عشقت مجنونة (الجزء الأخير )

الحلقة الثلاثون ♥️

الحلقة الثلاثون ....♥️

متنساش النجمة يا قمر بمجرد ما البارت يوصل ( ٧٠٠٠) نجمة هنزل اللي بعده علطول بإذن الله (⁦(☆⁩ اضغط علي النجمة أو الvote أو التصويت قبل ما تقرأ ...

بمجرد أن دخل إيهاب وقدر الي تلك الشقة التي أعطته الجدة مفتاحها بالأعلي ...

حتي نظر لها إيهاب بغضب كبير وتقريباً تحوّل وجهه الي الغضب ...

قدر بإستغراب وهي تنظر في الشقة ...
_ اي كل دا ...!؟ انت جدك كان سارق فلوس الفلاحين ولا اي كل دي شقة دي ملعب كورة ...؟؟

أمسك الشيطان يدها بغضب ...
_ بصي يا زف'تة انتي ، أنا بحذرك للمرة الأخيرة إياكي تتصرفي تصرفاتك الهبلة دي تاني قدام اي حد من البيت وخصوصاً ولاد عمي وجدتي ...

قدر بغضب وهي تنظر له ...
_ يا عم اقعد بقي دا انتو عيلة مملة ، وبعدين ستك دي فكرتني بالكبيرة اللي كانت في فيلم "كتكوت" .. دي نسوان البيت مرعوبين منها مطلعوش حتي ياكلو معانا واضح أن ستك حما قادرة مفترية ...

_ متتكلمممميش عن ستي بالطرييقة دي ...
قالها الشيطان بغضب وصوت عالي ...

ليبدأ الصفير في أذني قدر من تلك السماعة الغبية ...

صرخت قدر من هذا الصوت وخلعت السماعة لتردف بغضب ...
_ حتي السماعة اللي انت جايبهالي رخيصة مش مستحملة صوتك الجعر دا ... أنا عايزة افهم انت شاري السماعات دي من أنهي مركز ...؟ مصيبة لتكون شاريهالي من الناس اللي بتقف تقولك السماعة الأصلية ب ١٥ جنية ...!

الشيطان بقلق فهو لا يريد لأحد أن يعلم أن قدر لا تسمع جيداً ولهذا في الطريق الي المدينة أخذها ليقيس سمعها وفي الحال اشتري لها سماعات اذن بإستعجال دون أن يدري هل هي أصلية ام لا ...

_ في أي ...؟

_ السماعة اللي انت جايبهالي دي  بتصفر في ودني من اقل صوت ... أنا مبحبش النوع الرخيص دا أصلاً ، فينك يا بابا السماعات اللي كانت في ودني كانت مستوردة من انجلترا مش زيك جايبلي سماعة من الموقف ...

نظر لها الشيطان بغضب ليردف بسرعة ....
_ طب حاولي تلبسيها اليومين دول علي ما ابعت تيّم يجبلك واحدة تانية ...

قدر بسخرية وغضب ...
_ لا لا متقولش اكيد هتهرب جواها مخدرات صح ...!؟

الشيطان بخبث وابتسامة ساخرة ...
_والله فكرة مش بطالة برضة يمكن المخدرات تدخل في ودنك تجيب أجلك وارتاح منك ...

قدر بغضب ...
_ تصدق معاك حق ، وبالمرة ابقي هات لجدتك نضارة بالحشيش يمكن تبطل تركز معايا شوية ...

_ قدددددررر ، لمي نفففسك ....
قالها الشيطان بوجهة غاضب ...

_ نينينينينني ... جتك القر'ف عليك وعلي ستك ...