ရက်အတော်ကြာမျှ လွတ်လပ်စွာ နေထိုင်ပြီးသည့်နောက်တွင်မူ ကျောက်မင်ဇယ်က သူ့ဆီသို့ ဖုန်းခေါ်လာလေသည် ။ လင်းကျစ်ရန်မှာ မအံ့သြ မိပေ ။ ယခုတွင် ဝမ်းယွီမှာ သူနှင့် လမ်းခွဲပြီးခဲ့ ပြီ၊ ဝမ်းယွီ၏ ဇာတ်ကောင်စရိုက်အရ ပြန်တွဲဖို့ သူ့အားတောင်းပန်လိမ့်မည် မဟုတ်ချေ၊ လုဆွေ့၏ ဆန္ဒ ကလည်း ပြည့်မြောက်သွားရာ သူ့ရှေ့သို့ပေါ်လာရန် အကြောင်းမရှိပေ။ သို့ဖြစ်စေကာ ကျောက်မင်ဇယ် တစ်ဦးတည်းသာ ကျန်ပေတော့သည် ။
လင်းကျစ်ရန်က လည်ချောင်းရှင်းပြီး ဖုန်းကိုင်လိုက်သည် ။
" ဟယ်လို? "
တစ်ဖက်လိုင်းမှ ကျောက်မင်ဇယ်၏ ဆွဲဆောင်မှုရှိသောအသံက ပြူငှာစွာ ထွက်ပေါ်လာလေ၏ ။
" မင်းဒီနေ့ အားလား? "
လင်းကျစ်ရန်က ဆို၏ ။
" ဘာကိစ္စရှိလို့လဲ? "
ကျောက်မင်ဇယ်က ပြုံးပြီးနောက် ပြောလာသည်။
" ကိစ္စမရှိဘဲ ကိုယ် မင်းကို တွေ့လို့မရဘူးလား "
လင်းကျစ်ရန်က စကားဆက်မဆိုမိပေ။ လုကျန်း၏ ဇာတ်ကောင်စရိုက်အရ သူငယ်ချင်းအရင်းကြီးက သူ့ကိုသဘောကျနေပါလျှင် ရှက်ရွံ့နေမိပေမည် ။ ထို့ကြောင့် ကျောက်မင်ဇယ်က တွေ့ဖို့ပြောလာလျှင် သေချာပေါက်ငြင်းဆန်လိမ့်မည်ပင် ။ အလွယ်တကူ သဘောတူလိုက်ပါက သမားရိုးကျမဟုတ်နိုင်တော့ပေ ။
လင်းကျစ်ရန်က ဘာမှပြန်မဖြေသော် ကျောက်မင်ဇယ်က သက်ပြင်းအသာချပြီး ။
" ကုမ္ပဏီကိစ္စပါ..အခု လုဆွေ့အပိုင်ဖြစ်နေပြီ ဆိုပေမယ့် အရင်က ကိုယ်တို့ အတူလက်တွဲလုပ်ခဲ့တဲ့ ပရောဂျက်တစ်ခုရှိသေးတယ်လေ..အဲ့ကိစ္စကို ကိုယ်မင်းနဲ့ ဆွေးနွေးချင်လို့ပါ..မင်းရဲ့ အမြင်ကိုလည်း သိချင်သေးတယ် "
ဒါက တကယ်ကောင်းတဲ့ ဆင်ခြေပဲ...
သူက လုဆွေ့၏ ဖိအားပေးခြင်း ခံသော်လည်း အခုထိ ကုမ္ပဏီ၏ ရှယ်ရာဝင် တစ်ယောက်ဖြစ်နေသေးသည်ပင်၊ လုကျန်းမှာ အလွန်ပင် တာဝန်ယူမှုရှိသူပီပီ ဒီကိစ္စကို မျက်ကွယ်ပြုထားမှာတော့ မဟုတ်ချေ ။ ထို့ကြောင့် ကျောက်မင်ဇယ်၏ ချိန်းဆိုမှုကို သဘောတူညီ လိမ့်မည် ။
YOU ARE READING
ဒီတစ်ခါလည်းဇာတ်လမ်းသွေဖည်သွားပြန်ပြီလား?(MyanmarTranslation)
FantasyJust a fan translation. Eng name- Did the affectionate love interest collapse today. cover pic from pinterest.credit to artist. Author- 即墨遥 စိတ်ကူးယဥ်ဝတ္တုတိုင်းတွင်shouဇာတ်ကောင်အားနှစ်သက်သဘောကျသည့်အရန်ဇာတ်ပို့Gongဆိုတာပါစမြဲ။Shouလေးကိုဇာတ်လိုက်Go...
အပိုင်း(၁၆.၁)
Start from the beginning
