#أحبيني_بلا_عقُدِ((777))
#الحلقة_12
.
.
.
لايك قبل تقري 😘
.
.
.
دارين في حضن نوح ....واتمرر في اصابعها على صدره واتشوف لوجهه..ونوح ضامها زين ومغمض اعيونه
دارين : حبيبي
نوح : هممم
دارين مخنوقة : بالله عليك ...وعلى خاطري رد بالك من روحك مرة ثانية 🥺
نوح فتح اعيونه الناعسة وشافلها : ماتخافيش عليا
دارين اعيونها متليوا دموع : انخاف عليك غصبا عني ..مانقدرش انعيش من غيرك ...وربي انموت من بعدك 😭
نوح حط يده على وجهه : تؤ تؤ ...لااا بالله عليك ماتبكي ...وغلاوتي عندك تسكتي ...عشان خاطري
دارين خشت وجهها في كتفه وقعدت تبكي : متت من الخوف عليك ...مش امصدقة أني بين ايديك 😭
نوح مسح على وجهه ..وتنهد بعصبية ..مايحبش ايشوفها تبكي ...وضمها بقوة لحضنه ...يده في شعرها ...ويبوس في وجهها ويهدي فيها ❤
.
.
.
.
.
نوح على الفجر وبعد رقدت دارين انسحب من السرير بالشويا وطلع من الدار ...نزل من فوق وهوا يشوف للفيلا ..
وصل لدار اللي راقدة فيها أمه ..دق على الباب وخش ...البنات مرقدات ...وحتى هنية ...رفع البطانية وخش رقد جنب أمه
هنية حست عليه وناضت : بسم الله ...خيرك يأمي فيك شي ؟
نوح حط رأسه على حضنها وغمض اعيونه : نبي نرقد عندك ...استاحشت لحضنك
هنية ابتسمت وضماته زين : ياحليلي ياحبيبي ...حتى أني قريب هبلت عليك 😥
نوح : بعيد الشر عليك
مهما كبرت يبقى حضن الام أحن وادفى حضن ...ريحته اتحسسك بالامان مهما كنت خايف ...وتحسك أنك قوي مهما كنت ضعيف ...وأنك طفل مهما كان عمرك ...مافيش حضن يغنيك عن حضن أمك ...ربي يطول في أعمارهن ...ويرحم الموت منهن ❤
.
.
.
.
.
.
رغد راقدة ...وأتحس بشي يمشي على وجهها ...تحرك في رأسها ...وتعاود نفس الشي : اووووه شني هادا ؟ 😤
أوس متكي جنبها ويلعب بصبعه على وجهها ...يعصب فيها ..ولما تتحرك وتهزب يضحك عليها 😁
ناضت بعد خلاص حست الوضع مش طبيعي ...فتحت اعيونها ..ولما شافته يضحك ..تلفتت لجيهة الثانية : وووووه منك اوس ...نبي نرقد 😤
أوس جبدها من يدها لعند رقدت على ظهرها وجاء فوقها : نوضي هيا
رغد مغمضة عيونها : مانبيش ...نبي نرقد 😣
قعد يبوس فيها ويعض في خدها 😁👌👌
حطت ايديها على وجهها : اوووفه بلا سماطة اوس ..وربي تحول 😣
شد ايديها فوق رأسها : تي هيا نوضي راه والله اندير شي تندمي عليه بعدين
رغد فتحت اعيونها نعسانة : شن تبي مني 🥺
