أحببت أخت زوجتي الجزء الثالث 3

69

الحلقة 69: حياة فاقت هي لولا طول تعدات للحمام... دقايق وفاق صقر تنهد بتبسيمة  شاف الساعة في تلفونو  8:30 ..مسح على وجهو وقام يدو ضربت في طرف ااكا الظرف الكبير  وقع ...تلفت وهبط خذاه ثبت فيه اسم إيلين جان ...نزل حواجبو باهت ...ومستغرب حلو جبد منو ظرف صغير وقعت معاه ورقة صغيرة على برا رفدها وحلها يقرى فيها ......*مكاش غلط ماعندوش سبب ومكاش سر يبقى سر ..هاي امانة وانا درت لي عليا ووصلتهالك كنت باش نمدهالك وجه لوجه اما مانقدرش *إيلين*....حواجبو انضمو في بعض وقلبو تكبس مش مرتاح جملة وشنية الأمانة هاذي .....حل اكا الظرف ووجهو خالي مم كل تعبير ......لقى ورقة طويلة عريضة حلها جيست شاف الخط حتى بلاما يقرى قلبو خض قعد ويدو على لحيتو اول كلمة جات على لسانو ياسمين ...عينيه لعبو في الإسم مركز معاه يقرة ويعاود كأنو يتأكد جيست استوعب تنقل للسطور لولا ..........*سلام صقر ...وقت تقرى المساج هاذي نعرف باش تكون معرس ونكون انا مش موجودة ....يمكن تكون اكثر لحظة مستغرب فيها انا كتبتلك كلام ووصلك في الوقت هذا اما سامحني مانجمش نخليك تحقد عليا طول حياتك ..نحب نكون مرتاحة في قبري   بعد الورقة على وجهو قلبو يقلو ماتكملش خاطر يمكن حياتك تتقلب وعقلو يقولو كمل لازم تعرف كلش والأسئلة لي في مخك باش تلقاها ......رجع عينيه للأسطر وحواجبو في بعض ........تتذكر كلامك لي قلتوهولي صقر يوم عيد زواجنا ؟! ممكن نتا تكون نسيت كلامك اما انا لا قتلي بالحرف: تعرف الي انت لي غيرتني برشا ياسمين ماعادش عارف روحي كيف قاعد نفكر ونتصرف تغيرت جملة على صقر السابق انت صرت دليلي وطريقي وبلاك باش نرجع للصفر تعرف الي مافماش حياة بعدك الدنيا بلاك مانجمش نخمم فيها حاجة مستحيل نستوعبها نضيع ونهبل ... انت الوحيدة بعد امي لي نحس بضعفي قبالها ونستعرف بيه ومش كاره خاطر من يوم شفتك عرفت باش تكون ليا وتملك قلبي #نعشقك......هذا هو كلامك قتلي مافماش حياة بعدك انا كنت مريضة صقر كنت مريضة بالسرطان من لول وفي مراحلو التالية وعرفت ومانجمتش نظلمك معايا مانجمتش نقولك  ونشوفك تتعذب معايا خليت وجيعتي لروحي ..الشي لي لازم تعرفو هو اني ماخنتكش صقر ماخنتكش ..عملت الشي هاذاكا باش نبعدك باش نخليك تكرهني باش تنقم عليا وتعيش حياتك بعدي ...الموقف لي شفتني فيه مع عادل تمنيت اللحظة هاذيكا نمووت نمووت ونتا تغزرلي بالطريقة هاذيك
تعرف الي نظرتك هاذيكا كانت اكبر وجيعة ليا كانت اوجع من السرطان لي بدى ياكل فبدني عملت كلشي باش تنساني وتعيش حياتك نعرف الي باش تتغشش تصيح تعصب اما انا مسامحاتك على كلشي مسامحاتك خاطر مانجمش نلومك على لي شفتو واي حد مكانك كان باش يعمل تفس الشي ..انا حبيتك صقر حبيتك برشا ماتتصورش قداش عشقتك حتى بعد الليلة هاذيكا لي وجعتني فيها ظليت نعشقك ونعشق كل تفصيل فيك ليام لي قضيتها بلا بيك بعدها  صدقني كنت  نتعذب اكثر منك حسيت روحي وحدي حسيت الي ظلمت روحي محبيتش يصير الشي هاذاكا قلبي كان يقولي دايما  نقولك باش تضمني ونبات في حضنك كل ليلة ونكمل ايامي التالية معاك و تعشقني كيف كل ايامنا السابقة وتمدلي القوة  اما عقلي كان دايما يرفض بالقاوي مانجمتش نكون انانية مانجمتش نختار روحي عليك صقر ...سامحني صقر سامحني على كلش سامحني على الوجيعة لي سببتهالك اما كانت لمصلحتك صقر صدقني كانت لمصلحتك ياروحي نحبك وباش نظل نحبك اتلهى بيوسف واحكيلو عليا دايما بالمليحة صقر
الورقة وحدها نزلت من يدو للرض بلاما يحس وقعها كلشي فيه يزن وقف مروهج قدما توقع وحرڨ مخو وحلل وفسر ولا وصل للنتيجة هاذي بدنو ماطاوعوش ..رجليه مش حاملينو تركز على طابل دونوي بالزربة وقع الفاز تكسر ..كلشي فيه بدا يوجع من ساسو لراسو. غزر في الطابلة هزها بالجهد لي عندو ورمى كلشي فوقها وصاح صيحة من عروش قلبو ..كل الأحاسيس نزلت عليه وجيعة قهرة غضب غش وعصب وتأنيب الضمير ..معزة ...تخلطولو الكل ماخلى شي في الغرفة ماكسروش نزل على الزجاج متاع الحيط ويضرب بقبضنو دمو يسيل ومش حاس عليه جملة .....*صقر: علاااااااش علااااااش علااااااش اااااااااااااه ياسميييييييين .........حياة وسط الحمام تحت الما برغم الباب خشين متاع الحمام ورشاش الما مشعول سمعت الضجة طفات الما لبست الكاب وخرجت مفجوعة جيست خرجت للغرفة شهقت بالقاوي .......*حياة: صقققققر ......جراتلو شدتو ...*حياة: صقققر يزيييي شنييية تعععمل ...شدت يدو ترجف قلبها قريب يخرج وهي تغزر للدم ً...غزرت لوجهو انصعقت لمنظرو والدمعة لي نازلة من عينو وماشافتهاش في حياتها شفايفها تحلو ودمعة نزلت من عينها حتى بلاما تعرف السبب ...*حياة: صقرر شفمااااا شصاااار شبيك ياروحي احكي !!!!!!!....تكا على الحيط و#الإكسترا1..نزل للرض وحط يديه لي بالدم على وجهو .كلشي قدامو مكسر ماخلى في الغرفة شي عينيه حمر ودمووعو نازلين ....صقر لي ماتهدو حاجة توا يبكي دموعو سابقاتو ..شكون باش يصدق لي الصقر بحد ذاتو يجي نهار ويتهد يجي نهر ويطيح يجي نهار وتبان قهرتو على وجهو ووجيعتو تظهر بدموعو ..يحس بالصهد يكوي فيه من كل شيرة ونار قاعدة تحرق فيه ...نزلت قدامو ترجف وتبكي معاه ...... *حياة: صق..ر .....حكم وجهها بين يديه وكبس عليه .... *صقر: علاش حيااة علااااش علاااااش علاش عملت فيا هاكا؟!؟؟! علاااش خلاتني نوجعها علااااااااش حرڨتني وخلاتني نخرڨها علاش وانا لي عشقتها ...استخسرت فيا نعيش معاها ايامنا التالية علاش خلاتني نظلمها ......ملامحها تغيرو من كلامو ودموعها قصو تسمع فيه وباهتة مخها حبس مازال ماإستوعبتش كلامو اصلا باش تستوعب على من يحكي مالقاتش رد فعل مناسب تعملو مازال علامة الإستفهام والتعجب فوق راسها والصدمة محتلتها من كلامو لي نزل عليها اغرب كلام توجهلها منو ......شد يدها وقام مشى جهة اكا الورقة هزها وعلقها قدام وجها ..*صقر: اقرااااااا اقراا اختك قداش خدمت مخها بالباهي اقرااااا قداشها تفهم مشاء الله اقرااااا شاخلاتلي ... شدتها عليه بالعرض البطيء مازالت في دوامة الكلام لي حكاه ......*صقر: قالت ماخانتنيش وكلشي لمصلحتي هههههههه ههههههه ....لمصلحتي حكم شعرو ويضحك ويبكي في نفس الوقت بهستيرية وهي شادة الورقة تقرى فيها سطر سطر ......حط يديه على وجهو يحس فروحو باش يتخنق باش يموت وروحو تطلع في الدقيقة هاذي توجه للدرسينغ لبس واش جا في طريقو خذى تلفونو وخرج هزت راسها فيه صاحت عليه .....*حياة: صققققر استنىى ويييين ماشي ......طلعت وراه وتبكي وكلام اختها ترسخ في ذاكرتها كانت متأكدة لي ياسمين ماخانتوش كانت متيقنة الي فما غلط فما شي مفقود .....مش باش تلومو توا فاهمة احساسو وشعورو والي هو مقهور من روحو اكثر ماهو مقهور منها تعرف الي توا باش يلوم روحو خاطرو شك فيها وخلاها وحدها تصارع في الموت ...بالنهاية هي كانت حبو لول وام يوسف وسابقتها مش باش تجي هي تقولو انسى وارمي عليه الموضوع هذا حساس لازم تساندو فيه وتساند روحها حتى هي خاطر الموضوع صعب عليها باش تساند حب حياتها يتجاوز حاجة من الماضي كانت تهمو ولي هي حبو لول غمضت عينيها بالقاوي جيست طلع قدامها بالطوموبيل ماخلى كان العجاج وراه ......*حياة: وين باش تمشي صقر وييين حطت يدها على بطنها شدت الكاب جيست استوعبت الي طلعت باللبس ذا رجعت للقصر ...تطلب فيه مايردش ماعرفتش شنية تعمل ولا تتصرف .........................مالقى روحو كان عند باب الجبانة يديه على الفولة في بعض ومتكي براسو فوقهم ...طلعو يغزر بعيونو الحمر حل الباب ونزل تمشى طول للقبر تاعها نزل على ركابيه وعبز بصباعو على ترابها دموعو قوات ..كل دمعة تنزل يتذكر بيها كل حاجة عملها فيها كل صيحة صاحت كل وجيعة توجعت وهو السبب فيها كانت مريضة وماحسش قداش كان غبي داخت في الشركة وماتأكدش من تحاليلها همل الموضوع وماسالش في الكلينيك علاش داخت تجاهل الموضوع النهار هاذاك كيفاش مافهمهاش حتى نظراتها يوم العرض تولهلها ولي هي مش طبيعية حتى بعدما خانتو وواجهاتو بالموضوع كانت الوجيعة باينة في عينيها كل هذا ماعملوش حساب يحس فقلبو باش يترشق قدما يلومها على ليى عملت مايجيش قد لومو لروحو بلي عملو فيها ...النهار هذا كان نهار دموع بالنسبة ليه دموع لي منزلهاش حتى على موتها طلقت العنان في هاذ النهار ماعرفش روحو شحال قعد فوق قبرها ساعة ولا ساعتين ولا سوايع ماحسش على روحو لين تعدى عليه النهار كلو عليه نهار كحل ماشرب فيه ماكلى كان حداد بالنسبة ليه حدادو مع روحو عليها ........نص الليل قاعد في الكازينو المكان لي رجليه خذاوه ليه معدتو عباها بالما والعصير كهو مايحبش يشرب مايحبش ينسى ..يحب يتذكر كل ثانية يحب يعيش الوجيعة ويحس بيها بلاكشي يخف تأنيب الضمير عليها ..........*رهام: صقر!!!!!؟؟؟؟؟!،!