Unicode.
ဆိုးသွမ်းသည့်ဗီလိန်များကို ကြောက်ရန်မလိုအပ်သော်လည်း ချောမောသည့်ဗီလိန်များကိုတော့ ကြောက်သင့်သည်သာ။
ဘယ်လိုတောင် ရည်မွန်တဲ့ ကလိမ်ကကျစ်လဲ!
လင်းကျစ်ရန် သက်ပြင်းတစ်ချက်ရှုသွင်းပြီး၊ထိုလူ၏မျက်နှာအားမကြည့်မိစေရန် မိမိကိုယ်ကိုယ် တိုက်တွန်းကာ လျှောက်လာလိုက်သည်။
ဟင်း....အစက သူ၏ရဲဘော် အပေါ်တွင်မျှော်လင့်ချက်၅၀ရာခိုင်နှုန်းမျှသာထားခဲ့သော်လည်း ယခုတွင်မူ ၁၀၀အပြည့်ပင်၊ အခုလို ကျေနပ်ဖွယ်ကောင်းသည့် လုပ်ဖော်ကိုင်ဖက်နှင့် လက်တွဲရသည်မှာအမှန်ပင်ပျော်စရာကောင်းသည်။
ကျောက်မင်ဇယ် ခုံဆွဲလျက် ထိုင်လိုက်ကာရေနွေး နှစ်ခွက်ငှဲ့လိုက်ပြီး လင်းကျစ်ရန်ဆီသို့တစ်ခွက်ကမ်းပေးရင်း အပြုံးဖြင့်ပြောသည်။
" မင်းဒီနေ့၊စိတ်ကောင်းဝင်နေပုံရတယ် "
လင်းကျစ်ရန် မိမိဘာသာ တွေးလိုက်သည်...ဒါပေါ့၊ငါပျော်နေတာ၊ ဤဂိမ်းမှာ အံ့သြဖွယ်အပြည့်နှင့်ဖြစ်မယ်မှန်း သူမထင်ထားခဲ့ ၊ သို့သော် သူနှုတ်မှ ထွက်သွားသည်က__
" ငါလုဆွေ့ကို နှစ်တွေအကြာကြီးစိုးရိမ်ခဲ့ရတာ၊ အခုသူပြန်လာပြီဆိုတော့ ငါအရမ်း ပျော်နေတယ် "
ကျောက်မင်ဇယ်က သက်ပြင်းချပြီးခေါင်းခါသည်။
" မင်းအပင်ပန်းခံပြီး ကြိုးစားခဲ့တာတွေကို အဲ့ကောင်လေးနားလည်မှာမဟုတ်ဘူး၊ အဲ့လိုမှမဟုတ်ရင် သူအရင်ကတည်းက ပြန်လာပြီးပြီပေါ့ "
လင်းကျစ်ရန် ဂရုမစိုက်ဘဲ ရိုးသားစွာပင် ပြောသည်။
" အဖေနဲ့ငါက သူ့အပေါ် မတရားခဲ့ ပါဘူး ၊ သူ့ကိုအပြစ်မတင်ပါနဲ့၊ သူပြန်လာချင်စိတ်ရှိရုံနဲ့တင် ငါဝမ်းသာနေပြီမို့ "
ကျောက်မင်ဇယ်၏ သွယ်လျသောလက်ချောင်းများက လက်ဖက်ရည်ခွက်အား တင်းကျပ်စွာဆုပ်ကိုင်ထားလျက် ဖြည်းညှင်းစွာလှည့်နေသည်ပင်၊ လုဆွေ့၏ခေါင်းမာပြီးသွေးအေးသော အကျင့်အရ နှစ်များစွာကြာသည့်တိုင် အလျော့ပေးခြင်းမရှိရာ အခုမှဘာလို့ ရုတ်တရတ် ခွင့်လွှတ်နိုင်သွားရတာလဲ?
![](https://img.wattpad.com/cover/283766113-288-k564845.jpg)
YOU ARE READING
ဒီတစ်ခါလည်းဇာတ်လမ်းသွေဖည်သွားပြန်ပြီလား?(MyanmarTranslation)
FantasyJust a fan translation. Eng name- Did the affectionate love interest collapse today. cover pic from pinterest.credit to artist. Author- 即墨遥 စိတ်ကူးယဥ်ဝတ္တုတိုင်းတွင်shouဇာတ်ကောင်အားနှစ်သက်သဘောကျသည့်အရန်ဇာတ်ပို့Gongဆိုတာပါစမြဲ။Shouလေးကိုဇာတ်လိုက်Go...