Arr Ah Daddy (Complete)

Part 40(Uni +Zaw)

ဒေါက်တာ စကားတောင် မဆုံးသေးဘူး။ ရီပေါ် ပြေးဝင်သွားလေသည်။ ရီလျှို့ကလဲ ဒေါက်တာ့ကို နှုတ်ဆက်ပြီး အနောက်မှ လိုက်ဝင်သွားလေသည်။

ရီပေါ် အထဲဝင်သွားတော့ သူနာပြုမလေးက သူမ့လက်ထဲက အနှီးဖြူထုတ်လေးနဲ့ ကလေးကို လက်ထဲ ထဲ့ပေးမလို့ အနားသွားပေမဲ့ ရီပေါ်က သူမတို့ကို မြင်ပုံမပေါ်။ ကုတင်ပေါ် လဲနေတဲ့ ကလေးအဖေစီကို တန်းနေအောင် သွားတာ​ကြောင့် သူနာပြုမလေးတောင် ကြောင်သွားသည်။

ရှောင်ကျန့်ကို ကြည့်လိုက်တော့ မျက်နှာမှာ ဖြူဖျော့နေပြီး နှဖူးလေးတွင်ပင် ချွေးလေးစို့နေသည်။

ရီပေါ် အနားကို သွားလိုက်ပြီး ရှောင်ကျန့် မျက်နှာလေးကို တယုတယ ကိုင်လိုက်ကာ

"နေလို့ကောင်းရဲ့လား ကျန့်လေး
ကိုယ်နောက်ကျသွားတယ်"

"ရပါတယ် daddy "

ရီပေါ်က ရှောင်ကျန့် နှဖူးလေးကို နမ်းလိုက်ပြီး ပိန်သွားတဲ့ ဗိုက်ကလေးပေါ် လက်လေးတင်ပြီး ဖွဖွလေး ပွတ်နေလိုက်သည်။

ရီလျှို့ အထဲရောက်တော့ သူ့အဖေနဲ့ ပါးပါးနဲ့က ချစ်ကြည်နူးနေကြပြီး ကလေးကိုတော့ သတိရပုံမပေါ်။ အနှီထုတ်လေးထဲက ချစ်စဖွယ် ကလေးငယ်မှာ သူနာပြုမလေး လက်ထဲတွင် အဖော်မဲ့လျှက်။

ရီလျှို့ သူနာပြုမလေး လက်ထဲက ကလေး​ကို သူ့လက်ထဲ ပြောင်းခေါ်လိုက်သည်။ သူနာပြုမလေးကလဲ ကလေးကို ပေးပြီးတာနဲ့ အခန်းထဲက ထွက်သွားလေသည်။

ရီလျှို့ အနှီးထုတ်လေးထဲက ကလေးကို ကြည့်လိုက်တော့ မျက်လုံးပြူးပြူးလေးနှင့် သူ့ကို ပြန်ကြည့်နေသည်။ ပါးလေးနှစ်ဖက်က ရဲနေသည့် နီတာရဲလေးပင်။ ဖြူဥနေသော အသားအရည်လေးနှင့် ထိကြည့်လိုက်တော့ နူးညံ့ နေသည်။

အဖေနဲ့ ပါးပါး စပ်ကျထားတဲ့ သူ့ရဲ့ ညီငယ်လေးက အင်မ​တန်မှ ချစ်စရာ ကောင်းလှသည်။ သူ့ကိုလဲ ရယ်ပြနေသေးသည်။

ရီလျှို့က သု့လက်ညိုးလေးနဲ့ ပါးလေးကို ထိကြည့်တော့ ကလေးက အဲ့လက်ကို သူ့လက်သေးသေးလေးနဲ့ ဖမ်းဆုတ်ကာ သူ့ပါးစပ်ထဲ ထည့်ပြီး တစ်ပြွတ်ပြွတ်နဲ့ စုတ်နေသည်။