#أحبيني_بلا_عُقدِ((777))
#الحلقة_22والاخيرة
لايك قبل تقري 😘
.
.
.
تلفت لاقى دارين وارءه ....اعيونه لامعوا
دارين اتشوفله بحب : وين كنت ؟ خوفتني عليك 😥
نوح قرب منها هلبا : جيتك ومعادش بنخليك تاني
دارين شدت في تيشرته : كل مرة اتقول هكي وترجع تختفي
نوح : اخر مرة ...وربي ماعاد نبعد عنك لو بنموت
دارين نزلت وجهها وادموعها نزلوا : بعيد الشر عنك 😭
نوح شاف لداخل الشقة ...مافيش حد ايشوف فيه ...شد وجهها بين ايديه ..ونزل باسها على فمها بشوق 🔥
دارين ترجف ...وزادت شدت في حوايجه
نوح قام راسه ومد يده يمسح في دمعتها : استاحشتك غزالتي
دارين ابتسمت : حتى اني هلبا هلبا
نوح : تعالي داخل ...بعدين تعبري عن شوقك زي ماتبي 😉
دارين اخدودها حمر : خزي عليك ...صايع وربي
.
.
.
بعد الغداء ...نوح خدا مفتاح الشقة من دارين ...نزله اوس على شقته ...وعدا
خدا دووش دافي ...لابس وكلم منصف جاء للشقة
الباب ايدق ...ونوح فتح ...ومنصف طول خذاه بالاحضان
نوح : شن لاخبار ؟
منصف : تمام
نوح : مافيش جديد ؟
منصف : اكيد في
نوح : تفضل خش
منصف : لا خلينا نمشوا ...عندي ليك مفاجاءة حلوة
نوح : ااي خلينا نطلعوا املا
نوح ومنصف نزلوا على المستشفى ...خشوا للقسم الرجال ...منصف وقف على غرفة
نوح : منو ؟
منصف : خش شوف
نوح خش وكان عمي يونس راقد على سرير امدد بجسمه الضعيف والنحيل اللي يحكي قصص من معاناة الايام والسنين المحفورة في تجاعيد وجهه ..وايديه...شاف نوح ارتفع وقمعز ..وفتح ايديه ...ونوح كانه شاف بوه ...حضنه بقوة ...ودموعه نزلوا غصبا عنه
عمي يونس : كيف حالك ياولدي ؟
نوح وخر عنه ..ونزل ايبوس في يديه : سامحني بالله عليك ...سامحني يابوي
عمي يونس حط يده على شعر نوح : مسامح ياولدي ...ربي يخليك ويطول في عمرك
نوح مسح اعيونه : كيف حال صحتك ..شن داروا فيك ؟
يونس : الحمدالله ...مايبيش ايديروا فيا اكثر ماريت في عمري
نوح : وربي خديت حقك منهم وحق كل مظلوم ذاق الويل على ايديهم ..ومازال
