#أحبيني_بلا_عُقدِ ((777))
#الحلقة_21
.
.
لايك قبل تقري 😘 بالله عليك عشان الحلقة توصل للبنات
.
.
فلاش باك 👇
.
.
نوح طلع من المستشفى ...ودارين وهنية خشوا للغرفة
هنية قربت من السرير واتشوف لبنتها وتبكي بحرقة
دارين فتحت فمها واعيونها طلعوا 😰
نسمة راقدة على سرير في العناية ...والاجهزة واصلة في كل مكان من جسمها 💔
دارين ترعش : نسمة حية 😰
هنية تمسح على شعر بنتها : فرقت الحياة ...قاعدة متمدة زي الخيط ماتندري على شي 😥
دارين قربت منها اتشوفلها ومش مصدقة ...وحتى الكلام هرب منها ...ماعرفت تفرح ولا تزعل عليها
شنو صار لليلة مقتل نسمة ...تعالوا نعرفوا 👇
.
.
.
نوح ومنصف واقفين عند الاسعاف ...والدكتور طلع قربوا منه
الدكتور : شنو صار معاها المريضة اللي توا ؟
نوح قام حاجبه : مريضة ؟!!
الدكتور : الباين انها تعرضت لمحاولة قتل ..انتا منو ؟
نوح شاف لمنصف ومش مصدق : قصدك نسمة مازالت حية ؟ !!
الدكتور : المريضة اسمها نسمة ؟
منصف : نعم دكتور
الدكتور : وانتوا شن اتكونوا لها ؟
منصف : هادا خوها واني صاحبه
الدكتور : خيرها البنت شن صاير معاها ؟
نوح قرب من الدكتور : اختي حية ..متاكد من كلامك ؟
الدكتور : أختك حية لعند توا ...بس للاسف حالتها حرجة وصعبة
نوح : خيرها بالضبط
الدكتور : الكشف الاولي يبين انها تعرضت لخبطة تحت الرأس فقدت وعيها ...وبعدين محاولة خنق ...المريضة دخلت في غيبوبة نتيجة انقطاع الاكسجين عن الدماغ
نوح حط ايديه في شعره واتكى على الحيط : ياربي ...يالله رحمتك
منصف حط يده على كتفه : ربي كريم ...ادعيلها بالشفاء
الدكتور : مضطر انبلغ الشرطة بالحادث
نوح شاف لمنصف بخوف ...ومنصف خدا الدكتور على جنب يحكي معاه
نوح اتصل بالدكتور عثمان ...وطلب ايشوفه ...ومشى تقابل معاه في مكتبه
طبعا الدكتور عثمان دكتور نساء ومش شوره العناية ...بس بحكم المعرفة بينه وبين الدكتور المناوب ...طلب منه ينتظر 24 ساعة لعند يستقر وضع نسمة ...والشرطة اكيد بيكون عندها العلم
.
.
.
نوح في السيارة ...ويحرق في الدخان ...ومنصف ايشوفله
منصف : شن بدير ؟
نوح : مانبيش حد يعرف أن نسمة مازلت عايشة
