سولفلي على روحك يابعد هالروح

البارت الثامن عشر

هند : كاافي ماما كافي تعبت عوفيني لخاطر ربج

شهد : لاول مره جنت كاعده العب بتلفون بابا واجت رزان كعدت يمي لاول مره اسمع رزان تحجي هيج

حجت اكلج شهد ،،

كلت همم كولي حجت شننو رائيج بمهيوب ،،

شهد : عاد اني عفت التلفون وركزت وياها حجيت اشبي شنو قصدج ،

رزان: مهيوب احسه غريب مرات اشوفه يقسي وياي مرات اشوفه حنون مرات اشوفه غيور تصوري اليوم لاننو طلعت بلا حجاب لشارع دفعني لسياره وكلي اذا طلعتي بعد ادفنج،،

شهد : فتحت حلكي من عززه بعينج اي والله طالعه لشارع بلا حجاب والله لو دافنج فلا يلام ولو شايفج احمد جان كطعج وذبج لديج احمدي ربج بس هددج،،

رزان : اووو نسيت روحي ممتقصده بس اليوم شوي ركزت بملامحه شفته حلوو،

شهد: هوا من زمان حلو بس خاف واكعه ومحدد سمه عليج ،

رزان : دنجبي طلعت ورا الطليان وماوكعت وحاد ورايه الثور وماوكعت وحاد ورايه الديج وماوكعت تردين اكع بحب مهيوب لالا مستحيل اصلا هوو شنو واوكع بحبه ولاتنسين هوا خاطب بت خالته ،،

شهد : شوي شوي لا تغصين يمعوده لا وتكول ما واكعه عمي انتي طايحه طيح..

رزان : انتي الحجي وياج ضايع اكوم احسلي..

شهد ؛ اي شوفي امي مارجعت ،

رزان : ليش امي وين .

شهد : راحت تحاجي عمتج  علمود الخطبه مال احمد ،،

رزان: نجبي شهد شننو عمتج  خوما تورطت لاتخليني اندم حجيتلج شي ..

شهد  : لاعمي سكتنه ها اها يلا حبي روحي كملي شغلج اجاني صوتها وهي تكول اي مو اشتغل عندج  رديت لا اشتغلي عند مهيوب ،، اجت شايله الطاوه وركضت للغرفه وقفلتها وهي ادك بره كبر  مو مال شقة  طبعا اني ورزان مو  بس اخوات مرات احسها امي  ومرات احسها صديقتي ومرات احسها اختي علاقتنه اكثر من اخوه احنه روح وحده خليت تلفون بابا بره حرامات جان جبته خابرت مهيوب اتمحرشت بيه يلا غير مره ...

مريم : كلها طلعت وكعدت حجيت ويا فاطمة بشغلة احمد وامل همزين جيتي خيه فاطمة رايدتج بموضوع

فاطمة : خير انشالله شعندج كولي حبيبه.

مريم : دفوتي ياعيني فوتي كافي راح صوتج وانتي  اصيحين ورا الديج امشي تريكي .

فاطمة : اي والله خيه كله بسبب بنتج الفاهيه هذا احسن ديج عندي ضيعته فوتي فوتي  .

مريم : دخلت وكعدنه نكمل ريوكنه حجيت اكلج خيه  اني رايده اخطب امل ل احمد الولد هاويها واني الصراحه مالاكي احسن من بنت اخوي ..

فاطمة : خايبه صدك تحجين ساعة المباركه وربي بنات هديه ماكو احسن منهم كومي بعدج كاعده نروحلهم  وانحااجي امها بالموضوع ونشوف البت اذا موافقة بس اكيد موافقة هي من زمان شاكه بيها تحب احمد .

مريم : خوش خيه كملي ريوكج واني كايمه البس عباتي  .

فاطمة : ها خلصتي يلا امشينه ..

مريم : بناات هاي نازك راح اخذها وياي ديربالكم من الكهرباء وسوو الغدا الله يرضى عليكم .

فاطمة : وين ماخذه هاي السمينه

مريم : يمه يمه شون ما اخذها هاي كلبي

نازك لابسه اوفر كله صوف وردي وهي بيضه وعيونها كبار وسمينه طالعه دبدوب تباوع لخالتها وتضحك .

فاطمة : يمه البنيات عشره وكول كليلات.

مريم : وصلنه تلكتنه رحمه وفتحت الباب،

رحمه : جنت اشطف بالحوش شفت عماتي جايات تلكيتهم وبوستهم ودخلتهم جوا سالو على ماما كتلهم بالبستان هسه تجي .

رحت صحت ماما شفتها جاي تسكي الاشجار

يووم وينج عماتي اجو وكعدو بالاستقبال يصيحوج.

هديه : هلا بيهن يمه هياني جايه جايه روحي ضيفيهن شي .

عاد رحت وشفت امل جايبه ضيافه وكاعده وياهن

هديه : هلا هلا زارتنه الببركه وبوستهن

مريم : البركة بيج حجيه .

فاطمة : ولمهلي يهديوه شلونجن حبيبة

هديه : الحمدلله  انتي شلونج شو ماكو هليام من اجت اختج ماشفناج خاف نستيني .

فاطمة : شلون انساج ام مهيوب الغاليه انتي حبيبتي  واختي الله شاهد.

مريم : والله ام مهيوب اجيناكم بطلب وياريت ماتردونه .

هديه : اطلبي خيه وشتردين تاخذين ماعاش الي يردج .

مريم : الله يسلممج حبيبه والله هالتشوفين احنه استقرينا هنا يمكم واني جايه اخطب اموله ل ابني احمد وهي تخلي ايدها على ضهر امل الله شاهد لو ماغاليه عليه فلا اصل ولا اجي بس من احمد كالي اخطبيلي هالبست عباتي وجيتكم وبعد احمد ابنكم وتعرفو ماريد امدحه.

هديه : والله ام علي نتشرف بيكم حبيبه واحمد الله شاهد بغلاة مهيوب ورحمن بس يبقى الشور الاول والاخير للبنت والاخوتها وان شاء الله ماايصير خاطركم الا طيب.

فاطمة : بعد كلبي حبيبه اعرفج بنت اصول والله شاهد بناتج بناتي ومن كالت مريم احمد يريد يخطب امل شحطت مريم وجيتكم خير البر عاجلا.

هديه : انتي غاليه علينه فطومة وتامرين بس كتلكم القرار الاول ولاخير للبنت واخوتها واني ماعندي اي مانع.

مريم : بعد كلبي ام مهيوب اخذو راحتكم فكرو واسألو البنت وردولنه جواب حبيبه لازم ارجع اني بناتي وحدهن بالبيت .

هديه : والله ماتطلعن بدون غدا الغدا صاير من صبح سويت تشريب دجاج ذبح خلي ياذن وصلن وتغدن وعود روحن.

مريم : ماتقصرين ام مهيوب قابل احنه خطار .

هديه : اي لانكم من اهل البيت واهل البيت مايطلعون بلا غدا .

فاطمة : ذكرتيني بالديج ضيعته طايحت الحض رزان
بس بعد بيتي مهيوب خوش رزلها .

هديه : شلوون مهيوب وين شافها..