ظلموني و بكاو عليا قصة ليلى " باللهجة الجزائرية "

19

#من_صفحة_هنا_نحكي_حكايتي
#ليلى
#الحلقة_19
قتلكم رحت لطبيبة فوتتلي و حكيتلها حالتي و حالة راجلي و قتلها ني خايف على طفل ...قاتلي و عمامو كيفاه دايرن قتلها نورمال قتلها بلي يماه مرضت على ذيك جابتو هاك ..قاتلي احي معندك علاه تخفي هذي مهيش حاجة وراثية هذي نتيجة و عكة صحية مثلا لطونسيو تضربك و لا تضرب الجنين لي في كرشك من الزعاف ...قاتلي قادر يصرالو كيما هاك ..قاتلي روحي و كوني هانية متاخفيش و عطاتني رونديفو على شهر و فهمتني قاع شا ندير ..ريحيتني هذ الطبيبة رجعت لدار زدت بت ذيك ليلة ....بت انا و زهيرة مجمعين ( ربي معطنيش اخت بصح عطاني مرت اخ وقفت معايا في كلش ) ..المهم تنصح فيا و هدرة تجيب هدرة و قاتلي بويك راه ندمان بزاف ...و تخيلو من لي رحت ليه لقيتو مرة مزدتش حوست عليه ...نفس شي مع خواتي ملي رحت و هوما يقضو واش من ماكلة و اش من سقايط .......ليصونصيال صباح عيطت لمحمد قتلو مور ظهر رواح ديني تخيلو بديت مقلقة متأمنوش ريسانكم باه نرجع لداري ...في دارنا نضريت و بديت نشوف و حد الصوالح انوغمال ....المهم جاب طاكسي و جا ....مسكين مبغاش يخرج من الطاكسي حشم..باسكو كنت نسكن في حومة غير تاع تقرعيج  ....عيطلي غير فالتلفون ....قتلو يسموك تنزل و تجي دخلتو لاقا دارنا و خرج قدامي وانا خارجة مع يما و زهيرة يوصلو فيا عند الباب  ...جبدت يما 300 الف جات تمدهلي هربت يدي قتلي و الله ما تتتبعني ...قاع متكلخوليش بالدراهم كون جيت صح نهمكم ....مخلاتنيش زهيرة نكمل الهدرة ..قاتلي ها نعلي شيطان ...قاتلي يما تاع باباك ..قتلها و الله ما نديها و متخلونيش نعاود نجبد الماضي .....ليصونصيال خرجت و رحت لدار ...رحت صبت عجوزتي برا فالقوايل مترقدش خلاص تضل هاملة برا ...حبيت راسها و جيت فايتة قاتلي شا قاتلك طبيبة .....يا لطيف هذي وين عرفت ....شكون قلها ....قتلها ايه راني بالحمل و قاتلي حرزي... ..مخلاتنيش قاع نكمل هدرتي قتتلي روحي روحي خلاص عرفتني بلي نقلها ذيك الهدرة تاع متعبيش روحك و متزعفيش روحك  ...المهم دخلت لشومبرتي و نحيت حيجابي و بقيت نفرغ في كابتي لي ديت فيها كسوتي ....المهم كي جيت نطبق و نرجع كسوتي فالخزانة صبت الدعوة انورمال مقلبين في حوايجي ...قلت بلاك محمد رجع للخزانة خرجت عيطتلو و سقسيتو قلي ايه انا ...بصح شكيت بلي هو غير مبغاش المشاكل بصح بقات في قلبي ...بقيت نهدر معاه حتى صونا تلفون عرفتها بلي زهيرة مكاش لي يعيطلي من غيرها ....قلت بلاك كاش ما نسيت عندهم ....انا رفدت و هي تهدر و تلهف قاتلي ا ليلى يمينة يمينة .....قلبي حبس جمدت و عينيا تشرعو .......#تصبحون_على_خير.....ااه هذي هيا فلول قتلكم مش حتقدر تغمض عينيك انا شا دخلني ....