ချူဖုန်းမှ ချီဖန်းဘက် လှည့်ကြည့်လာလေရာ လော့ကျိုးကျိုးသည် တစ်ဖက်လူ နေရအဆင်ချောအောင် ကိုယ်နေဟန်ထား ပြောင်းပေးသည်။
"ဒါရိုက်တာချီ ကျေးဇူးတင်ပါတယ်" ချူဖုန်းက ဆိုလေသည်။
ချီဖန်းသည် နှာမှုတ်သံပြုကာ "မင်းက ကိုယ့်ဘာသာ သေတွင်းတူးနေတာပဲ ငါ ဘာမှ မတတ်နိုင်လိုက်ဘူး မင်း ဒီတစ်ခေါက် ကံကောင်းသွားတယ်မှတ် ဘန်ဇီဒရင်းပမာဏသာ နည်းနည်းလေး ပိုများသွားရင် ဒါမှမဟုတ် ကျိုးကျိုး ငါ့ လှမ်းခေါ်တာ နည်းနည်းလေး နောက်ကျသွားရင် မင်း ခန္ဓာကိုယ် ခုနကလို အေး-"
သူ ဤတွင် ရပ်ကာ စကားမဆက်တော့။ သို့ရာတွင် အားလုံးပဲ ဆိုလိုရင်းကို နားလည်ကြပါ၏။
လော့ကျိုးကျိုးသည် ကြားသောအခါ တုန်ယင်လျက် ချူဖုန်းကို ပိုမိုတင်းကြပ်စွာ ပွေ့ဖက်ထားမိသည်။
ချူဖုန်းက ချောင်းဆိုး၍ ခပ်တိုးတိုးပြောလေသည် "ကျိုးကျိုး ကိုယ် လည်ပင်းအစ်နေပြီ"
လော့ကျိုးကျိုးသည် ထိုအခါမှ တုံ့ပြန်၍ လက်လွှတ်ပေးလိုက်သည်။ ချူဖုန်းသည် ပြောပြီးသွားသည်နှင့် မျက်လုံးမှိတ်ကာ လော့ကျိုးကျိုး ရင်ထဲ ပြန်ပျော့ကျသွားတော့သည်။
"ငါတို့ မြန်မြန်ပြန်မှ ဖြစ်မယ် အချိန်ဆွဲမနေနဲ့တော့ သွေးသွင်းတာ မြန်လေ ကောင်းလေပဲ" ချီဖန်းက ပြောသည်။
လူများက ချူဖုန်းကို ကားထဲ ကူထည့်ပေးကြလျက် ချန်စီဟန်က ရဲကားမီးကို ဖွင့်ကာ မဟာမိတ်ပေါင်းစုဆေးရုံသို့ ကားလေးက ဝှီးခနဲ ထွက်လာခဲ့သည်။
နာရီဝက်မျှ ရှုပ်ယှက်ခတ်နေခဲ့ပြီးသောအခါ တဖန်ပြန်တိတ်ဆိတ်သွားတော့သည်။
ေလာ့ကျိုးကျိုးသည် သွေးသွင်းခန်း မှန်အပြင်တွင် လှုပ်ရှားမှုကင်းမဲ့စွာ ရပ်ရင်း အခန်းထဲ လှဲနေသော ချူဖုန်းအား ငေးကြည့်နေမိသည်။ ချူဖုန်းတွင် IV ပိုက်များ ချိတ်ခံထားရကာ အရည်ကြည်များသည် ပိုက်ထဲ ဖြတ်သန်းစီးဆင်း၍ သွေးနေရာ အစားထိုးပေးနေကြသည်။
တစ်ဖက်တွင် ချီဖန်းနှင့် သွေးပညာဌာနမှူးတို့သည် အိပ်ရာရှေ့ ရပ်ကာ သွေးဖွဲ့စည်းပုံပြ မော်နီတာကို ကြည့်လျက် ဆွေးနွေးနေကြသည်။ လော့ကျိုးကျိုးက စကားဝိုင်းကို မကြားရသဖြင့် ပါးစပ်ကိုပဲ ကြည့်ကာ တစ်ခွန်းစ နှစ်ခွန်းစ နားလည်လို နားလည်ငြား အာရုံစိုက်ထားမိသည်။
ESTÁS LEYENDO
ဗိုလ်ချုပ်ကြီးရဲ့ ဗန်ပိုင်းယားအိုမီဂါ〖 Completed 〗
Ciencia Ficciónဗိုလ္ခ်ဳပ္ႀကီးရဲ့ ဗန္ပိုင္းယားအိုမီဂါ The General's Vampire Omega Title - 上将的omega吸血鬼 Author - Little Baldy (秃子小贰) Translation Status - Completed Cover Photo is not mine. I only edited. ( Readable in Both Zawgyi and Unicode )
( ၅၃ )
Comenzar desde el principio
