سولفلي على روحك يابعد هالروح

بارت 30

اشبي منوو اخذه احجيي.

حجيتله كلشي واجا خالد طلعنه تلث سيارات احنه واصدقاء مهيوب دوورنا المراكز المستشفيات الاراضي  القريبة ماضل مكان مارحناله . 

ساعه صارت ٧ صبح ومهيوب ماكوو .

رزان : كاعده ولازمه تلفون بايدي طابه بحساب مهيوب
اريد اراسله بس اتردد واصلا استغرب هوو مو نشط من العصر بالعاده مايسد نت اكثر شي نص ساعه ويفتح .

دزيتله انته وينك؟

ماكوو رد ولافتح ضليت كاعدة لحد ال1 بليل 

وسمعت صوت الباب يندك  عقدت حواجبي

منوو اجا بهلوقت بس لا صاير شي . 

كمت امشي ع اطراف رجلي شهد نايمة يمي .

طلعت لصالة شفت علي جاي ينزل من الدرج ..

منوو هذاا .

علي : ماعرف والله فووتي جوا هسه اشوف . 

ضليت واكفة بمكاني فتح الباب وصار عمر مقابيلي   

زاد قلقي؛ شعنده جاي هذا . 

سمعت يكوول اخذذوو مهيوب اخووي الحك ..

تقربت منا وايدي ترجف شنووو منو آخذا العصر شفته انت شتحجي .

طلع ابويه  وحجالة شلون لاكي سيارته ومحفظته . 

كعدت امي تبجي وتصيح ..

سووده علية ولييدي مهيوب وين انت يمةةة ..

مهيوب : طلعت للمطعم  جان عندي شغل وي السكرتير  لفت انتباهي سيارة تلحكني من يم بيتنه لراس الفرع

صرت اسوق سريع  وباوع وراي اخذت التلفون اتصل على رحمن وصارر ضوا قوي بعيني وكع التلفون جوا الكشن ماكدرت اسحبة حاوطوني من كل الجهات

جانو مسلحين وناس شايلة حربات ولابسين اسود

حسيت الجام يندك  انفتح الباب وصار المسدس براسي .
.

عطت بيه انتتتتتم منوو شتردون منيي .. 

اجاني صوت واحد منهم وهوا  اسكت لك لدوخنة الليلة انت بضيافتنة  عريس الغفلة  ههههههاي ..

عقدت حواجبي انت شتحجي ومنووو انت منو دزكم
انتم تعرفوون اني منوو وشنو اكدر اسوي ..

حسيت اجتني ضربة من ورا وبعدها ماحسيت بشي  

صحيت وايدي ورجلي مربوطات  مكان غريب ومقرف  بعدها االدوخة لازمتني كووة افتح عيني . 

شفت خيال شخص من بعيد تقربلي ..

حجيت بألم انتتتم منوو فكووووني لا وعليي اكلب الدنية عليكم كو... عاارات ولكم اذا بيكم خير فكوو ايدي وتعالو واجهوني ..