✧ အချစ်...ဦး ✧
✧Part(28)✧
ဆေးရုံအခန်းထဲမှာပဲနေရတာ ပျင်းလာ၍ ညနေပိုင်းဆေးရုံက ထွက်ကာ ဘေးနားက စူပါမားကတ်ဆီမုန့်ဝယ်ရန်ထွက်လာခဲ့၏။
စားချင်သည့်မုန့်တွေတန်းစီယူရင်း ဘေလ်ရှင်းရသည်။ မရှင်းမီသူမယူလိုက်သေးသည့်အရာက ဆေးစစ်တံတစ်ခု။
"ဒါတွေကိုတွက်ပေးပါ..."
ကျသင့်ငွေရှင်းကာ ဆိုင်မှထွက်ခဲ့သည်။
လမ်းလျှောက်ရင်းနဲ့ ခလုတ်တိုက်ပြီးလဲကျသည်။ ဒူးဆစ်ရောင်နေ၍ မထိန်းနိုင်ဘဲ လဲကျသွားတာဖြစ်သည်။"အာ့..."
"မမရရဲ့လားဟင် "
ကြည့်မနေနိုင်သည့်ညီမလေးတစ်ယောက်က လူထူပေးသည်။
"ရတယ်ညီမလေး"
"ဒါနဲ့ မမက ခိုင်မြဲသထက်လားဟင်..."
"အင်းဟုတ်တယ် "
"ညီမလေးက မမရဲ့ဖန်ပါ မမရဲ့Life styleကိုအရမ်းသဘောကျတာပဲ "
"ကျေးဇူးနော် "
"မမကဆေးရုံတက်နေရတာလားဟင် ဆေးရုံဝတ်စုံကြီးနဲ့ "
ဒီလို ကိုယ့်ရဲ့ဖန်တွေ့လိမ့်မယ်မထင်တာကြောင့် အပေါ်ထပ်ပဲထပ်ကာ လာခြင်းဖြစ်သည်။ သူမ မျက်နှာကိုအပြုံးနဲ့ပန်ဆင်လိုက်ရင်း...
"အင်း ညီမလေး မမသွားတော့မယ်နော် ခဏနေ ဆရာဝန်နဲ့တွေ့ရဦးမှာ"
"ဟုတ်ကဲ့မမ ကျေးဇူးတင်ပါတယ် "
ပြဿနာကထိုမှာစသည်။ ဘယ်သူက သူမရဲ့ဆေးရုံဝတ်စုံနဲ့ဓာတ်ပုံကို ရိုက်ကာ လိုင်းပေါ်တင်လိုက်သည်မသိပါ။ “ခိုင်မြဲသထက်”ကင်ဆာဖြစ်နေကာ ဆေးကုသမှုခံယူနေပါသည်ဟုသတင်းတက်လာသည်။
"မမတစ်ကယ်ကြီးကင်ဆာလားဟင်😭"
"ညီမလေး ပိန်သွားတယ် သတင်းကအမှန်လား"
"ချစ် 😭"
စတဲ့ ဝမ်းနည်းခြင်းemojiတွေနှင့် စာတွေတန်းစီပို့လာကြသည်။ ပို့စ်တင်ပြီးပြောကြသူများလည်း ဒုနဲ့ဒေး။
"အဆင်ပြေရဲ့လား "
ခွန်းက ပို့စ်တွေကိုမြင်လာသည်ထင်။ ဆေးရုံကိုတန်းရောက်လာသည်။
YOU ARE READING
အချစ်...ဦး/အခ်စ္...ဦး
RomanceBoth Unicode & Zawgyi ရှင်ခွန်း + ခိုင်မြဲသထက် ထက်ထက်က အစပိုင်းမှာ ဗီလိန်သဘောမျိုးပါ... အချစ်နဲ့ပတ်သတ်ရင် လုပ်ချင်ရာလုပ်တတ်တဲ့စတိုင်မျိုးပေမဲ့ ခွန်းကိုတော့ တစ်ကယ်ချစ်သည်။ ရွင္ခြန္း + ခိုင္ၿမဲသထက္ ထက္ထက္က အစပိုင္းမွာ ဗီလိန္သေဘာမ်ိဳးပါ... အခ်စ္နဲ႔ပတ္သ...