သူမနှာခေါင်းထဲသို့ ဝင်လာသော ပိုးသတ်ဆေးအနံ့ကြောင့် သူမ သတိထားမိသည့်ပထမအချက်မှာ သူမဆေးရုံရောက်နေပြီဖြစ်သည်။
ထို့အပြင် တစ်စုံတစ်ယောက်ကပါ သူမကို တွေ့သွားသည်ထင်သည်။ မည်သူဖြစ်မလဲ။
သူမ မျက်လုံးများကို အားယူဖွင့်လိုက်၏။
"အစ်မ နိုးလာပြီလား ဘယ်လိုနေသေးလဲဟင် နာနေသေးလား "
"သေမတတ်ပါပဲ "
"ဟင် ဆေးထိုးထားပေးတယ် ဆိုပဲ မသက်သာဘူးလား "
"မဟုတ်ဘူး ငါ့ရဲ့အနာက ဆေးထိုးရုံနဲ့မပျောက်ဘူး "
သူမ လှဲနေရာမှ ထထိုင်လိုက်၏။
"အစ်မ မသက်သာသေးဘူးလေ လှဲနေပါ"
"နေပါစေ ရှင်းဟွာ ငါဘာမှမဖြစ်ဘူး "
"အနာကမကျက်သေးဘူး ပိုးဝင်လိမ့်မယ် "
လောလောလတ်လတ်ချုပ်ထားသောတံတောင်ဆစ်အောက်ပိုင်းမှ ဒဏ်ရာသည် သူမမည်သည့်အချိန်က ဖန်တီးလိုက်သည့်ဒဏ်ရာဖြစ်သည်ကို မသိတော့ပါ။
"ရှင်းဟွာ ငါဘာလို့ ဒီကိုရောက်နေတာလဲ "
သူမမျက်နှာညိုးသွားသည်။
"အစ်မရဲ့အကြောင်းလူတိုင်ပြောနေကြတယ်လေ အိမ်ကအစေခံတွေတောင်ပြောနေကြတာ လူတွေအကြောင်းသိတဲ့အတိုင်းပဲပော့ နည်းနည်းဆို များများလုပ်ခြင်ကြတာလေ အဲ့တာကြောင့်စိတ်ပူလို့လာကြည့်တာ "
သူမ နှင့် ရှင်းဟွာသည် ယီမင်ကောလိပ်တွင် ရင်းနှီးခဲ့ကြသူဖြစ်ပြီး သူမကတော့ အမျိုးသားကျောင်းတွင်ဆရာမဝင်လုပ်၍ ရှင်းဟွာက တော့ အိမ်ကသဘောတူသည့်
ဗိုလ်မှူး ဝူကျူလန်းဖြင့်လက်ထပ်လိုက်သည်။(အဲ့အချိန်က ဗိုလ်မှူးပေါ့ အခုတော့စစ်ဗိုလ်ချုပ်ပေါ့)
"ငါပြန်မယ် "
"နေမကောင်းရင် လူနာကို ပြန်ခွင့်မပေးပါဘူး "
ထိုအသံကိုသူမသိသည်။ နှစ်ပေါင်းများစွာကတည်းက သူမကိုမုန်းတီးနေခဲ့သည့် တစ်ယောက်သောသူ၏ အသံ။
သူမသည် အသားရောင် ဝတ်စုံကို ဝတ်ဆင်ထားပြီး ဆရာဝန်၏ ကုတ်အဖြူကို အပေါ်မှ ထပ်ဝတ်ထားသည်။
သူမသည် မင်ချိုင်ယွဲ့ပေတည်း။
သို့သော် ချိုင်ယွဲ့သည်သူမကို မမှတ်မိပါ။
YOU ARE READING
ဓားသွားထက်ကဖူးစာ
Romanceအချစ်ကိုမင်းဘယ်လိုလက်ခံသလဲ ပေးဆပ်ခြင်းလား ပေးဆပ်ခြင်းဆိုရင် မင်းဘယ်လောက်ထိပေးဆပ်နိုင်လဲ အနစ်နာခံခြင်းလား ဘယ်လောက်ထိ အနစ်နာခံနိုင်လဲ ယောက်ျားတစ်ယောက်အတွက် ဂုဏ်သိက္ခာပျက်တဲ့အထိ အနစ်နာခံနိုင်တာဟာ အချစ်လို့ ပြောရင် မင်းရီမလား
