عشقت مجنونة (الجزء الأخير )

الحلقة الثلاثون ♥️

قالتها وهربت من أمامه مسرعة الي اول غرفة وأغلقت الباب علي نفسها بغضب لتبدل ملابسها فهي تعلم بالتأكيد أنهم تركوا ملابس نسائية في الدولاب ...

فتحت الدولاب لتشهق بصدمة وهي تري أمامها جلاليب صعيدية فقط لا بيجامات ، لا اي شئ آخر ...

قدر بغضب ...
_ الله يمسيكي بالخير يا حجة روان ياما ، لما اتخطفتي كنتي بتفتحي الدولاب تلاقي قمصان نوم وهدوم خروج  وبيجامات وكل ما تشتهي الأنفس ، أنا هنا بلاقي كل ما يسد الأنفس ، دا حتي الجلاليب عليها دقيق ... هي دي هدوم الخبيز ولا هما قالبين الشقة فرن عيش ...؟! حقيقي يا شيطان انت القرية بتاعتك مش من الصعيد لا ... انت القرية بتاعة جدك دي بعيدة عن الصعيد والقري والأرياف كلها وعن الكون بشكل عام دا القرية كلها اصلا اراضي جدك مفيش غير بيت جدك في الأراضي كلها ...

_ خلللصي يا زززززفتة ، سااامعك ...
قالها الشيطان بغضب من الخارج ...

لتردف قدر بخضة ...
_ اي دا ...؟! انت سامعني ...؟! لا دا انا بقول أن جدك بسم الله ما شاء الله مكنش بيحضر حفلات ام كلثوم اكيد عشان كدا ربنا كرمه بالأراضي دي كلها ....

الشيطان وهو يدخل الغرفة عليها بغرور وضحك ...
_ علفكرة القرية اتسمت بإسم جدي مش عشان الأراضي بس ... دا عشان المصانع اللي جدي بيديرها ، مصانع جدي من المنتجين والمصدرين الأوائل للسمنة البلدي والجبن والقمح والخضار والسكر من بنجر السكر الأبيض ...

_ اي دا ؟ يعني جدك واخد تموين البلد كلها ...

_ اخرسي يا بت إنتي والبسي اي جلبية من الجلاليب اللي عندك دي عشان أنتي قدامهم مراتي ومينفعش تقعدي بشعرك ولا ببنطلون محزق وملزق زي الزفت اللي انتي لابساه دا ... مش عارف انا ابوكي سايبك كدا ازاي ...؟

نظرت له قدر بغضب كبير .... ثواني واردفت بتفكير خبيث ...
_ طب إنزل انت تحت وانا هجيلك بعد ما اغير ...

_ وانزل تحت لي ...؟! دي شقتي ...

_ عشان تقعد مع جدتك شوية وتسلم علي ولاد عمك وكدا يعني ...
قالتها وإبتسمت بخبث وهي تنوي شيئاً ما ...

نظر الشيطان لها بشك وريبة ولكن ثواني وأردف دون اهتمام ...
_ ماشي ... لما تخلصي ابقي انزلي عشان اعرف العيلة عليكي ...

_ حاضر عيوني ... يا سلام ... أنا انول الشرف لما اتعرف علي عيلة الفخايدة بتاعتكم دي ...

_ متتريقيش علي الصعايدة احسنلك يا قدر ... لأني صعيدي ومش ضامن رد فعلي ممكن اقتلك ازاي ... 

قالها بغضب وتهديد وخرج من الغرفة والشقة الواسعة تاركاً قدر بها بمفردها ...

ابتسمت قدر بخبث وهي تنوي شيئاً ما .. انت من بدأت ه‍ذة الحرب يا شيطان ...

اول شئ فعلته قدر هو أنها بدأت تري كل ركن من أركان الشقة الجميلة التابعة لحفيد الدسوقي باشا كما تقول الجدة ... كانت الشقة بها حوالي ٥ غرف واسعة للغاية فقد كان المنزل بالكامل مبني علي شكل قصر كبير ولكن كل جناح به مغلق علي شكل شقة لحفيد من احفاد الدسوقي باشا ... كذلك كانت شقة الشيطان .. كانت بالجزء المطل علي الأراضي الواسعة والحقول التي لا تري بعيونك نهايتها من جمالها .. ظلت قدر منبهرة وهي تري في كل غرفة بلكونة أو تراس مطل علي الأراضي حتي التراس الكبير أو البلكونة الكبيرة أيضاً إطلالتها علي الأراضي الزراعية بجمال وفخامة لم ولن تراها الا في بيوت الفلاحين فعلاً ...