أحببت أخت زوجتي الجزء الثالث 3

50

الحلقة 50: عفاف وجنة لي قامت مفجوعة وكامل العايلة في الكلينيك مقابلين الباب يستنو في الطبيب يخرج يطمنهم على زمرد لي وقعت بلاسابق انذار ...خرج الطبيب تنفضو لعندو .....*منير: كيف حوالها شصارلها ....*الطبيب: توا لاباس ضغطها نزل شويا .....*عبد الرحيم: نجمو نشوفوها ؟!!...ً....*الطبيب: توا فايقة ..شكون عبد الرحيم وزهرة؟!؟.....*عبد الرحيم: انا وتقدمت زهرة .....*الطبيب: طالبتكم ادخلو وبعدها الباقي حاولو ماتضغطوش عليها بالهدرة ياسر ومشى. ...دزو الباب ودخلو عليها.........جيست خلطو عليها كمشت ملامحها وتجاعيدها بانو كثر بينو غشها قربولها هز يدها باش يبوسها جبدتها مكشرة فيه .....انصدم ...*زهرة: امي كيفك لاباس وقربتلها ....*زمرد: خلي يدك عندك الالا ...بقاو مصدومين فيها ...ً....*عبد الرحيم: شبيك امي شصارلك خايفين عليك طمنا علاش مغششة ........*زمرد: وينها؟؟؟......غزرو في بعضهم حايرين ...*زهرة: شكون امي؟!؟.....*زمرد: ماني لا امك ولا امو لراجلك لي جبتو من كرشي فهمتي .....*عبد الرحيم: امي برحمة بويا علاش تحكي هاك شعندنا عملنالك......*زمرد: غاضتكم ؟!! اما علاش ماغاضتكمش كبدتكم كي رميتوها ااه .......جيست قالت الكلمات زوج وقلوبهم خضت ......*زمرد: شبيكم سكتو؟!! القطوطة كلات لساناتكم ؟؟؟! توا تقولولي وين راها بنتي ......*عبد الرحيم: سمعت كلشي .....*زمرد: علاه تحسبوني طرشة ؟؟؟ مانسمعش الصياح وسط البيت ......*زهرة: تبكي....امي م...قصت عليها .....زمرد: اسكت انتي ولا كلمة .....*عبد الرحيم: مادامك سمعت مالا تعرف زادا سبة لي خليناها ........*زمرد: زايد تفسر .تخبي في اغلاطك وين كانت تمشي الملايير لي كان يرسلهالك خوك من فرنسا وييين؟؟ للقمار؟!؟؟ فلست وما لعنتش الشيطان خوك تعرى من وراك كل ماتطلب يبعثلك باش تعيش تقوم ترميها للحرام وتطيش بنتك؟!؟وعلاه في خاطر الفلوس؟!؟؟ اااه تكللللم ؟!؟؟ وبرحمة بوك إذا ماقتليش وينها غير نتبرى منك ووجهي مايقبلك لافي الدنيا ولا الآخرة .ً..زهرة شهقت وقربتلها تهدي فيها ....دزتها ...*زمرد: ماتمسنيش انتي ....مرت منير لي مانطيقهاش طلعت ارحم وخير منك كل الشر لي دارتو مايجيش في غلطتك نتي كيف تطيشو بنتكم اااه ياربي الحيونات وماتخليش صغيرها واش من تربية ربيتك عبد الرحيم ياولد كرشي ترمي بنتك؟؟....عايلة زيادي لي تتنعت بالصبع فسدتها بلعبك ...الله يرحمك ياعلي لي مت وماشفتش ولدك شتادار الله يرحمك ....
طأطئو ريسانهم .....*زمرد: تكلمو ؟؟! وينها ......*عبد الرحيم: هوني في تونس ......*زمرد: كيف سماها....مهبط راسو ويحكي كل كلامها صح مالقى مايقولها.......*عبد الرحيم: حياة .....ً.*زمرد: وين تسكن ؟!!!.....*عبد الرحيم: علاش تسال امي توا راهي مرت راجل......*زمرد: بنتي ومن عايلة زيادي لازم تعرف بنت مين هي وشكونها ......زهرة غزرتلها متأملة من كلامها وكان ترجعلها بالحق وتطلب تسامحها على لي خلاتها حتى وما قبلتش تشوفها كهو سنين وهي ڨلبها محروق عليها وراجلها لي حاطاتو سندها طول الوقت يكذب عليها تنهدت بحصرة ......*عبد الرحيم: يهديك ربي ياأمي كي حابة تروح للبنت وتحكيلها ..البنت ماترباتش عندنا وماتعرف حتى حاجة كيف باش تفهمها الي حياتها كذبة اصلا مانتوقعش تحكي معاك بالباهي دوب تعرف.......*زمرد: بلاهي؟!! علاش باش تحاسبني على غلطتكم اسمعو يلا كان فما واحد لازم تحاسبو هوما نتوما خدايمك انا برا منها ...هي بنتنا او الصح بنتي ...كان مايامحتكمش تستاهلو كثر هذا إذا ندمتو بالحق حابينها ......شهقت زهرة بالبكية ونزلت على ركابيها عند سرير زمرد .....*زمرد: حابتها ياأمي حابتها توا ومن سنين ومن وقت مشات من حضني ندمت ...ندمت برشا قتلو يلوج عليها ولقاها وكذب عليا كذب عليا وخلاني محرومة منها وڨلبي محروق كل يوم نشوفها فب المنام ..ليوم عاد عرفت ..عرفت منو لي كان يكذب عليا ......دورت وجهها عليها منزلة حواجبها ....*زمرد: غلطتو غلطتو برشا ..مادام قبلت بنتك من لول تمشي من حضنك انتي غالطة كيفك كيفو .......عبد الرحيم خرج من الغرفة جاو يحكو معاه تعدى وخلاهم خرج من الكلينيك تخنق قعد في كرسي ضام يديه لبعض كأنو ضميرو صحى على اعمالو ...كلام مرتو فيقو من نومو وزادتو امو ليوم كيف رمى كبدتو وبنتو من لحمو ودمو كيف ماقالت الحيوان ومايخليش صغيرو ...القمار عمالو عينيه والحرام غطسو اكثر واكثر في حفرة ماعندهاش نهاية ...الندم توا مايفيد والو خاطرو مأخر وبرشا دموعو نزلت على وجهو بحرقة عمرو مافهم عايلتو عمرو ماكان كيفما يتمنو ضحى بيهم الكل في خاطر يكون مرتاح بجنة كريم عفاف وحياة زادا حتى خوه انضر شويا وهو يبعثلو في الفلوس وهو وين من كل هاذو وين الرجولة وين العزة والكرامة يحس في روحو اضعف كائن على وجه الأرض ..تحطت يد على كتفو قفز تلفت لقاها جنة ....هبط راسو يحاول يخبي دموعو عليها بقات مصدومة في حياتها الكل ماشافتش بوها نزل دمعة .....*جنة: بابا؟! وقعدت حدو ......جيست قعدت وهو حضنها. بقات كيف الصنم في حضنو مافاهمة والو .......*عبد الرحيم: سامحني يابنتي سامحني ....ماكنتش البو لي تستحقوه ماكنتش السند لي تتكو عليه ضحيت بيك بسباب مصايبي وعرستلك وانا عارف الي نتي ماتحبش ...وكان يرجع الزمان كنت صلحت كلشي ومت ولا عملت لي عملتو اما فقت مأخر ..كنت اناني عمري لاحسيت بيكم عمري لا حنيت عليكم .....كبست عليه وغمضت عينيها بالقاوي ودموعها نزلو بحرقة
دموعهم تخلطت ووجيعتهم وحدة بو نادم وبنت حياتها ضاعت جبدت عليه وتمسح في دموعها .....*جنة: لي عملتو مش تضحية بابا لي عملتو خاطرني نحبك ونموت عليك وعملتو وانا فايقة بيه وعمري لاندمت فيه وبعد اللحظة هاذي خليتني نزيد نقنع الي عملتو صح وكان دايما صح ......*عبد الرحيم: يابنتي كان تقول في الكلام هذا باش ترضيني بلاه ..تحب تتخلص منو قولي براسي غير نطلقك منو ونعمل جهدي باش نريحك بالاك نصلح من لي بقى ....حطت يدها على يدو ....*جنة: لا بابا صحيح انا ماحبيتوش اما عمري لا عطيتو فرصة ولا خليتو حتى يفهمني ولا نفهمو حياتنا كانت روتينية خاطر مبدئي كان الرفض ماحاولتش نعطيه فرصة ولا نحبو بالرغم الي كل لي شفتو منو هو الحب الإهتمام كان يعمل كلشي باش يرضيني اما انا دايما جابدة عليه انا الغالطة ماكنتلوش الزوجة المثالية وباش نعوضو قد لي نجم ......*عبد للرحيم: ربي يرضيك بلي نتي فيه ويريحلك بالك ويفرحك قدما فرحتي قلبي المهموم يابنتي الله يرضى عليك دنيا وآخرة .....تبسمت ....*جنة: امين بابا ...تبسم ومسحلها دموعها ....قص عليهم صوت من بعيد ...*مجد: جنة.....تلفتو ...*عبد الرحيم: عمرو طويلة ..وولد حلال مادامو خرج وحنا نحكو عليه ......تبسمت ....*عبد الرحيم: باش نرجع داخل .....قام سلم على نسيبو وخلى جنة معاه تحكيلو ........قامت من محلها ومشاتلو قابلاتو .....*جنة: مجد .....*مجد: شبيك تبكي جداك لاباس؟!؟؟..وحط يديه على خدودها ......*جنة: ااا!؟ لا مليحة هي خفت عليها كهو ...*مجد: يتبسم..الحمد الله مالا علاش تتقلق ....بقات تثبت فيه وفي ملامحو عمرها مابقات تغزرلو هاكا من لي عرست بيه صحيح كانت تعطيه واجباتو اما ببرود الجليد كان ديما يحس بالشي هذا ويتجاهلو ..صحيح مش كبير برشا عليها اما هي من ذاك النوع لي ماتقبلش سنين برشا بينها وبين شريك عمرها على اذاكا عمرها ماتفاهمت معاه ولا حاولت تفهمو وزيد ڨلبها كان دايما مع اسمر ...وقت عرست بيه كان عمرها 20 وهو 40 وتوا هي في 28 ......بقات تغزرلو شهقت بالدموع بقى مستغرب حضناتو وتبكي ......نزل حواجبو حاير وبقى يمسح على ظهرها ....*مجد: اششش جنتي علاش تبكي ......*جنة: شي .....جبدها عليه ويمسحلها في دموعها بصوابعو ...صورتو بدات تغيب عليها وعينيها ظلامو وقعت في حضنو تفجع عليها ....*مجد: جننننة ...جنننننة ياروحي شبيييك .......هزها ودخلها الكلينيك .....................مجد: شبيها مدام احكي عيشك!!!......*الطبيبة: مبروك المدام حبلى ومن شهر ........جنة حلت عينيها صحافي .....كانت تشرب الكاشي دايما ومن شهرين تلهات عليه وتغاضات ....حطت يدها على فمها الحمل هذا جا في وقت مش طبيعي ..وقت محتاجتو فيه برشا ماكانتش تحب تهز منو صغير اما توا فرحانة بيه وتحب عليه بقوة ...غزرت لمجد لقات عينيه مغزلين قربلها وحضنها .....*مجد: عيشك ربي يخليك ليا عيشتني فرحة قد الدنيا ياروحي ..تبسمت وكبست عليه ....الطبيبة تبسمت وخرجت وخلاتهم .......جبد عليها ويحكي ......*مجد: مش كنت تشرب الكاشي؟؟؟ حبستو؟!! .....وجها حمار وشافت فيه بصدمة خاطر كانت تشربو بالتخبية عليه ...رجعت حطت راسها وحكمتها البكية .....*جنة: ا..نا. طلعلها وجهها من ذقنونتها وقربلها باس شفايفها بوسة خفيفة ..تفكرت كيف باست اسمر وحتى الكاشي كانت تشربو وماقاتلوش بالرغم هو يحب صغار اما ماعاتبهاش حست روحها غالطة في حقو برشا حست بأنانيتها كبست يديها ودموعها نزلو ......*جنة: سامحني ....بقى يغزرلها توقع تطير عليه وتقولو ماعندك مادخلك ومانحبش نجيب منك صغار وانا حرة اما قاتلو سامحني كلمة عمرها لاقالتهالو وعمرو لاتوقعها منها بالرغم كانت تغلط برشا ويسامحها خاطر يحبها من وقت شافها لين خذاها وزاد عشقها ..وتوا تقول فيها حسها تغيرت .......كبس على شفايفها بشفايفو تفاعلت معاه غمضت عينيها وعطاتو شفايفها تبسم وسط البوسة ..حضنها ويمسح على شعرها..*مجد: ياجنتي