سولفلي على روحك يابعد هالروح

بارت 43

رزان : ضحكت فعلا انتي وحده ماعدها عقل واسمحيلي اكولج انتي بلا كرامة ولزكة همات ..

فرح : ابتسمت وحجيت حبيبتي احجي الي تردي ماراح اللومج لانو الي حيصير  راح يصدمج  وها نسيت اكلج شغلة فكري ليش ام مهيوب وافقت على زواجج خليها ببالج  اني اعرف بس ماراح اكولج حته لتخربين كلشي وهسه اترخص ماراح اكلج مبروك لانو متستاهلين ..

رزان : مشت مني  واجت خالة نهرين بس ببالي كله بكلامها هاي شدتخربط وفعلا حجيها صدك شلون عمه هدية وافقت بهالسهولة اكيد صاير شي  بس شنو يصير لالا مستحيل هاي تريد تخرب فرحتي  .

نهرين : رزان خالة مو داحجي وياج ليش ماتردين .

رزان :  العفو خالة شردت شوي ..

نهرين : ليش تغير لونج امي هسه جنتي فرحانة شنو حجتلج فرح ..

رزان : باوعتلها وحجيت ما حجت شي باركتلي وراحت ..

نهرين : تمام حبيبتي ابتسمي وافرحي دشوفي اسراء شلون كلبت العرس گلب وانتي معبسة ..

باوعت عالكوشة الي يمي جانت اسراء  كاعدة وتضضحك وي عمر وتسوي حركات ابتسمت ودعيت الله يديم فرحتهم فعلا كلشي قسمة وكلمن ياخذ قسمتة شكد شهد حبته وهوا حببها بس القسمة اقوا من كلشي .

شهد : طبعا اليوم تكسرت كل النهار واكفة من صالون ع البيت ع القاعة بس جانت  فرحة حلوة تونست كلش رغم ضوجتي انو راح افارك اختي   طلعنة من القاعة وصلنة العرسان للفندق نزلت ضميت رزان وبجيت وودعتها ورجعت للبيت دخلت لغرفتنه واجت عيني على جرباية رزان  احسس گلبي وياها  تقربت من جربايتها ونمت عليها اشم ريحتها وابجي
اصعب شعور لمن ترجعين من عرس اختج وخاصة المقربة حييل  نمت بملابسي  من التعب ..

رزان :  طلعنة للفندق دخلنة وخالة فااطمة هي جابت العشا وراحت  تعبني الفستان كلش صحت مهيوب فتحلي السحاب وفتت اخذت دوش طلعت شفت مهيوب جاي يحظر بالاكل  ابتسمت وحجيت عاشت ايدك ..

مهيوب : شفتها طلعت من الحمام ضحكت وانتي عايشة حبيبتي يلا تعاي ناكل  

اجت كعدت يمي وصرت اوكلها .

رزان: ههههه كافي  شبعت والله ..

مهيوب : اكلي حبيبتي وجهج اصفر  لازم تعوضين
هالفترة كلها مماكلة اعرفج ..

رزان :  اي صح  بس ممبين دتبالغ تقرب يم وجهي لدرجة انفاسنة انخبطت وگلبي دكته صارت الف  وحجه اكيد ابالغ كم حبيبه عندي ..

(  اكيد ماراح اكمل معلينة  نرجع لموضوعنا )

فتحت عيني وباوعت ع الساعة 9 ونص شفت مهيوب ماكو لفتت انتباهي ورقة ويمها وردة ابتسمت وسحبتها   مكتوب صباح الخير يالورد خليتلج هدية  ع الطاولة شوفيها  احبج ..

كمت تمشيت للطاولة وكلبي يمشي كبلي شفت بوكس هدية فتحتة طلع كلادة اسم مهيوب بالإنكليزي  شفتها بالنيشان وكلش عجبتني بس عمه هدية ماقبلت وكالت هاي خفيفة وما تملي العين تردين العالم  تكول عليه بخيلة  وسحبتها من ايدي كلش انقهرت بوكتها  وقررت بس ارجع للبيت اخذ فلوس واشتريها  بس بسبب الضغوطات راحت عن بالي بس غريب مهيوب شلون عرف هي نفسها جايبها اخذتها كدام المراية وخليتها على  ركبتي كلش حلوة ونازكة  انفتح الباب ودخل مهيوب 

اباوعله بالمراية واني ابتسم ..

مهيوب : صباح  العافية يعافيتي ...

رزان : صباح النور حبيبي تقرب مني وحضني من ورا وحجه عجبتج  واشر ع الكلادة بعينه .

التفت عليه وحجيت مهييوب شلون عرفت منووو كلك اني حبيتها تدري جنت مقررة ارجع اخذها بس راح عن بالي ..

مهيوب : ماكو شي حبيبتي تتمناه ينضم عليه.

باوعت بعيونه وحجيت بس شلون ..

مهيوب : الي اشتريتو منه الذهب صاحبي حيل  لمن حاسبته حجالي كلي العروسة حبت هالكلادة وحته حجزتها بس الحجية رفضت ف اخذتها الج وكلشي تردي تاخذي طول ما اني وياج ..

رزان :  الله مايحرمني منك حبيبي..

مهيوب : كرصت خدودها وحجيت ولا يحرمني منج

خلت الطوق بايدي وحجت لبسني  اخذته ولبستها 

باوعت عليه كلش حلو بست راسها وحجيت يلا تحظري حته نتريك ونرجع للبيت الأهل ينتظرون .

رزان : رحت اخذت دوش ولبست فستان وخليت مكياج خفيف وكعدنا نتريك بعدها رحت لميت كل الغراض وتلفوني  فتحته شفت شهد متصلة بيه خابرتها ماردت يمكن عدها امتحان اليوم خليت التلفون بالجنطة ورحت يم مهيوب  كاعد رفع راسه شافني وحجه هاا كملتي  رديت يي كملت يلا نطلع اخذ بايدي وشال الجنطة  وطلعنة  بالسيارة تلفونة كل شوي يرن ميجاوب  عقدت حاجبي وحجيت ماترد اشبيك ..

كال مو مهم حبيبتي خليني فرحان بيج شغل اغنية
كلش يحبها ل ثامر حسني   ( يانور عيني )  ولزم واخذ ايدي باسها  نسيت كلشي واندمجت وياه ضلينة نحجي ونضحك وذكرنا سالفة الثور وسألته وين صارر كال امي باعته من زمان  ضحكت .

ورجع رن التلفون باوعتله شفت مكتوب فرح  اخذة وسسواه صامت 

رجعت  راسي عالكشن وباوعت للطريق وببالي الف حسبة ،،