St. Agustin Hospital | ON-GOING

Checkpoint 13

"Ano ba! Mga sampid talaga kayo sa tahimik at payapa kong pamumuhay! Wala ba kayong mapag-trip-an, ha?!" Tumawa ang grupo nina Shelton sa tinuran ni Felix nang magsimula itong lumapit sa kanila.

Nagulat na lang si Felix nang pinagkukuyog siya ng anim na sundalo. Tumawa na lang siya nang wala siyang magawa para ipagtanggol ang kan'yang sarili.

"Bitiwan niyo akong mga tangina kayo! Isusumbong ko kayo kay Commander Salvador! Mga buwisit kayo, maghanap kayo ng mapagti-trip-an!"

Muling tumawa ang mga sundalong kumukuyog sa kan'ya sa pabirong paraan. 'Di kalaunan ay nakitawa na rin si Felix.

Matapos ang mahaba nilang bakbakan, ngayon lang ulit sila nagkatuwaan. Ang huli nilang kantiyawan ay noong hindi pa nabubuo ang Alpha Team.

Ang gaan lang sa pakiramdam na kahit may hinaharap silang krisis, ay may oras pa rin silang magsaya kahit sandali lang. Pagkatapos ng maliit nilang kasiyahan ito, ay balik na naman sila sa pagiging alerto sa pagsabak sa giyera.

And one of them laughing right now might end up losing their lives on the next few hours.

At ayaw ni Felix na maging isa sa mga sundalong hindi papalaring makaligtas.

"Tahimik!" Saad ni Shelton at nagtapat ng daliri sa bibig. "May sigawan yata akong naririnig."

Tumahimik sina Felix at ang iba pa para subukan ring pakinggan ang sigaw na sinasabi ni Shelton. But none of them heard it except Shelton himself.

"Aahh! Nakakamiss maging single," sabi pa ng Lieutenant Colonel habang nakangiting inaalala pa yata ang mga panahong hindi pa niya nakilala ang kan'yang magiging asawa.

Pinagsasasabi nito?

"Sir, nababaliw ka na talaga. At p'wede ba, hindi tayo close para akbayan mo ako." Umirap si Felix at inalis ang braso ni Shelton sa balikat niya. Doon natawa sina James, Gilbert, Henry, Lester at Bryan. "Si Aether lang ang p'wedeng humawak sa akin," dagdag pa ni Felix at pinagpagan ang balikat nito na para bang isang malaking alikabok ang braso ng kapwa sundalong isang ranggo ang taas sa kan'ya.

"Speaking of, Martines. May itatanong ako sa iyo," wika ng Lieutenant Colonel kay Felix nang nakangisi pa, ang ngisi nitong hindi maganda sapagka't maraming binabalak ang laman ng utak nito.

"Ayan na naman siya," magkapanabay na sabi ng limang sundalo at sabay ring tinampal ang kanilang nuo. Sabay rin silang nagbuntong hininga.

Hindi pa rin ba tapos ang lieutenant Colonel na sinumulan niyang maliit na apoy? Akala nila ay natupok na ito, 'yon pala, bumabaga pa.

Nagtaka naman si Felix kung bakit nagkaganoon ang lima nang sabihin iyon ni Shelton sa kan'ya.

"Bakit? Ano ba 'yon?" kunot nuong tanong ni Felix, hindi maisip kung anong nilalaman ng utak ng Lieutenant Colonel.

Muli siya nitong inakbayan habang suot nito ang naloloko niyang pagngisi, "Alam mo kasi, isa-isa ko silang tinanong kanina kasi na-curious lang ako kung ano ang ginagawa nila kapag sinusumpong sila. At talaga namang kawili-wiling pakinggan ang kani-kanilang mga sagot."

Lalong kumunot ang nuo ni Felix dahil sa sinabing iyon ng Lieutenant Colonel. Na-curious saan? Kawili-wili ang alin? Sinusumpong ng ano?

"Oh, tapos?" Taas kilay na lang na turan ni Felix kahit naguguluhan pa rin sa pinupunto ni Shelton.

"Tatanungin kita, Martines," Hindi pa rin mawala sa labi ng kapwa sundalo ang pagngisi nito kaya napaisip na si Felix kung ano ang tinutukoy ni Shelton. "Are you a soldier or a warrior?"

Ha? 'Yon na ang tanong? Napakadali naman!

Tumawa si Felix. "Shempre, sundalo! Tinatanong pa ba 'yan?"