FLS #5: Felixir Gatcheco

Chapter 08

Chapter 08: Sundae

▰▰▰▰▰▰▰▰

/felixir/

Graduation namin.

"Congratulations!" nakangiting bati ni Luis sabay kuha ng bottled water mula sa ice chest na kanyang bitbit. "Mag-aral kang mabuti sa senior high ah."

Ngumiti nang tipid ang babaeng nakasuot ng puting toga saka nag-abot ng bente pesos. Sinuklian naman siya ni Luis ng limang tigpipiso at muling nagpasalamat. Inalis ko ang tingin sa estudyanteng bumili ng tubig ni Luis at inilipat sa mga nakapila sa gilid ng gym, naghihintay ng oras nila para magmartsa papunta sa stage.

Graduation namin pero ibang graduation ceremony ang pinuntahan ko.

I sighed then scratched my head and then sighed again. Gusto ko ring magmartsa.

I was about to sigh for the third time when a hand landed on my right arm. I flinched and then glanced irritatedly at Luis.

"Ngumiti ka nga! Graduation ng mga bata tapos ikaw, mukhang nagluluksa." Kumagat siya sa lumpiang togeng pina-plastic ni Lola para sa kanya nang sunduin niya ako sa bahay.

"Puyat lang ako," pagdadahilan ko.

Last night, Kevin and Travis called to congratulate me. I was actually waiting for one of my family members to greet me too but no one bothered.

"Inaantok ka pa pala, bakit sumama ka pa sa akin?"

Humikab ako saka muling lumingon kay Luis. It's a good thing na kahit papaano ay matino na siyang kausap hindi katulad nang una kaming magkita.

"Sabi mo sasamahan mo akong gumala kapag naubos mo ʼyang paninda mo."

Any day from now, isa-isa nang magsisipag-uwi ang mga representative ng mga kapatid ni Daddy. I doubt I can live as freely as I can now once they arrive. They'll probably drag everyone in this so-called competition of them.

Bakit ba kasi sila mag-aaway away sa mana? Buhay pa naman sina Lolo at Lola.

"Saan mo ba gustong pumunta?" kunwari ay napipilitang tanong ni Luis habang binibilang ang mga bottled water sa ice chest.

Last Sunday, after confirming from Lolo that I won the favor of my wish being granted, inaya ko si Luis na samahan ako sa mall para makabili ng damit. I have to admit, Luis' taste is really hardcore. Pinapili ko siya ng para sa kanya at ang dinampot niya ay black shirt na may green print ng kamay na naka-middle finger.

Dumaan din naman ako sa rebellious phase pero hindi ko pinakita sa damit ko.

"Ano pa bang magandang pasyalan dito?"

"Simbahan?" patanong na aniya na tila hindi pa sigurado. "Kilala ang Sariaga sa malalaking simbahan na nakatayo rito. Baka gusto mong isa-isahin."

"Ngayon habang ganyan ang suot mo?" Tinuro ko ang damit niyang pinili noong Linggo. "Nasa school ka pa tapos ganyan ang suot mo. Ikaw pa ang may ganang magsabi sa bata na mag-aral nang mabuti."

His forehead twitched. Dahan-dahan niyang tiningnan ang suot na damit at panadaliang naestatwa sa kinatatayuan niya. Pinuproseso pa yata niya sa kanyang utak ang katangahang nagawa.