#أحبيني_بلا_عقُدِ((السجين777))
#الحلقة_9
.
.
.
لايك قبل تقري 😘
.
.
.
هيبة راقد على السرير ...ويشوف للبلاتين في يده ...قاعد ايخمم كيف يبي يخدم بالوضع هادا ...كان ناقصني أني ...ليش الدنيا معطتني بظهرها ...والايام تضرب فيا يمين ويسار ...نطلع من كبوة ...انطيح بالتانية 💔
.
.
.
ياسمين فتحت الباب وخشت كان في شاب ثاني راقد معاه في نفس الغرفة بس مش واعي ..شافت لهيبة متوترة ...وهو ارتفع وقمعز ...مش مصدق اعيونه : ياسمين ؟!!
قربت منه : كيف حالك هيبة ؟
هيبة : تمام ...بخير ...نور بابا تعالي عندي
قامتها ياسمين وحطتها جنب بوها على السرير ...حضناته وتبوس فيه ...وهيبة غمرها بيد وحدة ...وأعيونه دمعوا 😥
نور اتشوف ليد هيبة : خيرها يدك 🥺
هيبة شاف لياسمين وهيا انحرجت وطبست 😔
أبتسم ويمسح على شعرها : هادي طحت عليها وانكسرت ...لاني ماسمعتش كلام ماما...وشاف لياسمين
ياسمين ابتسمت بحزن ...ومسحت الدمعة من اعيونها
نور : أعطوك يبرا 🥺
هيبة ضحك : لا لا مافيش
نور : خالو هشام جابنا أهني
هيبة شبح لياسمين مستغرب ؟!!
ياسمين : ااا هيا خلاص نور ...شفنا بابا خلينا نمشوا
هيبة شاف لشاب اللي جنبه لاقاه راقد ...شد يد ياسمين : خليك اشويا
ياسمين سحبت يدها : عطلت على هشام
هيبة : كيف جابكم أهني ؟!!
ياسمين : على أساس نور مريضة وبنعاينها ...اما مايعرفش أني جاية انشوفك .
هيبة : ياسمين انا ااا...
ياسمين : ماتقولش شي هيبة ...مانبيش نسمع أعذار ...وكأني جيتك اليوم فهادا على خاطر بنتك والعشرة اللي بينا بس 😒
هيبة : نعرف أنك بنت اصول وعمرك ماديري العيبة ...بس مش عارف شن صارلي ؟
ياسمين : اللي صار أنك صدقت أمك ونسيت كل شي 💔
هيبة : ياسمين بالله عليك تسامحيني ...وربي ماقصدي ..ساعة غضب ومانعرفش كيف قلت هكي
ياسمين : مانقدرش توا ...قلبي مليان منك ...وغصة خانقتني مش قادرة نبلعها 😥
هيبة شد يدها : ورحمة حسام ...وحياة نور الغالية ...نادم على كل كلمة قلتها في حقك ...وعلى كل دمعة نزلت من اعيونك
ياسمين بتسحب يدها لكن هيبة شادها بقوة ❤: نبي نمشي خلاص
نور : بابا هيا امعانا 🥺
هيبة بأسها على شعرها : مازال مريض يابابا ..اول مانطلع من اهني بنجي تاخذكم للشقتنا
ياسمين سحبت يدها وخذت نور من هيبة نزلتها : هيا نمشوا ..أكيد خالك ايدور علينا
