FLS #5: Felixir Gatcheco

Chapter 07

I chewed the last bite of the bread and smiled at her. Hindi na ako nagsalita kahit alam ko kung saan nanggagaling si dad. In a family full of the brightest stars, mediocrity is a sin.

"So much for that. Anyway, pagkatapos mo diyan, naghihintay sa'yo sa baba si Luisa. Sasamahan ka niya sa plantasyon para ma-meet mo ang lolo mo."

"Ikaw po? Saan ka po pupunta?" I asked. She was dressed nicely. Akala ko ako ang sasamahan niya.

"I have to meet my amigas. Later ipapakilala kita sa kanila."

"Noted, La."

"Magpakabusog ka diyan. Kung gusto mo pa, bumaba ka na lang para hindi mahirapan si Luisa. Siya lang ang tao ngayon rito, lahat sila ay nasa plantasyon."

Tumalikod na si lola at ako naman ay isinara ang pintuan pagkaalis niya. Maganda sigurong maglibang para hindi ko maisip na Linggo ngayon at sa Wednesday na ang graduation namin. Pagkatapos, sa Saturday ay birthday ko.

Hurray-

▰▰▰▰ღ▰▰▰▰

"This doesn't look like a plantation at all. Parang beach resort lang," I complimented as I looked around. Kararating lang namin.

Matapos kong mag-ayos ay inaya ko nang umalis si Luisa. May nakahanda na rin namang sasakyan na maghahatid sa amin kaya mabilis lang kaming nakarating. Nasa Barrio Celeste ang bahay nila lola at sa Sitio Dominador nakatayo ang plantasyon nila na may limang kanto ang layo sa isa't-isa.

Hassle nga na hindi na lang sa mismong bahay nila ipinatayo ang plantasyon pero ang sagot ni Luisa ay dahil nga sa pag-aari na lupain ng mga magulang ni lola malapit sa may dagat. Kaya ito namang si lolo ay binili ang ilan pang kalapit na lupa para mapagtayuan ng plantasyon na medyo private resort.

"Villa Gatcheco is the largest supplier of coconuts in Asia. Maraming executives ang dumadalaw rito kaya isa sa mga priority ni senyor Alejandro ang hitsura ng plantasyon," sagot ni Luisa habang hinahawi ang buhok na nililipad ng hangin.

Nakabob-cut style ang buhok niya na lalong nagbigay ng masungit na aura sa kanya. Tapos may kahabaan ang buhok ng kakambal na parang siga sa kanto. Mukhang legit naman pareho.

"Halata," tatango-tangong sagot ko. Pagpasok pa lang kasi namin sa gate ay bungad na ang mga naka-park na motorbike. Luisa suggested that we ride one but I declined. I wanted to walk. "Lola said, you'll work for Villa Gatcheco after you graduate. You must know a lot about-"

"Kung gusto niyo po akong kumampi sa inyo sa darating na labanan para sa posisyon ng presidente, ipapaalala ko lang po na grade eleven pa lang ako."

Napakamot ako ng ulo sa tinuran niya. Did I come off as someone who'd fight for the inheritance?

"Relax, gaya ni daddy ay wala akong balak makipag-agawan sa mana." I just don't know if Kuya Val thinks the same. After all, kayang-kaya niya.

Isang tipid na ngiti lamang ang isinukli niya sa akin saka muling nagsalita. "Bilisan na po natin, kanina pa nag-uumpisa ang hinandang event ni senyor."

"Event? Walang nabanggit sa akin si Lola."

"Napakadaya mo! Lagi ka na ngang kasama ni senyor Alejandro tapos gusto mo pang sumali rito."

Hindi na nakasagot si Luisa sa aking tanong nang maagaw ng malakas na singhal ang atensyon ko. Nilingon ko ang pinanggalingan ng boses at nakita ang apat na lalaking basang-basa. Kakaahon lang yata sa tubig.

Una kong napansin ang pamilyar na disco ball highlights na buhok ni Luis at ang itim na timbang kanyang bitbit. Sa katunayan, pare-pareho silang may bitbit. Pansin ko rin na maraming kabataan na kaedaran ko lang o mas bata pa ang nasa pampang.