My Own Heartless Prince

KABANATA 17: attention seeker?

☆Attention seeker?☆

HEART'S POV

Nandito kami ngayon sa sala ng mansyon ng mga Mendez, sa unang palapag. Nasa tapat ko lang nakaupo si Manang Mina, "Iha, pasensiya na pero ano kasi, ah eh sa nakikita ko kahapon sa inyo ay okay naman kayo, pero sadyang kay bilis magbago ng pangyayari, ngayon naman ay may kunting hidwaan na naman sa inyo. Ipagpapaumanhin mo sana yung mga pinagkakagawa niya sa iyo, sa inyo ng kapatid mo, at alam mo ba kung bakit ko ito nalaman?" tanong pa ni Manang Mina sa akin, umiling naman ako bilang tugon, "Sa kaniya din, pinilit ko kasi eh, haha siyempre may source din naman," aniya sabay pakita sa cellphone niya Oppo na mukang nasa latest version yata.

"Oum, okay lang po. Inaamin ko na may mali din naman po ako," sabi ko, ngumiti naman siya. "Pasensiya na din po sa mga nangyayari, alam ko namang kasalanan ko ang lahat," ani ko pa sa kaniya, naiiling siyang lumapit sa akin.

"Iha, alam mo ba na mas malala pa ang pinagkakagawa niyan sa iyo para lang mapaalis ka dito? Pero nakayanan mo iyon, at makakayanan mo pa," sabi niya, tiningnan niya muna ang paligid bago nagsalitang muli. "At alam mo ba na mas malala pa noon ang mga masasamang kagawian ng batang iyan? Ewan ko nga at hindi na siya masyadong nagpapansin nitong mga nakaraang araw," sabi niya sa akin.

"A-ano pala ang pinagkakagawa niya dati?" pagtatanong ko pa.

"Lahat ng mga gawaing pinagbabawal sa kaniya, ang pagpunta sa bar at magwaldas ng pera, paninigarilyo na siyang ipo-post pa talaga niya, pananakit o pangbu-bully sa mga bagong PA niya, magtatago ng maraming alak sa kwarto tapos sa umaga andoon na ang lahat ng bote sa kwarto niya at basag pa iyong iba," tumingin siya sa kawalan at nagpatuloy sa pagsasalita. "At higit sa lahat ang pagtulog sa bathtub na may tubig pa, diba lakas ng topak?" nagpeke siya ng tawa at naiiling na tumingin sa akin. "Pero, nang dumating ka dito, nakikita kong muli yung totoong tawa at mga.ngiti niya. Yung galing sa puso.niya," dagdag pa ni Manang Mina.

"Oh, kaya pala. Bakit nga ba siya nagkakaganiyan? Bakit niya ginagawa ang mga iyon na siyang dahilan niya sa paglabag ng pinagbabawal.sa kaniya?"tanong ko.

Hindi muna siya nagsasalita na para bang nagdadalawang isip siyang sabihin ito. Kaya ng magsasalita na ulit sana ako para bawiin yung tanong ko ay pinigilan niya ako, gamit ang hand call sign na stop.

"Dahil gusto niya lang naman na pagtuunan siya ng pansin," sabi ni Manang Mina.

Attention seeker?

"Eh, diba marami namang pumapansin sa kaniya? Dami ngang pumapansin sa kanya doon sa school eh," kasi nga papansin! Naiirita ako sa dahilang iyan.

Tumawa ng mahinhin si Manang Mina, may nakakatawa sa sinabi ko? "Kasi nga naman sa parents niya, atensiyon ng mga magulang niya. Iba kasi ang nararamdaman niya, na para bang ayaw sa kaniya ng nga,magulang niya. Pero hindi naman iyon totoo, sadyang busy lang talaga yung dalawang bata na iyon." sabi pa niya, pagtutukoy sa mama at papa ni Jade.

Nakakasakit nga naman isipin iyan, pero iyan lang ba ang paraan para magpapansin siya?

"Diba po andito naman ang kuya niya? Atsaka, nasaan pala mga magulang nila?" pagtatanong ko pa, nagmumukang Marites na ako dito at ako na din yung pakialamera. Yun yung salita na nasabi ko sa kaniya but then, heto ako. Nakikitsismis tungkol sa buhay niya.

Tumango si Manang Mina, "Oo, andito si Krein. Pero ang dalawang iyan, hindi naman magkasundo. Noon oo, sobrang lapit nila sa isa't isa, pero nang nangyari ang insidenteng iyon..." nakikinig lang ako sa mga sinasabi niya, habang nagkukuwento pa siya. Sulit-sulitin ko na! "At nang mga oras at na iyon, nalaman pa ni Jade na hindi pala sila totoong magkapatid, ayon na. Doon na nagsimulang magmatigas si Jade," sabi pa niya.