ဆေးရုံတစ်ခု၏VIP room တွင် ကုတင်ထက်လဲလှောင်းနေသော လူနာတစ်ဦးရှိသလို လူနာ၏ဘေးတွင်ထိုင်ကာ ပုဝါဖြူကိုရေစိမ်ကာညှစ်ပြီး လူနာ၏လက်ချောင်းလေးတွေကိုပွတ်သုတ်ပေးနေရင်း မျက်ရည်တွေကျနေတဲ့အမျိုးသားငယ်တစ်ဦး ။ သူ့ကိုကြည့်ရသည်မှာ အလွန်ကိုပူဆွေးဝမ်းနည်းနေဟန်ဖြစ်ပြီး အိပ်ရေးပျက်ညတွေများနေတာကြောင့် မျက်ကွင်းတွေညိုကာ နဂိုထက်ပိုပိန်လာပြီး အလွန်ကိုအားပျက်နေဟန်ပုံပေါ်သည် ။
ပိုး မောင့်ကိုရေဝတ်တိုက်ပေးနေရင်း အရင်အချိန်တွေကိုလွမ်းမိသည် ။ အရင်ကဘေးကနေတီတီတာတာပြောတတ်တဲ့မောင့်စကားတွေကိုနားယောင်ကာ မျက်ရည်ကကျလာပြန်သည် ။ ဒီနေ့နဲ့ဆို မောင်သတိမရတာ၉ရက်ရှိပြီဖြစ်သည် ။
ဒီ၉ရက်အတွင်းမှာ ရေချိုးချိန်ပဲအိမ်ပြန်ပြီး စားသောက်ပြီးသည်နှင့် ဆေးရုံမှာသာအချိန်ကုန်စေကာ မောင်သတိရလာမည့်အချိန်ကိုစောင့်နေမိသည် ။ မောင့်မေမေတို့ကအနားယူဖို့ပြောပေမယ့်လဲ ပိုးကနားမထောင်တာကြောင့် နောက်ဆုံးမှာလက်လျှော့သွားကြသည် ။
မောင့်ရဲ့လက်ဖဝါးပြင်ကျယ်ကို ပိုး၏လက်သေးသေးလေးနှစ်ဖက်နှင့်အုပ်ကိုင်ကာ စကားတွေပြောနေမိသည် ။
" မောင်လူဆိုးကောင် ငယ့်ကိုအကြာကြီးပစ်ထားတယ် အရင်လိုဘေးကနေတီတီတာတာလေးတွေလာပြောပါဦး "
ပြောနေရင်းပိုးမထိန်းနိုင်စွာမောင့်ဘေးကနေရာလွတ်မှာခေါင်းမှောက်ပြီး ငိုချပစ်လိုက်သည် ။
" မောင်ပြောတော့ငယ်ကမောင့်အပိုင်ဆို ငယ့်ခွင့်ပြုချက်မရှိပဲခုလိုအကြာကြီးအိပ်ပျော်နေရင် မောင့်ကိုတကယ်စိတ်ဆိုးမိတော့မယ် "
" သတိရလာပါတော့မောင်ရယ် ငယ့်ကိုတကယ်ချစ်ရင်မောင်မြန်မြန်သတိရလာပါတော့... ဟင့် "
.
.
.
နီယံနဲ့အာကာအပြင်ဘက်ကနေပိုးကိုကြည့်ကာစိတ်မကောင်းပေ ။ သူငယ်ချင်းဖြစ်သူခံစားနေရတာကိုကြည့်ပြီး နီယံပါမျက်ရည်ကျမိသည် ။
" ငိုမနေနဲ့လေခင်ဗျားရာ "
အာကာ နီယံ့ပါးပြင်ပေါ်ကမျက်ရည်တွေကိုသုတ်ပေးကာ ရင်ခွင်ထဲထည့်ကာဖက်ထားလိုက်ပြီး ကျောပြင်ကိုပွတ်သပ်ကာ ချော့မြူလိုက်သည် ။
YOU ARE READING
{Edit}မြတ်နိုးခြင်းများအားဆောင်ကျဥ်းခဲ့ပါသော သူ၏... ( COMPLETED )
Romanceခပ်ဆိုးဆိုးကျောင်းသားလေးနဲ့ Sissy type ဂိုက်လေးတို့ရဲ့ချစ်စရာရိုမန့်လေးကိုမှ နူးနူးညံ့ညံ့လေးပါ ။ Cover ကို Pinterestမှယူသုံးထားခြင်းဖြစ်သောကြောင့် Pinterest ကို Crdပေးပါသည် ။ ခပ္ဆိုးဆိုးေက်ာင္းသားေလးနဲ႕ Sissy type ဂိုက္ေလးတို႔ရဲ႕ခ်စ္စရာရိုမန့္ေလးကိ...
