ظلموني و بكاو عليا قصة ليلى " باللهجة الجزائرية "

4

#من_صفحة_هنا_نحكي_حكايتي
#ليلى
#الحلقة_4
قتلكم بعثتلي يمينة ميساج قاتلي ليلى خويا شك فيا بزاف و قلي بلي راه عندكم يد فالسرقة متزيديش تجي عندي باه ميسقسيكش ويفيقولنا  ...هنا شكيت بلي راهي باغية دلي هاك و هاك و تدي الامانة لروحها ....زدات ضربت يومين وحدوخرة رحت للمعهد وحدي باه ندفع ذاك الدوصي و المشكل يمينة مبغاتش تروح معايا قاتلي مخلاونيش نخرج و بطلت منيش باغية ندير سطاج ..خلعتني بدات تتعامل معايا بوحد الطريقة كي شغل تليكيدي فيا..ليصونصيال رحت وحدي للمعهد سجلت و خرجت بكي بديت نمشي صبت واحد يلحق فيا من البلاصة لختها ..خفتو دخلت لوحد الكوسميتيك باه نتأكد ايلا راه يتبع فيا ولالا ..المهم انا دخلت وهو دخل من موريا حكمني مني يدي وبدا يبكي قدام مول الكوسميتيك ..نخلعت ...قلي يا ختي بجااااه ربي ياختي خبريني الصح ...قتلو واش من صح ..مقدرش يهدر من البكا ..انسان شوية كبير فلاج متوال 40 ..قلي شوفي ياختي انا خدام على ولادي و انا لي كنت خدام فالحانوت تاع الذهب و مول الذهب يكون راجل ختي مخدمني عندو و راه عاطيني سمانة في يدي قلي متجيبليش حقي نرفع عليك قضية و ختك راهي مطلقة ...انا سكت من الخلعة قلي ني خايف و يلا راكم عارفين واش صرا خبروني بلاك نقدر نرجع الامانة لمولاها ...وبقا غير يهدر. ..ويقولي راكي رايحي تخربي داري و دار ختي ....ما صبتش قاع واش نقلو ضروك كون نقلو حنا ديناه باين ترووح علينا خلاص فات الوقت باه نرجعو في هدرتنا ....و بالمقابل غاضني قسملي قلبي ...قتلو منيش عارف مشفتش ...وجيت خارجة ووهو يلحق فيا ...قتلو وين تسكن و كيفاش  يسموك قلي انا الفلاني و نسكن فالبلاصة لفلانية ....( في قلبي قلت ندي لادراص تاعو و نروح نهدر مع يمينة بلاك يحن قلبها و نرجعو الامانة ) ...... عيطتلها مبغاتش تريبوندي و بعثتلها ميساج ثاان مكان والو ...رجعت لدار و رحت عندها نيشان طبطبت فتحت عليا هيا قاتلي واش قتلك البارح ياخي قتلك متجيش  ...قتلها شوفي من تالي تستقبليني و دخليني نهدرو الاز متستقبلينش ضروك نفضحك .....دخلتني  كي حكيتلها قاتلي واش راكي تهدري تاعش الذهب لي راكي تهدري عليه واش من سيد .....مهبولة انتي .....(نخلعت ) .....مأمنتش راسي ......#يتبع....لسا ما شفتو شي