So It's You (Villa Martinez Series #4)

Chapter Three

Chapter Three

Right

"Bakit n'yo pinapunta sina Paul dito?" si Kaz.

Umiling si Russel. "Not me. Si Jake ang nagsabi kay Paul na nandito tayo."

Suminghap si Kaz. "Ano ba ang iniisip ni Jake? Alam naman niyang hindi okay sina Myrrh at Paul."

"Exactly," ani Rye naman sa tabi ko. Bumaling ako sa kaniya nang magsalita siya. "Maybe it's time para magbati na sila." he shrugged, pagkatapos ay humalukipkip.

Nangiti naman ako habang pinagmamasdan siya. Siguro sa kanilang magkakaibigan ay siya ang tahimik lang madalas. But you can see his genuine concern for his friends. Kapag kailangan ay magsasalita siya para sa mga kaibigan. Pilit kong sinuksok ang isang kamay ko sa pagitan ng katawan at braso niya. Bumaling sa akin si Ryder nang mapuna ang ginawa ko. Kumapit ako sa kaniya. Ngumisi ako nang nagkatinginan kami habang ngumiti lang naman siya. Lalo akong ngumiti sa reaksyon niya.

He's been more and more comfortable with me.

Binaling lang muli namin ang atensyon sa pinsan at mga kaibigan ni Ryder na halos magtalo dahil nandito ang ex o boyfriend pa naman yata ni Myrrh.

Nakita namin ang pagkikibit-balikat nalang din ni Russel.

***

Sumama sa amin ni Ryder si Kaz matapos niya tuluyang hayaan na muna si Myrrh na makipag-usap sa kakarating lang sa isla na boyfriend nito. Sinusubukan din siya namin ni Rye na pakalmahin. She's like a mother to Myrrh. Kung ako rin naman siguro ay magiging ganito rin ka protective kay Andrea kung alam kong ganitong hindi steady ang relasyon nito. Siyempre ay mag-aalala rin ako kaya naiintindihan ko si Kaz.

"We can use the glass boat?" Rye suggested.

Kaming tatlo lang. Myrrh's with her boyfriend, Russ's with the resort staff and probably Andrea, too! She's probably with Tisoy. Hindi naman ako nag-aalala at nakikita ko namang mabuting tao iyong lalaki. Isa pa I can see that Andrea's real happy with him. Ngayon nga lang sumasaya nang ganito ang kaibigan ko kaya hahayaan ko siya.

Kaz sighed. "Kayo nalang muna ni Alecx." Bumaling siya sa 'kin. "I'm sorry. Maybe I'll just take some rest first."

Maagap ko naman itong tinanguan ko. "It's okay. Sige, siguro nga magpahinga ka muna..." I know that she's worried for Myrrh... Pero tingin ko rin ay may iba pa siyang inaalala.

Iniwan na niya kami ni Rye matapos makapagpaalam. Kinausap ko naman si Ryder tungkol sa kaibigan niya nang makaalis na ito.

"She likes Russel..." kibit balikat lang naman na maiksing paliwanag sa akin ni Ryder nang matanong ko dahil may pakiramdam din talaga ako na parang may kung ano kay Kaz at sa pinsan niya.

Tumango ako sa sinabi ni Ryder...

Hinila ko na siya patungo sa gagawin nga naming pagsakay sa glass boat bago pa namin tuluyang mapagchismisan ang kaibigan at pinsan niya.

* * *

Kinasal sa isla sina Myrrh at ang groom niyang si Paul. Medyo biglaan pero seryoso naman ang dalawa. Naimbitahan pa nga kami ni Andrea. Simple lang ang naging wedding dahil nga siguro kinulang na talaga sa panahon sa preparation. But the ceremony was heartfelt.

"You may now kiss..."  anang nagkasal sa kanila ni Myrrh.

Nakisali rin ako sa mga pumalakpak. I felt happy for them.

Nang balingan ko si Ryder ay naabutan kong nakatingin na ito sa akin. Ngumiti ako at bahagyang nilapit ang mukha sa kaniya. Sinalubong naman niya ako ng isang marahang halik. Nandoon kami nakaupo sa gitna ng iba pang guests na abala naman sa pagtitingin sa bagong kasal.