#من_صفحة_هنا_نحكي_حكايتي
#ليلى
#الحلقة_8
قتلكم صرات الكارثة و يمينة دات الذهب و هربت جا السيد مع ختو يدو امنتهم بابات يمينة قلهم غير روحو شتكو راهي عندكم ..وبابا قلو اسمع اوليدي شوف قيملي شعال يستقام ذاك الذهب قلو السيد نقيمولك كيما شريناه ...قلو داير 67 مليون بصح انا نقيمو غير ب 60 و 7 ربي يسمح بابا قلو يسما نعطيك 30 ...قلو السيد ماشي مشكل بصح لخرين ثان يعطولي 30 قلو بابا ميعطوكش باين ...قلو ايه ملا نروح نشتكي ....قلو بابا يسما رجعنا غير لنقطة لولا هاكك بنتي ثان تجبدها و باين اللعب كانت معاها معاها والقانون يعاقب على السرقة و التصريح الكاذب ....قلو السيد ربي يسهل عليكم ...قلو بابا شوف زيد عطينا يومين في يدي و نوعدك امانتك تكون عندك ...راح السيد ..رجع بابا ل بابات يمينة باغي يقلو عاوني نخلصوه ...بصح للاسف قلو معنديش و مهيش بنتي ربي يسهل خلي يقبضوها ...قلو بابا بصح بنتي ..مخلاهش قاع يكمل قلو بنتك هي السبة كون خبرتنا فلول قاع ميصراش هاك ..تزايدو فالهدرة ....وصلت تقريب لدبزة ...حتى دخلو الجيران بيناتهم ....رحت بلعت على روحي فالشومبرة و نبكي و نقول انا واش درت ...والغريب فالامر بابا قاع مهدرش معايا ...حكم خاوتي و قلهم معندناش حل لازم نخلصوه ..خاوتي عارضو قلولو و الله الف منجبدوه راه فينا الكريدي تاع الحانوت ....ما عيا يفهم فيهم بصح والو ...المهم الصباح ناض بابا نوض طومبيبلتو وراح و انا فالكوزينة نغسل فالماعن و دمعتي على خدي ...حتى طبطب الباب راحت فتحت يما صابتو بابا جاي على رجليه و خرجت راسها برا تحوس على طومبيل قلها ميشقاش تحوسي عليها بعتها ...طاحت يما على ركبيها و تبكي ....انا فشلت ....مقدرتش نخرج ليها من الحشمة ...جات ليا للكوزينة قاتلي واش نقلك يا طفلة متربحيش ما دامت الشمس تطل فالسما ...الله ينعلك ....لحمي كوش كي بدات تدعي عليا هاكك خرجت نجري من الكوزينة و رحت لشومبرتي مغاضتنيش يما كيما غاضني بابا لي يضل يغسل في طومبيلتو وينقي فيها ...من نهارو رجع على رجليه....وبلا التبهديلة لي لحقتهالو ....خلص عليا ذاك الدين وخلصو وحدو ...ومن ذاك النهار مبداش يشوف فيا و ديجا واحد مبقاش يشوف فيا بعدما كنت محبوبة ولي نطلبها تحضر ....واحد مبداش دايها فيا ...وبدات حالتي تشف لا خرجة لا قراية ...بديت ناكل من روحي. ضعفت من تخمام ندمت ندمة مفوقاش ...من غير يما لي تهدر معايا بصح هدرة تاع بسيف ....فات عام وانا على ذيك الحالة و يمينة و لا خبر عليا ....وحد الخطرة كي لعادة جاو خاوتي من الخدمة رحت نحطلهم العشا ..بديت فلكوزينة حتى سمعت خويا الكبير يقول ليما .....#يتبع ....لسما ما شفتو شي
ČTEŠ
ظلموني و بكاو عليا قصة ليلى " باللهجة الجزائرية "
Povídkyاخطأت فلازمها عذاب ضميرها .. ارادت فعلا ان تصحح خطأها .. ليلى فتاة مدللة وجدت نفسها امام ظلم كبير فقط لانها حالت ان ترضي ضميرها قصة واقعية و للامانة حزينة من عمق المجتمع الجزائري
