ظلموني و بكاو عليا قصة ليلى " باللهجة الجزائرية "

24

#من_صفحة_هنا_نحكي_حكايتي
#ليلى
#الحلقة_24
قتلكم محمد كان برا متقابض معاهم على جالي ...حتى سمعت عجوزتي قاتلو سراقة مخلوعة فيها ...ولا راهي حقراتك ....المهم على هذي الكلمة مبديتش نفرز صيبو خرجت ليهم كيما راهم قتلها و علاه انتوما كي دايرين ....حالة السراق خيرمنكم ....وك من لي جيت ليكم و انتونا الخبورات و المعاني ...جيت ليكم الدود ياكل فيكم ..  صبتكم القاطو و متعرفوش تصنعوه ....شكون تقبل بيكم في هذ الجبل لي راكم ساكنين فيه ...سراقة و متجيش ليكم ....قلي موحا دخلي و سكتي ...قتلو مندخلش عيييييت مليييت اااااي كرهت ..قاتلو عجوزتي براس يما ما راكي زايدة ضربة هنا ....ليوم قشك و طريق لداتك تديك يا فاميلة  السراقة ..قتلها ني رايح انا الكلبة ايلا قعدت عندكم ....رحت لشومبرتي خملت قشي و قتلو ضروك تديني لدارنا....قلي منخرجوش بلا سيدي ....قتلو تديني صينو ندق روحي بموس و نديرها ....(لبنات صيبو ولات حاجة متهمني خلاص بديت مشتهيا خبر زين و لا جماعة زينة في حياتي ) ....قتلو سيدك يقولي روحي و لا قعدي غير كيفك انا هذ الدار منزيدش فيها دقيقة .....راح مسكين جاب طومبيل ...(محمد كان خايف على بيبي يقلك لطونسيو تضربها و وليدي يخرج كيما انا بدا يساعف فيا ) .....المهم رحت حالتي لا حالة ...مخبرتهمش فالدار ...حتى نحطيت عليهم ...قلت لموحا انت رجع لدار و من بعد ربي يعمللها حل .طوحكي لبويك كلش و شوف واش يقلك و عيطلي ....جات يما تهدر معايا ...قتلها لا اله الا الله الحبس الحبس و لا هوما ...قتلها كرهولي حياتي ....جات تقلي ساعفي وقاع ...طرت عليها في وجها واش من مساعفة ساعفي ساعفي ..وانا شكون يسعفني اه ؟....علاه دايمن انا لي نتحمل القرارات و الاوامر تاعكم اه ؟ .....قاتلي كي يجي بويك و هدري معاه هكا ....نحيت حجابي و خليت  كابتي فالكولاور ....وقعدت نحكي للزهيرة واش قتلها غوال حكيتلها كلش ....االمهم جا خويا الصغير ....سمعتو يهدر مع يما ...قلها معندهاش عام بدات فالمشاكل و نخرج ليه....وليت انا ثان منصبرش خلاص .....قتلو اسمع مدخلش روحك دار بويي و نجي كيما ضهلي ..كي يقلي بويي روحي نرووح ...جا بغا يضربني حتى حكماتو يما ......( تخيلو قاع هذ المشاكل و هذ النشايع وانا بالكرش ) ....المهم كي جا بابا ...حسبني جيت و خلاص كي شاف الكابة فاق ..عيطلي قلي رواحي ...قلي واش كاين ...قتلو مقدرتش نعيش معاهم .....قلي و معامن تقدري تعيشي انتي ....طلعت عينيا فيه و كانت اول مرة لي نشوف فيه ملي صرات ذيك الضربة....قتلو عايروني بسراقة قلي علاه غلطو ( كانت ليا كيما الضربة على القلب وليت نتلقى ضربة مورا ختها وسيرتو من عند الاهل )  ..قتلو بابا من تالي واش هو القرار تاعك ...قلي .......#يتبع .....