#أحبيني_بلا_عقُدِ((777))
#الحلقة_14
.
.
.
لايك قبل تقري 😘
.
.
.
في وسط الزحمة ...فاتن انسحبت بالشويا .وركبت فوق ..فتحت باب دار اوس ورغد وخشت ...ولعت الضي ...و بدت اتفتش في الادراج ...خذت شي ...ومشت لجيهة وين ملابس أوس الداخلية رفعتهم وحطت شي تحتهم ورجعتهم مكانهم
قبل تتطلع من الدار ..خذت عطر أوس بخت منه على ملابسها وطلعت 🤷🏻♀️.
.
.
.
.
.
نزلت فاتن من فوق ...وتبي تتطلع خش أوس : ااوس 🤭
أوس شافلها وطبس لانها لبسة فستان سهرة : ااا اهلين
فاتن منحرجة وتبي تتطلع وأوس تخزرط ويبي يخش ...وقعدوا يتزاحموا على الباب
أوس وخر ومنزل اعيونه : أسف ماعليش ..ماكنتش نحساب في حد في الفيلا
فاتن حاطة ايديها على أكتافها وصدرها ع اساس اتغطي فيهم : لاءء عادي ..كنت في الحمام
.
.
.
رغد راكبة من دورج الفيلا ..وأتشوف فاتن واقفة على الباب وتهدرز مع حد ...بس ماتشوفش فيه منو 🤔
أوس وخر على الباب : تفضلي
وركب فوق ...وفاتن طلعت تلاقت مع رغد : 😏😏
رغد اتشوفلها ...وخشت لفيلا ...شافت اوس وهوا يركب من الدروج 🤦♀️😤
.
.
.
.
.
فاتن رجعت للحفلة ...ورغد ركبت فوق وخشت الدار
أوس يحول في جاكته وتلفت عليها : اهلين
رغد اتشوفله زين وصكرت الباب : من امتى جيت أنتا ؟
اوس : توا
رغد : وشن جابك توا ؟ 😒
أوس : خاشين على نص لليل ..نعسان نبي نرقد ورايا خدمة الصبح
رغد : مع من كان كنت تدوي ؟
اوس : خيرك أنتي شن صارلك ؟
رغد : من كان معاك اهني ؟
أوس : ما كان معايا حد ..توا كيف خشيت
رغد : تكدب عليا صاح ؟ 😒
أوس : لااااا أنتي مش طبيعية ..وأني مش فاضي ...بري انزلي مع البنات بنرقد 😤
رغد : إن شالله مايكونش اللي في بالي صاح ..بعدين نعرف احسابي معاك 😤
وطلعت وخبطت الباب ...واوس رفع راسه فوق وتنهد بقل صبر ...وحط ايديه في شعره ومشى للحمام
.
.
.
.
.
نزلت رغد من فوق اتخبط ومعصبة ...ومشت للحديقة ..
دارين قربت منها : وين مشيتي ؟
رغد : كنت فوق مع أوس 😑
دارين : اوس روح ؟ ماشفتيش نوح ؟
رغد : لا أوس بس ...قال عنده خدمة الصبح ويبي يرقد
دارين : وأنتي خيرك متكنطية ؟
رغد : الكلبة هادي حرقتلي دمي ...قريب ايجيني السكر والضغط منها 😤
دارين اتشوف لفاتن ترقص : خيرها شن دارت ؟
