✧ အချစ်...ဦး ✧
✧Part(32)-The End✧
ထက်ထက်ကျန်းမာရေး လုံးဝကောင်းလာသဖြင့် ခွန်းရဲ့မိသားစုအိမ်ကိုသွားလည်ဖြစ်သည်။ အရင်က သူမကို ဘယ်လိုကြိုဆိုကြလဲမသိပေမဲ့ ယခုတစ်ခါမှာတော့ နွေးထွေးစွာကြိုဆိုကြပါသည်။
"မြေးတို့ရောက်လာပြီ...နွေးနွေး မြေးကိုသေချာတွဲခဲ့ "
"ဟုတ်ကဲ့သခင်မကြီး..."
နွေးနွေးက ကားပေါ်ကအမြန်ဆင်းကာ ရှေ့ဘက်ကိုအပြေးသွားသည်။ သို့သော် ခွန်းက အနောက်ကရောက်လာကာ...
"နေ နွေးနွေး အစ်ကိုခေါ်ခဲ့မယ်..."
ခွန်းက နွေးနွေးကိုတွန်းဖယ်ပြီး ထက်ထက်ကိုပွေ့ချီလိုက်တာ ကလေးလေးလို။
ထက်ထက် လူကြီးတွေရှေ့မှာမို့ ရှက်သွားရသည်။
"မရှက်ပါနဲ့ ဒါကို ဘွားဘွားတို့နားလည်တယ်..."
"ဒါပေမဲ့လည်း..."
"ဘာမဖြစ်ဘူးဆို ကိုယ်အိမ်ထဲကိုခေါ်သွားပေးမယ်...နော် "
"အင်း "
ထက်ထက်ရှက်ပြုံးပြုံးရင်း ခွန်းလည်တိုင်ကိုတွဲခိုကာ လိုက်လာခဲ့ပါသည်။
အထဲရောက်တော့ မီးဖိုခန်းကနေ ခွန်းမာမီထွက်လာသည်။ ပုံစံအရ သူမတို့လာမှာသိလို့ ကိုယ်တိုင်မီးဖိုထဲဝင်နေပုံရသည်။
"မြေးမာမီက သူ့မြေးနဲ့ချွေးမလေးအတွက် ကိုယ်တိုင်စီမံနေလေရဲ့ "
"ခဏနော် သားတို့ ဆယ့်ငါးမိနစ်ဆို ရပြီ ငါးပေါင်းထားလို့..."
"ဟုတ်ကဲ့ မာမီ ဖြေးဖြေးလုပ်ပါ..."
မာမီကပြောကာ အထဲကိုပြန်ဝင်သွားသည်။ အရင်ကဆို ထက်ထက်လာမှာကို မနှစ်မြိုလို့ အပေါက်ဝကနေ ဆူပူနေတဲ့မာမီက အခုတော့ ချွေးမအတွက် သေချာချက်ပြုတ်ပေးနေသည်။
"မြေး လာ ဖြေးဖြေးလျှောက်နော် ရေချိုးရင်လည်း အမြန်ချိုး လမ်းလည်းများများလျှောက်ပေး..."
"ဟုတ်ကဲ့ပါဘွားဘွား ထက်ထက်ဆရာဝန်ပြောတဲ့အတိုင်းသေချာလိုက်လုပ်ပါတယ်ရှင့်"
YOU ARE READING
အချစ်...ဦး/အခ်စ္...ဦး
RomanceBoth Unicode & Zawgyi ရှင်ခွန်း + ခိုင်မြဲသထက် ထက်ထက်က အစပိုင်းမှာ ဗီလိန်သဘောမျိုးပါ... အချစ်နဲ့ပတ်သတ်ရင် လုပ်ချင်ရာလုပ်တတ်တဲ့စတိုင်မျိုးပေမဲ့ ခွန်းကိုတော့ တစ်ကယ်ချစ်သည်။ ရွင္ခြန္း + ခိုင္ၿမဲသထက္ ထက္ထက္က အစပိုင္းမွာ ဗီလိန္သေဘာမ်ိဳးပါ... အခ်စ္နဲ႔ပတ္သ...