[Zawgyi]
အိမ်ကိုပြန်ရောက်တော့ ကားရပ်ပြီးသည်နှင့် ကားထဲကနေထွက်ကာ ကားတံခါးကို ကြမ်းတမ်းစွာပိတ်သွားသည့် ရှင်းကိုကြည့်ရင်း Rey မှာ နားမလည်နိုင်။ တကယ်ကို ရုတ်တရက်ကြီးရယ်။
" မောင် "
ကားပေါ်ကနေမဆင်းသေးပဲ ကားနောက်ကပစ္စည်းတွေကိုချနေသည့် ရှင်းကိုလှည့်ကြည့်ကာ လှမ်းခေါ်လိုက်တော့ တစ်ချက်သာမျက်လုံးလှန်ကြည့်ပြီး Rey ကို အကြည့်လွှဲသွားသည်။
" ဟာ ကိုကိုတို့ပြန်လာပြီ ... ကိုကြီး Rey . ကားပေါ်ကမဆင်းသေးဘူးလား "
" အင်း ဆင်းမှာညီမလေး "
အိမ်ထဲကနေ ပြေးထွက်လာသည့် မှူးအိမ်က Rey အတွက် ကားတံခါးကို အပြေးလေးလာဖွင့်ပေးသည်။ Rey လည်း ကားပေါ်ကဆင်းပြီး ကားနောက်ခန်းက အထုပ်တွေကိုအောက်ချနေသည့် ရှင်းနားကိုသွားလိုက်သည်။
" ကိုယ်ကူသယ်ပေးမယ် မောင် "
" ရတယ် ကျွန်တော်သယ်သွားမယ် "
Rey မျက်နှာကိုမကြည့်သည့် ရှင်းက ကားပေါ်က အထုပ်ကြီးငယ်တွေကို တစ်ယောက်တည်းချပြီးနောက် ကားနောက်ခန်းတံခါးကို ပိတ်ပစ်လိုက်သည်။
" မှူးအိမ် . ပစ္စည်းတွေလာကူသယ် "
" ဟုတ် ကိုကို "
ပုံမှန်ဆို ပက်ခနဲပြန်ပြောတတ်သည့် မှူးအိမ်က ရာသီဥတုမကောင်းသည့် ရှင်းရဲ့မျက်နှာကို ရိပ်မိပုံရပြီး နိုင်သလောက်အထုပ်လေးတွေကိုသယ်ကာ အိမ်ထဲဝင်သွားသည်။
" ကလေးကိုခိုင်းနေပြန်ပါပြီ ... ကိုယ်သယ်ပေးမယ်ဆိုတာကို "
" အင်း "
ဘာစကားမှပြန်မဖြေသည့် ရှင်းက မှူးအိမ်မနိုင်တော့လို့ထားခဲ့သည့် အထုပ်ကြီးတွေကိုသယ်ကာ Rey ကို ဖြတ်ကျော်ပြီး အိမ်ထဲဝင်သွားသည်။
" ဟွန်း ... "
နှာခေါင်းရှုံ့လိုက်ကာ လေတွေကိုမှုတ်ထုတ်ပစ်လိုက်ရင်း Rey မှာ အလိုမကျ။ ကားနားမှာ မတ်တပ်ရပ်လျက်သားနှင့် အိမ်ထဲဝင်သွားသည့် ရှင်းရဲ့ကျောပြင်ကိုငေးကြည့်ရင်း ကျန်နေခဲ့သည်။
![](https://img.wattpad.com/cover/252180099-288-k208889.jpg)
STAI LEGGENDO
𝑴𝒚 𝑹𝒆𝒚 [Completed]
Storie d'amoreခင္ဗ်ားနဲ႔ေတာ့ Reyဆက္လွ်ံရယ္ ... ဆိုးလိုက္တာ ခင်ဗျားနဲ့တော့ Reyဆက်လျှံရယ် ... ဆိုးလိုက်တာ