အချပ်ပို အပိုင်း ၁၄
Eric တစ်ယောက် ကိုRicky ၏ ရင်ခွင်ထဲတွင် တစ်မိနစ် ကြာအောင်တောင် မနေလိုက်ရရှာပါပေ ။
ရုတ်တရက် ရင်းနှီးနေသော အသံက သူတို့နှစ်ယောက်ကြားထဲက လေထုကို မသက်မသာ ဖြစ်သွားစေလေသည် ။
" မင်း... မင်း Eric ကို လွှတ်လိုက်စမ်း... "
ဤအသံကြီးက ဦးဇဏ်၏ အသံပင်ဖြစ်သည် ။
ဦးဇဏ်အသံကို ခွေးဆွဲသွားလျှင်တောင် သူ အလွတ်မှတ်မိနေသည် ။
ဦးဇဏ်အသံက အရင်ကလိုပင် အမိန့်ပေးသံဆန်ဆန် ဖြစ်နေဆဲပင် ။
" ခင်ဗျားက ဘယ်သူလဲ ... ဘာကိစ္စ ကျွန်တော့်ကို အမိန့်လာပေးနေရတာလဲ... "
ကိုRicky က သူ့ကို ရင်ခွင်ထဲ ပွေ့ထားရင်းက ဦးဇဏ်ဘက်ကို လှည့်ကာ မကျေမနပ် မေးလိုက်သည် ။
ဦးဇဏ်က သူနှင့် ကိုRicky ကို မည်းမှောင်နေသော မျက်ဝန်းများနှင့် စိုက်ကြည့်ပြီး ဆိုလာလေသည် ။
" ငါက Eric ရဲ့ အုပ်ထိန်းသူပဲ... "
" ဘာကို အုပ်ထိန်းသူလဲ... Ericရဲ့ ပျောက်သွားတဲ့ ဘကြီးတွေ ဘာတွေ ပြန်ပေါ်လာတာလား... "
Ricky က ဇဏ်မင်းမောင်ဘက်ကို လှည့်ပြီး မထီတရီ မေးလိုက်သည် ။
Eric ကတော့ Ricky ၏ ရင်ခွင်ထဲမှ ရုန်းပြီး မတ်တပ်ရပ်လိုက်သည် ။
" ကိုကြီး Ricky... ကျွန်တော့်မှာ ဘာအုပ်ထိန်းသူမှ မရှိဘူး... "
ဦးဇဏ်က သူ့ကို စူးရဲစွာ ကြည့်လာပြီး ရေစပ်နားသို့ ရောက်လာလေသည် ။
" မင်းအဖေကို ငါ ကတိပေးထားတယ်လေ... ဘယ်လိုအခြေအနေပဲ ဖြစ်ဖြစ် မင်းကို ဂရုစိုက်မယ်လို့... "
" မလိုပါဘူး ဦးဇဏ်... ကျေးဇူးတင်ပါတယ်... "
Eric ဦးဇဏ်ကို တည့်တည့်မကြည့်ဘဲ မျက်နှာလွှဲကာ အေးစက်စက်သာ ပြောလိုက်သည် ။
" လာ... ငါနဲ့ ပြန်လိုက်လာခဲ့... "
ဦးဇဏ်က ရေထဲဆင်းလာပြီး သူ့ကို လက်က လာကိုင်ကာ ဆွဲလေသည် ။
သူ ဦးဇဏ်၏ လက်ကို ချက်ချင်း ပြန်ရုန်းလိုက်သည် ။
" မလိုက်ဘူး... မလိုက်ဘူး... ကျွန်တော် ဒီမှာပဲ နေမှာ... "
" Eric... ပေါက်ကရတွေ လုပ်မနေနဲ့ကွာ... မင်းပျောက်သွားလို့ ငါ့မှာ ဘယ်လောက်တောင် လိုက်ရှာခဲ့ရလဲ.. မင်းသိရဲ့လား... "
YOU ARE READING
I accidentally became a Villain Prince (Completed)
Paranormalအလွန်အဆဲသန်ပြီး wattpad ဖတ်တိုင်း ဇာတ်ကောင်များကို အချိုးမပြေလျှင် မဟားတရား ဆဲတတ်သော ကောင်လေးတစ်ယောက် သူ ပိုးစိုးပက်စက် ဆဲခဲ့သည့် ဗီလိန်မြေခွေးကောင်အဖြစ် ထိုဝတ္ထုထဲသို့ ရောက်သွားသောအခါ... Total 59 Chapters + Extra 20 Chapters အလြန္အဆဲသန္ၿပီး wattpa...
