة جملة .....حكمها اسمر من ذراعها قريب يثقبو بصباعو وجرها بعيد على صقر لي تحول وصار كائن ثاني وكان ما بعدهاش كانو باش يتفضحو .....حياة حالة فمها مصدومة من الكلام لي تلقاتو ....*حياة: س.فيان ما.ت وغزرت لصقر لي عيونو مازالو يقدحو بالنار .....*حياة: ص.قر ....جيست عاودت ناداتو تلفتلها يغزر لوجهها لي بعدما كان يضحك رجعت باش تبكي لز على سنيه وكانما اسمر كان حط في راسها زوج رصاصات .....حط يدو على خدودها وباسها قربها لصدرو وحضنها ....*صقر: شششش اهدى ماتتوترش ياروحي .....*حياة: اهئ صقر قولي يعني كلامها ص.ح س.فيان مات!؟!......*صقر: مممم....شهقت ودموعها نزلو ....*حياة: وانا السبة صقر انا .....*صقر: شششش مجنون شكنت باش تتوقع منو وانت ماعندك دخل ....*حياة: لا باز انا السبة خاطر كان في بالو انا سوسن يعني كان يحبني صقر ......جبد وجها وعقد حواجبو ....*صقر: حيااااااااااااة...