✧ အချစ်...ဦး ✧
✧Part(20)✧
"ဟူး!..."
ထက်ထက်နဲ့မတွေ့ရတဲ့ရက်ဘယ်လောက်တောင်ရှိပြီလဲ။
လျှံ ကန်ဘောင်မှာ တစ်ယောက်တည်းသက်ပြင်းတွေသာချနေမိသည်။ ပိုင်ရှင်ရှိသည့်မိန်းကလေးကို မမျှော်လင့်သင့်ဘူးဆိုတာသိသည်။ သို့သော် စိတ်ကဘယ်လိုမှဖြတ်လို့မရ။သူငယ်ချင်းဖြစ်တော့ပိုဆိုးသည်။
"မတွေ့တာကြာပြီနော် ကိုယ်တော်လေး!..."
ပုခုံးကိုဆက်ခနဲပုတ်လာသည့် တစ်ယောက်ကြောင့် လှည့်ကြည့်တော့ ဖိနပ်ဆိုင်က အရောင်းဝန်ထမ်းဖြစ်နေသည်။
"ခင်ဗျား!..."
"အဲ မှတ်မိသားပဲ ကျွန်မက မသိဘူးလို့ငြင်းမယ်ထင်နေတာ "
ပုံမှန်ဆို သူကတစ်ခါတွေ့ယုံနဲ့မမှတ်မိ။ သို့သော် ထိုနေ့က သူ့ကိုဝေဖန်နေတဲ့သူမကိုတော့ မှတ်မိနေသည်။ အဝတ်က ဝန်ထမ်းဝတ်စုံမဟုတ်ဘဲ ပုံမှန်အဝတ်အစားဖြစ်နေတာကိုလေ။
"ယဉ်ယဉ်လေးရူးနေတဲ့သူကို မမှတ်မိစရာလား"
"ဘာ!.."
သူခပ်တိုးတိုးပြောတော့ ဘာခနဲအော်ကာ ဘေးနားကိုလာထိုင်သည်။
"ဘာမဟုတ်ဘူး "
"ရှင်နဲ့သူ လာနေကျနေရာလား "
"ခင်ဗျားအရမ်းမစပ်စုနဲ့ "
"အင်း! ဒါမဲ့သိချင်လို့ "
"ကျွန်တော်က စကားကိုသာလိကာလိုပြောတတ်တဲ့မိန်းကလေးကို စိတ်မဝင်စားဘူး! ခြေလှမ်းမစခင် ရပ်လိုက် "
"ကျွန်မနာမည်က ခရမ်းရောင်"
မေးတာတခြား ဖြေတာတခြား။
"ခင်ဗျားကိုဘယ်သူကမေးလို့လဲ..."
"အသက်က(၂၂)ပြည့်ပြီးပြီ "
သူ့ထက် (၂)နှစ်ကြီးတာပေါ့။ သို့သော် အပြင်ပန်းမှာတော့ မကြားသလိုနေသည်။
"ရှင်ထင်သလိုပဲ! ကျွန်မကို ပထမဆုံးမြင်ကြတဲ့အမြင်က အဲ့လိုပဲ မသိတဲ့သူကိုတောင် စကားပြောတယ်လေ "
သူမက ထိုသို့ပြောလာတော့ စိတ်မကောင်းမိ။ ပြုံးရယ်ပြီးပြောနေတဲ့မျက်ဝန်းအောက်မှာ ဝမ်းနည်းမှုရှိတာ သိသည်။
YOU ARE READING
အချစ်...ဦး/အခ်စ္...ဦး
RomanceBoth Unicode & Zawgyi ရှင်ခွန်း + ခိုင်မြဲသထက် ထက်ထက်က အစပိုင်းမှာ ဗီလိန်သဘောမျိုးပါ... အချစ်နဲ့ပတ်သတ်ရင် လုပ်ချင်ရာလုပ်တတ်တဲ့စတိုင်မျိုးပေမဲ့ ခွန်းကိုတော့ တစ်ကယ်ချစ်သည်။ ရွင္ခြန္း + ခိုင္ၿမဲသထက္ ထက္ထက္က အစပိုင္းမွာ ဗီလိန္သေဘာမ်ိဳးပါ... အခ်စ္နဲ႔ပတ္သ...
