*قطب حاجبيه وأصابعه تغلق أزرار قميصه بصعوبة:
" بغير هدومي علشان هاجي أشوفك"
*أبتسمت مايا لمزحته ولم تدرك أنه لايمازحها:
"محمد بلاش هزار وقوللي الجرح تعبك"
*مشط شعره بفوضوية ثم تخلل ذقنه الكثيفة وردد:
"محتاج أحلق وبشدة...ولا إيه رأيك أطلق لحيتي"
"محمد من فضلك بلاش هزار وقوللي مالك شوف الجرح ليكون بينزف"
*صاحت مايا عابسة.....فقال محمد وهو يضع حافظة نقوده في جيب سرواله الجينز القصير ويرتدي خفاً صيفياً أنيق:
"مايا والله حبي مش بهزر ولا بستظرف أنا جاي أشوفك أصلك وحشتيني....."
*إنتفض على صرختها:
"لأ أنت مش بتستظرف أنت أتجننت.....هتنزل من البيت وأنت تعبان بالشكل ده وتسوق طبعا لأ يامحمد لأ"
"مايا إنتي وحشاني يابنتي وعايز أشوفك"
*هتف بنفاذ صبر......ولكن مايا غضبت من عناده ورأسه المتحجر وصممت هي الأخرى بعناد أقوى
وضغطت على حروف كلماتها الأخيرة بوضوح:
"لااااا.....لأ يامحمد مش هتنزل و أنت لسه تعبان كده ولو عملتها وجيت والله مش هتشوفني"
*رفع محمد حاجبه بتهكم وأجاب مايا بزفرة قوية
متململة:
"بقى كده يعني مش عايزه تشوفيني"
*أجابته وقد عادت النبرة الشقية لصوتها:
"أ طبعا عايزه أشوفك وهتجنن عليك أكتر منك وبكره إن شاء الله هكون عندك أنا ومامتي حبيبتي علشان هي كمان عايزه تشوفك وتشوف جدو و جلال الصغير"
*خبط محمد فوق جبهته فجأة وقد تذكر أمراً هاماً
أخبره به فارس اليوم:
"ااه نسيت أقولك بكره في مجموعة من الموظفين جايين يزورني.....فارس هو اللي قالي"
*سألته متوجسة:
"ريم هتكون معاهم ؟"
*أتبسم محمد وهو يردد في ذهنه" مجنونة" وهمس :
"ممكن أعرف إيه مشكلتك مع ريم دي موظفة زي أي موظفة بتشتغل في المجموعة"
*رفعت مايا حاجبها وهي تسأله بمكر أنثوي مشتعل:
"والله أنت شايف كده.....أهتمامها الزايد بيك ده أسمه إيه ؟ ورفضها إنها تتنقل لقسم تاني علشان تبقى معاك في نفس القسم مع العلم إنها كانت هتترقي ومرتبها هيزيد وأنت تقولي موظفة زي أي
موظفة"
"منك لله يامنة ..عملت وباء في العيلة أسمه الغيرة والشك مش أختي آه والله أختي بس نفسي أنس يوريها الغيرة على حق.....علشان نشرت الفيروس"
*صاح محمد بأستنكار وأسنانه تضغط فوق بعضها من الغيظ......كزت مايا فوق شفتها السفلى لتمنع حالها من الضحك وأكملت:
"محمد متغيرش الموضوع"
*هتف تلك المرة بغضب كاد أن يكون حقيقياً :
"أسمعي يابت الناس الكلمتين دول كويس جدا عشان مش ناوي أكررهم تاني.....
أنا بحبك ومن يوم ما ألتزمت معاكي بكلمة جواز وأنا كلي ليكي إنتي وبس ولا ببص يمين ولا شمال بتشتغل معايا ريم أو غيرها إن شالله حتى كيم كاردشيان بكل إمكانياتها. دي حاجه عمرها ماتشغل قلبي عنك ولا تخليني أشوف غيرك.....
علشان كده لو سمحتي يا مايا أفهمي الكلام ده كويس جدا وبلاش يكون مصدر أزعاج في حياتنا الجايه إن شاء الله......متفقين"
*هزت مايا رأسها بخوف وكأنه يراها تردد:
"متفقين"
أنت تقرأ
مـــــــلك روحـــــــــي
Romanceالجزء الثاني ضمن سلسلة 🔗ويثــــملهم العشــــق🔗 وحبها كترنيمة عشـــق تعزف علي أوتار قلبي، تسرقه مني والروح تسلبها، وتجعل مني مجذوب بجنون حبها، وعشقها الأبدي.
