ထန်မော့၏ဦးနှောဏ်မှာ
လျင်မြန်စွာအလုပ်လုပ်လိုက်ရသည်။
ထို့နောက်တွင် ဥထံမှထွက်လာသောအသံပိုင်ရှင်မှာ
ကြက်ဆင်သော်လည်းကောင်း ဥတစ်လုံးသော်လည်းကောင်း
မဖြစ်နိုင်ဟုနားလည်သွားသည်။
ထိုအစား အနက်ရောင်မျှော်စင်မှ
အခြားမွန်းစတားတစ်ကောင်လည်းဖြစ်နိုင်သည်။
သို့သော်ထိုထက်ပိုကောင်းသောဖြစ်နိုင်ချေတစ်ခုရှိသေးသည်။"မင်းကလူလား"
တဖက်မှအမျိုးသားအသံမှာ
အတော်ကြာတိတ်ဆိတ်နေပြီးမှပြန်ဖြေလာသည်။"ဟုတ်တယ်၊ မင်းရောလူပဲလား"
ထန်မော့လည်းပြန်ဖြေလိုက်သည်။
"အင်း"
ထို့နောက်တွင် လူနှစ်ဦးမှာ အတော်ကြာဘာမှမပြောနိုင်ပဲ တိတ်ဆိတ်နေကြသည်။
ကားတစ်စီးကလမ်းဘေးတွင်ထိုးရပ်ထားပြီး
ညနေခင်းနေရောင်ကဖြာကျလျက် ဥကမူရွှေရောင်အနည်းငယ်လင်းနေခဲ့သည်။
အလင်းရောင်နောက်ခံဖြင့် ဥပေါ်မှစာလုံးများနှင့် အမည်မသိအက္ခရာများကိုရှင်းရှင်းလင်းလင်း မြင်နေရသော်လည်း အခုလောလောဆည် ထန်မော့ဂရုစိုက်သည်မှာ ဥထဲမှထွက်လာသော အမျိုးသား၏အသံကိုဖြစ်၏။ခဏမျှစဉ်းစားနေပြီးသည့်နောက်တွင် တဖက်လူအားမေးခွန်းများမမေးခင်၌ သူ့ဘက်ကပင်စ၍ သတင်းအချက်အလက်တချို့ကိုေ၀မျှရန် ဆုံးဖြတ်လိုက်သည်။
သူကလက်ရှိအခြေအနေအားရှင်းပြလိုက်သည်။
"လောလောဆည်ငါ့လက်ထဲမှ
ဥတစ်လုံးကိုကိုင်ထားတာ၊
မင်းရဲ့အသံကအဲဒီဥထဲကထွက်လာတယ်၊
ဒီတော့မင်းကဥထဲမှာပိတ်မိနေတဲ့
လူတစ်ယောက်ယောက်လား"တဖက်မှအမျိုးသားအသံမှာ မည်သံခံစားချက်မှမပါသကဲ့သို့ တပြေးတည်းတည်ငြိမ်လှသည်။
"ဥထဲမှာပိတ်မိနေတာမဟုတ်ဘူး။ ငါ့လက်ထဲမှာလည်းဥတစ်ဥကိုကိုင်ထားတယ်၊
မင်းရဲ့အသံလည်းအဲဒီကထွက်လာတာ၊ "သူကထပ်၍ပြောလိုက်သည်။
"ဥကတော့ကြက်ဆင်ဥ"
ထန်မော့ကအနည်းငယ်တွေးတောလိုက်သည်။
"မင်းလည်းတရုတ်ပြည်ကပဲမလား အခုနားကမှအနက်ရောင်မျှော်စင်ဂိမ်းကထွက်လာတာမလား
ငါဒီဥကိုအနက်ရောင်မျှော်စင်မွန်းစတားတစ်ကောင်ဆီက ရလာတာ။
ပြီးတော့ငါ့ဥကလည်းကြက်ဆင်ဥပဲ"
![](https://img.wattpad.com/cover/284669242-288-k73681.jpg)
YOU ARE READING
ကမ္ဘာကြီးအွန်လိုင်းပေါ်တက်လာပြီ [The Black Tower]
Mystery / ThrillerOriginal Title - The Earth Is Online. Original Author - Mo Chen Huan Year - 2017 Status In COO - 240chps+5extras Original Publisher - jjxcw *Pure and Raw - fun translation* [might delete right away if the copyright team asks so.] before that pls enj...