*سكت مازن فجأه وشد لجام فرسه عنتر بقوه حتى توقف الفرس بعد أن أصدر صهيل عالي وتوقفت ميرال أيضا بجانبه بمهارة عالية فهي تدربت على ممارسة ركوب الخيل منذ الصغر:
"ايه رايك تحبي نعقد هنا شويه...انا دايما بحب أعقد في المكان لما بكون بفكر في حاجه"
*ضحكت ميرال تترجل من فوق الفرس...لتصدم بجسد مازن الذي تلقاها بين ذراعيه وقد اقترب كل منهم من الاخر وبات لا يفصل بينهما إلا أنفاسهم المختلطة...رائحة عطره الرجولي خطفت أنفاسها
حدق فيها لثوان وربما لأكثر وهو يضمها لجسده الرجولي القوى البنيان...وخصلاتها الذهبية تتطير فتلمس جبهته بنعومة...وبشرة وجهها المشرقة بنمش بني طفيف يزينها كانت بديعة الجمال وبحر عينيها يتألق بصفاء يسلب العقل:
*اعترف لنفسه انها جميله حقا...ساحرة ولها جاذبيه خاصه تسيطر على القلوب ولكن لا تزل ملك تسكن قلبه ولم يعرف سحر قط كساحرها:
*انتبه من شروده عليها تتحرك بين ذراعيه:
"مازن ن..ز..لني"
"اسف...اسف جدا شكلي سرحت"
*يا الله رددت وهي تبتعد عنه و تلتقط أنفاسها بصعوبة:
"سرحت في ملك اكيد....مجوبيتش على سؤالي بتحبها؟"
*اقترب منها وهو يخفى كفيه داخل سرواله الجينز الأزرق الذي يلتف حول ساقيه فيبرز عضلاته القوية...وقميصه الأبيض الفضفاض يتحرك بفعل الهواء وهز راسه مع ابتسامة صغيرة لعينه فوق شفتيه الناعمتان:
"هكون واضح معاكي...انا راجل عملي دايما ماشي بواحد + واحد يساوي اثنين الحب بالنسبالى اضافه لأي علاقه لكن مش اساس"
"الحب إضافة" سألته باستغراب:
*أجاب مازن بجديه وهو يجلس فوق العشب الأخضر ويستند بظهره فوق شجرة كبيرة:
"طبعا اضافه العلاقة الأساسية بين اي اثنين بتكون قايمه على التفاهم الروحي والعقلي قبل الجسدي ومساله الحب والأغاني العاطفية وحبك نار...وسيرة الحب وكل كلام الاغاني ده بينتهي بمجرد الارتباط
علشان كده انا معجب بملك بكل عملية شوفتها هي الإنسانة المناسبة ليا"
*فتحت ميرال فمها بذهول تستمع له...حتي انتهى أشار لها قائلا:
"اااايه روحتي فين؟ قد كده كلامي في معضله"
*هزت رأسها نافيا:
"لا ولا معضلة ولا حاجه بس توقعتك رومانسي اكتر من كده...بس فعلا انتي عملي جدا لدرجه sorry مملة"
"thank you"
"شهادة اعتز بيها من انسه جميله وزي القمر زيك"
*اجابها بضحكه مغرية رائعة...خطفت أنفاسها مره اخري يبدو هذا الشاب له تأثير قوي ومدمر الأفضل أن تبتعد عنه فقلبها أصبح معلق بآخر....تنهدت بحرارة تسأل نفسها:
"ياترى بيعمل ايه دلوقتي ومع مين"
............................................
*وضعت السيدة ابتسام فنجان الشاي الساخن مع طبق البقلاوة بالفستق أمام فلورا التي تركت هاتفها مبتسمة بسعادة فقد استقبلت رساله على الواتس اب من حازم يقل فيها:
"لازم اشوفك بكره...مش عارف بيحصلي ايه...حاسس اني بيقت شاب مراهق عايز يقابل حبيبته ارجوكي وفقي"
*وكان رد فلورا بعربيتها الرديئة جدا:
"انت فعلا مراهق حازم...اوك موافقة"
"كنت عايزه اتكلم معاكي في موضوع مهم جدا يا مدام فلورا من غير لف ودوران موضوع يخص ابني مازن وبنتك ميرال"
*بدون اي مقدمات تكلمت السيدة ابتسام...نظرت لها فلورا بدقة منتهية وانتبهت إليها حتى واصلت السيدة ابتسام حديثها بجدية:
"في الحقيقه انا اتفجئت أن ملك السلحدار بنت اختك الله يرحمها...بصراحة كده انا ست مش بحب الكدب انا مش موافقه على ملك انها تكون مرات ابني وتحججت لمازن بموضوع رقص الباليه ده
بس الموضوع مش كده بالمرة"
"تقصدي ايه ابتسام هانم مالها بنت اختي...ملك بنت متربية وبنت عايله كبيرة و...."
*هدرت فلورا بعصبية ولكن ابتسام استوقفتها بخجل:
"لا لا أعوذ بالله انا مش قصدي اي حاجه...انا كل إلا اقصده اني عضوه في نادي****وسمعت كلام كتير في النادي من أصدقاء مقربين ليلة السلحدار أن في علاقة حب قوية جدا بين ملك وبين شاب قريبها"
YOU ARE READING
مـــــــلك روحـــــــــي
Romanceالجزء الثاني ضمن سلسلة 🔗ويثــــملهم العشــــق🔗 وحبها كترنيمة عشـــق تعزف علي أوتار قلبي، تسرقه مني والروح تسلبها، وتجعل مني مجذوب بجنون حبها، وعشقها الأبدي.
