Loving My Brother #1: Thrale's Stupidity

Chapter 84:

Maya-maya lang, biglang tumunog ang aking selpon. Nang tingnan ko, bumungad sa akin ang mensahe galing kay dad. Sinasabing malapit na siya makauwi kaya muli kong tinanong si Anissa kung malapit na matapos, sumagot naman ito ng oo. Hindi katagalan, lumabas na ako ng bahay. Sinalubong ko si dad. Agad akong pumunta sa taxi at kuhanin ang mga gamit nito.

“Hey, dad, I miss you.”

Nagtapikan kami ng balikat. Nang makuha na namin ang kaniyang mga dala. Pumasok na kaming dalawa sa loob. Si Anissa ang bumungad sa amin kaya tumulong ‘to sa aming bitbit.

“Namiss ko ang bahay na ‘to.” Nagpamulsa si dad. Nilibot niya ang kaniyang paningin sa buong bahay. Huminga siya nang malalim at ngumiti. Ramdam kong namiss niya nga ito. Tumingin siya sa hagdan. “Where’s Thrizel? Tuwing darating ako, sa hagdan ko siya laging nakikita. Nasaan ang batang iyon?” Umupo si dad sa sofa. Nagpapahinga.

“Lalabas din po, may ginagawa lang.” Ngiti ko sa aking tatay. Binigyan naman ni Anissa si dad ng juice, nagmano na rin siya.

“Gusto ko kayong kumustahin, sandali lang naman ako rito lalo na’t kailangan ako ng mommy niyo.”

Nagtanong ako. “Mahigit dalawang linggo na pong hindi tumatawag sa akin si mom. Bakit po?”

Natigilan si dad doon kaya nangunot ang aking noo. “Remember? Abala kaming dalawa. Hayaan niyo, tatawag naman ang mommy niyo. Hindi kayo matitiis n’on.” Daddy is right. Hindi kami matitiis ni mom na hindi kausapin. “By the way, Thrale. Hindi naman ako magagalit, I just want to ask. Ano ‘yong nalaman kong hinahanap mo si Arella?”

Nagkatinginan kami ni Anissa dahil doon. Hindi agad ako nakasagot, nag-iisip kung anong ipapalusot. “Ah, yes, dad pero agad ko naman pong tinigil.”

“That’s good. Arella is dead, wala kang mahahanap, anak. Why don’t you just focus on Thrizel, right?”

“Yes, dad, ginagawa ko naman po.”

Napatingin ako sa aking gilid dahil bigla kong nakita si Arella. Hindi ko namalayan na nandidito na siya sa aking tabi. Humarap ito sa akin, ganoon nalang ako mamangha dahil magkamukha talaga sila ni Thrizel. Natulala ako ng isang sandali roon, gumising din sa reyalidad.

“Hi, dad, I miss you.”

Lumapit si Arella kay dad. Yinakap niya ito, gumanti naman ang aking tatay. Humarap ako kay Anissa, ngumiti siya. Sinunod niya siguro ang sinabi ko kanina na sabihin kay Arella kung paano yumakap si Thrizel kay dad.

“God, baby, I miss you." Dad kissed Thrizel on her forehead. “Kumusta ka naman? Naalagaan ka ba maayos ng kuya mo? Hindi ka na ba niya kinikiss sa pisngi? Wala ka bang irereklamo sa akin about sa kaniya?” Natawa si dad doon kaya sumabay nalang kami ni Anissa.

“Nothing, dad. Maayos naman po si kuya. Alagang-alaga niya po ako.” Nakangiti ito ng matamis. “See? Mas lalo nga pong gumanda ang aking katawan e.”

“Oh, that’s good, baby girl.” Humarap sa akin ang aking tatay. “Nakapagluto ka na ba, Thrale? Let’s eat.”

“Yes, dad. Tara na po.”

Pumunta naman na kaming kusina. Nakahain naman na lahat kaya umupo nalang kami. Sabay-sabay kaming kumain. Katahimikan ang nanaig pero nabasag iyon nang magsalita ang aking tatay.

“Anissa, hija, kumusta ka naman? I’m sorry we weren’t there when your mother passed away. We didn’t help you.”

Nilunok ni Anissa ang kaniyang nginunguya. Uminom siya ng tubig at nagpunas ng bibig. “It’s okay, tito. Ayos naman po ako ngayon. Naghihilom na about sa pagkawala ni mom.”