Unicode
*******
"ရိပ်ရေ အိမ်လခရက်စေ့မှသွားမယ်နော် နို့မို့ နှမြောစရာကြီး"
"အင်းပါ မောင်ရယ် စေးနှဲလိုက်တာ"
"စေးရတာပေါ့။ အနာဂတ်သားသားမီးမီးလေးတွေအတွက်ကြိုပြင်ထားမှတော်ကာကျတာ"
"ရေခဲလွင်ပြင်!!! "
ရိပ်အော်လိုက်တာတောင်မရပ်သေးဘဲ နောက်ထပ်ကလေးလိုချင်ကြောင်းကိုတတွတ်တွတ်ပြောနေပြန်သည်။
*ဪ... ယောကျာ်းတွေများ ရလေ လိုလေ*
ရိပ် သားလေး ကစားစရာလေးတွေ သိမ်းပေးရင်းက ပြန်တုံ့ပြန်လိုက်သည်။
"ကလေးတစ်ယောက်ကုန်ကျစရိတ်ထက် မွေးကင်းစကလေး ဗာဟီရ က ပိုများတာ သိတယ်မလား။"
"ငါမသိခဲ့ဘူး ရိပ် မင်းသားမွေးချိန် အနားမှာ မရှိခဲ့တော့..."
ရိပ်သက်ပြင်းလေးချကာ အိမ်အောက်မှာ ဘိုးနဲ့ ကဗျာတွေ ရွတ်ပြနေသောအုန်းမွှေးလုံးလေးကို အမြတ်တနိုးကြည့်ကာဆိုသည်။
"ငါကတော့ ဘယ်လိုပဲပင်ပန်းခဲ့ပါစေ လူမဆန်တဲ့ ဖျက်ချမှုကို မလုပ်ခဲ့တာ ကိုယ့်ဘာသာ ကျေးဇူးတင်မိတယ်။အဲ့လိုသာလုပ်မိခဲ့ရင် ငါအခုလို မိသားစုလေးရမှာမဟုတ်ဘူး။"
ရိပ် လက်ကလေးကိုင်ပြီး သားသားအတွက် ပင်ပန်းခဲ့တာတွေကိုအသိအမှတ်ပြုသောအားဖြင့် မသိမသာလေး ဖိညှစ်လိုက်သည်။
"မင်း ကဖခင်ကောင်းပါ ရိပ်ရယ်"
ရေခဲပြောတာကြားတော့ ရိပ်မျက်နှာပျက်သွားသည်။ ဘာလို့များလဲ။
"ဘာဖြစ်တာလဲ။ ရိပ်"
"ငါကအပြည့်အဝဖခင်ကောင်းတော့မဟုတ်ခဲ့ဘူး ရေခဲ... လသားကလေးလေးကို သူစိမ်းလက်ထဲအပ်ပြီး ရရာ အလုပ်တွေ လျှောက်လုပ်ခဲ့တာ... ငါ့စိတ်ထဲမှာလည်း အဲ့အချိန် ကလေး နို့ဘူးဖိုးရှာရမယ်ဆိုတာပဲသိခဲ့လို့ မီးဖွားပြီးဆေးရုံကဆင်းခါစပေမဲ့ ငါအလုပ်မနားရဲခဲ့ဘူး။ငါနားလိုက်ရင် ငါ့သားလေးနို့ဆာလို့ငိုလိမ့်မယ် ကလေးကို ဘုန်းကြီးကျောင်းကကပ္ပိယကြီးဆီ နို့ဘူးနဲ့အပ်ပြီး မနက်ဆို နွားခြံမှာ နို့ညှစ်ရတယ် နွားစာစဥ်းရတယ် နေ့လယ်ကနေစပြီး ကြက်ဆင်ခြံမှာ သန့်ရှင်းရေးဝင်လုပ်ရတယ် လေးပင်တဲ့အလုပ်တွေမလုပ်နိုင်တဲ့ ငါ့အတွက် လွယ်ကူတာ အဲ့အလုပ်တွေပဲ။"
YOU ARE READING
Red Lotus🌺ကြာပန်းနီနီမွှေးလွန်းလေသည် (Completed)
Romanceထောင်ထွက်တစ်ယောက်ရဲ့ အချစ်ကရော အကျုံးမဝင်ပေဘူးလား။ ေထာင္ထြက္တစ္ေယာက္ရဲ႕ အခ်စ္ကေရာ အက်ဳံးမဝင္ေပဘူးလား။ (ရပ်ကွက်ထဲက စရိုက်မို့ စကားလုံးကြမ်းတာတွေပါနိုင်ပါတယ်။ ကြိုအသိပေးပါရစေ) (ရပ္ကြက္ထဲက စရိုက္မို႔ စကားလုံးၾကမ္းတာေတြပါနိုင္ပါတယ္။ ႀကိဳအသိ...
