سولفلي على روحك يابعد هالروح

البارت السادس عشر

فرح : مهيوب بس ببسي من يمك ،،

باوعت لحكيمه اشبيها تتنعوج على راسي هاي لخ حجيت رحمن خويه بس اطي فرح ببسي دارت راسها ضاجت لان ماعبرتها ،،

أمل : سمعت عمه مريم تريد تزوج احمد لو الله ذب عليه الخجل عبالك خطبتني اله احس خدودي تشعل نار يربي اشبيه سريعة الاشتعال كبر منو يمي ام تريد تزوج ابنها اني شكووو باوعت لاحمد شون هيبه لابس دشداشه سوده ومحدد لحيته وهوا اشكر ،،

يربي شكد احبه دعيت ربي يجعله من قسمتي سارحه بحركاته وسوالفه انتبهلي ورفع حواجبه وابتسم  صحيت ع نفسي عززه شكد عيب هسه شيكول عليه نزلت راسي حسيت نفسي شبعانه شفت رزان راحت تغسل كمت وراها ،،

رزان : واضح كلشي واضح ليش يجذب يسوي نفسه مصدوم بخطوبة امه لفرح ضل ساكت عود مستحي عشتو بس صدك ترهمله الطيور على اشكالها تقع بس لا والله هوا احله ،، اهوو هسه اني شعليه انسدت نفسي من الاكل خل اكوم اغسل ماريد اضل كاعده مقابيل هذا المعقد فوكاتها يجذب  كمت داغسل وصلت المغسل واجت وراي أمل ،،

امل : ها ام لرور شو تحجين ويا نفسج اكو شي ،

رديت لاحبي ماكو شي ،،

رحت للحديقه شفت الكل راح يغسل لميت الاكل ويا الببنات ورحنه نغسل مواعين ورواء تسوي جاي شهد كاعده ع الكرسي ورحمه يمها يتهامسن مادري شعدهن باوعتلهن ورفعت حاجب هاا خير شكوو تتهامسن ،،

شهد : مو يمج حبي ،
رحمه : والله رزونه شكلو راح يصير شي،،

حجيت اعقلن شوي شفت عمر دخخل للمطبخ يسأل ع الجاي ،

عمر : ها يابه ماصار الجاي  باوعلي كال هاي شنو شو خطارنه يغسلون الصحون،،

رديت هاي شنو يعني معتبرنه خطار ،،

حجه لاعمي بس اليوم لازم ندللكم من بعدها كل يوم
اجي اخذج تنضفين البيت ويا امي لانو راح تزوج رواء،،

رحمه : ليش استاذ عمر ماناوي تزوج انشالله ،،

عمر : لاعليمن ازوج رزان موجوده تشتغل وامي تطبخ وانتي معليج ،،

شهد : حجيت من يمي اني هم موجوده شنو تحتاج كلي،،

عمر : لاعمي منريد نتعبج اخاف ع ايدج  العفوو قصدي عندج دراسه ،،

رزان : هيلووو لعد منو كلك اني معندي شغل وعمل اجي اغسلك مواعين وملابس ،،

عمر : هسه نطوني جاي بعدين نتفاهم وانتي رزان شدي حيلج اريد المواعين تلمع ،،
رزان : خب شووو تعاال انت اغسل ،، طكها ركضه للحديقه صاحت رواء عممر الجاي يمعود ،،

شهد : انطيني اني اودي اخذته منها ورحت للحديقه كعدت يم ام عمر عود نادره وسويت جاي صبيت للكل ووزعت ورجعت كعدت يم القوري شفت رزان طلعت من المطبخ واجت ،
مهيوب : صبيلي بعد ستكان ،،