#أحبيني_بلاعقُدِ((777))
#الحلقة_17
.
.
.
لايك قبل تقري😘
.
.
.
نزار بعد مشى نوح ..ركب للشقة وخش على نسمة مازالت راقدة .
قرب من السرير وجاء جنبها : نسمة ..حبيبي نوضي
نسمة اتقلب : هممم ...خليني نرقد اشويا بس
نزار يلعب على خصلة من شعرها : نوح كان اهني
نسمة وهيا راقدة : تكدب ؟!!
نزار : وربي مانكدب ..كنت معاه تحت توا
نسمة فتحت اعيونها : تحكي جديات ؟!!
نزار : جديات
نسمة قمعزت بسرعة : غريبة ..شن جابه نوح ...زعما ماما مريضة 😰
نزار : لا لا مافيش شي ..وامك بخير ...غير كان خاطم وكلمني يسألك عليك
نسمة تنهدت براحة : ايييه الحمدالله ....ياحليلي منه نوح..وهوا باله مشغول على الكل
نزار ساكت
نسمة : خيره ماركبش ؟
نزار : والله عييت واني نعزم عليه ...قال عند شغل هلبا
نسمة : تلقاه متحشم ...وأنتا صايع عرفت كيف اتخليني انوض ..وجبت سريب نوح
نزار ضحك : شن بندير ...ماتبيش اتنوضي
نسمة رجعت رقدت وتغطت : مش نايضة ..وبنولي نرقد 😒
نزار شد الغطى من عليها ...وقعد ينغز في جنابها وبطنها ...ونسمة تضحك وتتلوى 😂😂
نسمة : خلاص ...خلاص ..والله بنوض الله 😂
نزار وقف وصبا : هيا فيسع
نسمة اتشوفله من تحت لتحت واعيونها تلمع بضحكة ...شدت الغطى ورجعت رقدت ...ونزار هجم عليها 😂❤
.
.
نوح بعد نزل تنلي على الفيلا طلع معصب بالسيارة ...ومشى وقف في مكانه المعتاد مع منصف
نزل ومشى قمعز على خشم السيارة ...ولع سبسي وسارح
منصف وقف سيارته ...ونزل قرب من سيارة نوح : سلام
نوح ايدخن وماردش عليه
منصف جاء وقمعز جنبه ...وخذا منه السبسي : خيرك قالب خليقتك ؟
نوح : طلعت حامل بالحق الزفت 😤
منصف : تاكدت من الموضوع ؟
نوح : اكيد ...خذيتها لدكتور وتأكدت
منصف : والدكتور هادا شن وضعه ؟!!
نوح : لااا دكتور ثقة ومعرفة قديمة ...صديق الولد الله يرحمه ...وبعدين ماتعرفش اني كنت بناخذها لدكتور
منصف : اممم ....بس هادا شي كنا متوقعينه
نوح : ايه متوقعينه ..بس التوقع شي ...وامر الواقع شي ثاني
