#أحبيني_بلا_عُقدِ((777))
#الحلقة_19
.
.
.
لايك قبل تقري 😘
.
.
.
هيبة طلع وياسمين وراءه : ماتتأخرش عليا
هيبة : لا مش معطل...بنمر على حوش اهلي ..وبعدين بنمشي للشقة انتمم عليها ونرجع
ياسمين : دامك ماشي للشقة ..في طروف غيار داخلي لنور نسيتهم على الحبل ...جيبهم معاك
هيبة : حاضر ...تبي شي تاني ؟
ياسمين : لا سلامتك ...بس العشية عندي مراجعة عند الدكتورة
هيبة : اي إن شالله
طلع هيبة من الفيلا وياسمين خشت هيا ونور ...خدا تاكسي ومشى للحي وين يسكنوا اهله ...خش سلم عليهم ...وطبعا لازم يسمع كلمتين من امه على ياسمين 🤦♀️
بعد هدرز معاهم ..طلع لاقى خوه في سيارته يبي يطلع ...قاله هيا امعايا انوصلك وين ماتبي ...رفع هيبة امعاه ونزله قريب من الحي على شقته
هيبة نزل وقبل يركب للشقة ...ناداه واحد : عبدالوهاب
هيبة تلفت عليه وكان صاحب الورشة اللي مرة قبل اشتغل معاه
رجع هيبة وسلم عليه : اهلين ..كيف حالك ياحاج؟
صاحب الورشة : الحمدالله بخير ..شن امور العيلة ؟
هيبة : تمام بخير ...كيف الزيارة هادي ..نورت الحي
صاحب الورشة : منور بوجودكم ....أنتوا جيراني واهلي وناسي ...والانسان مهما كبر ودار فلوس ...مرجوعه لاهله والاصله
هيبة : مرحبا بيك
صاحب الورشة : تسلم ...إن شالله امورك انحلت وحصلت خدمة ؟
هيبة : الحمدالله ..حصلت والامور ماشية
صاحب الورشة : ربي يرزقك ويوفقك ...بس بنسألك صاحبك اللي جابك بالسيارة ؟
هيبة التفت ورجع شاف لراجل : قصدك اللي نزلني توا ؟
صاحب الورشة : اي ...رد بالك منه ..مش كل حد اندريه صاحب راه
هيبة استغرب ومعاش قدر ايقوله هادا خوي : ليش انتا تعرفه ؟
صاحب الورشة : لا مانعرفاش ..بس حبيت ننصحك
هيبة : كيف ماتعرفاش ...واتقولي خود بالك منه ..مافهمتش
صاحب الورشة : والله مانبيش نتكلم ...بس لما شفتك معاه وتذكرت وجهه ...سخفني حالك ...وقلت لازم انبهك منه
هيبة : ليش اتقولي في الكلام هادا ...شن تعرف عليه ؟
صاحب الورشة : زي ماقتلك مانعرفاش ...بس تذكرت وجهه ومتاكد منه ...هوا نفس الشاب اللي جاني للورشة وقت كنت تبي تشتغل عندي ...وقالي على قصة السجن
هيبة : متاكد من كلامك ....مستحيل راهو 😰
صاحب الورشة : والله ياولدي ...هوا نفس الشاب ..ونفس سيارته ...متاكد منه
